Home Remedies for Burns – Gharelu Nuskhe Jald Rahat Ke Liye
Twacha sharir ke taapman ko banaye rakhne mai ek matavapurn bhumika nibhati hai, isliye twacha ko koi bhi haani is taapmaan ke santulan ko prabhavit kar sakti hai. Burn bijali, aag, rasayan ya suraj ki vajah se ho sakta hai. Yeh twacha aur uske antarnihit uttako ko nuksan pahucha sakti hai.
Minor Burn se chhoti- moti pareshani paida ho sakti hai. Jabki, deep Burn hamesha ke liye aapke jeevan ke halaat badal sakta hai. Burn nuksaan ke sthaan aur eahraayi par nirbhar karta hai. Sharir mai jala hua sthan burn ki gambheerta nirdhaarit karta hai. Minor burn ka Home Remedies for Burns ki madad se asaani se ilaaj kiya ja sakta hai. Yadi sharir ke bade hisse me gaehra jalta hai, to fir use medical attention aur surgical treatment ki aavshyakta ho sakti hai.
Home Remedies for Burns: Jane Prabhavi Gharelu Upchar
Jab bhi koi vyakti jalta hai, to koi bhi upchaar shuru karne se pehle use prathmik chikitsa di jani chahiye. First Aid for Burns me shamil hai:-
- 5 minute tak sharir ke jalne wale area me thanda paani dalte rehna chahiye.
- Dard ko kam karne ke liye jale par ek geela toliya rakhna chahiye.
- Thande paani se jale ko bhigone ke bad ek saaf patti ke sath dressing karke cover kar dena chahiye.
- Dhool, garshan aur dabav se savdhaan rehna chahiye.
- Twacha tandi hone ke bad us par lotion lagana dard ko kam karne mai bahut prabhaavi hota hai.
Gambheer roop se jale ko tatkaal chikitsaa dekhbhal ki aavshyakta hoti hai, lekin agar mamuli jala hai to prakratik upchaar se ise aasani se thik kiya jaa sakta hai. Mamuli jalna ghar me aam baat hai. Aapko ek garam stove, microwave ya waffle iron aadi ko galati se chhoone ke karan jal saka hai. Jalne ka khatra hone par, chinta nan kare, aese kayi gharelu upchar hai, jinki madad se minor burn ka ilaaj kiya ja sakta hai.
Hum yaha aapko Simple Home Remedies for Burn bata rahe hai:-
You May Also Like:- Home Remedies for Boils: Gharelu Tariko se Paye Fode se Nijad
Aloe Vera
Aloe Vera Benefits for Skin ham sabhi jante hai. Aloe vera ko istemal karne ka sabse accha tarika yeh hai ki iske plant ka ek tukade ka prayog kiya jaye. Seedhe shabdoon mai, keel ki tarah ki pattiyoon mese ek chhoti si tip ko kaatne ke liye kainchee ka upyog kare. Ab ise khole aur jale hue prabhavit area par andar ka jel lagaye aur pratidin kayi baar lagaye jab tak ki ghaav theek na ho jaye.
Agar, jarurat pade to kapde ya gauze patch ke sath ise cover kar de. Aap agar khud ke ghar me aloe vera ka plant nahi viksit karna chahte hai, to fir aap uchch gunvatta , aur bina synthetic additives wala fresh aloe vera khareed sakte hai, jo ki kayi vyavsaayiko ke paas uplabdh hota hai.
Shahad
Burn ko shahad se ilaaj karne ke liye pehle acchi tarah se ghaav ko saaf karle. Ab shahad ko ghaav mai sheeda failale aur sterile gauze ki madad se ghaav ko cover kar de. Sath hi prati din do se teen bar dressing badalte rahe.
Vinegar
Vinegar ko use karne se pehle ye sunishchit karle ki apka ghaav saaf ho. Ab sankraman ko rokne ke liye dilute vinegar ka upyog kare aur ek komal kapade ki sahayata se ise ghaav par lagaye. Sath hi, jarurat padne par bar bar yahi prakriya dohrayen.
Colloidal Oatmeal
Colloidal Oatmeal ko suddha powder ke form mai khareeda ja sakta hai. Ise paani ke sath mix karke paste banaye aur fir ghaav par achhi tarah se lagale. Gahare aur bade ghaav (sunburn bhi) ke liye, Colloidal Oatmeal ko paani se bhare ek tub me mix kare aur fir oatmeal bath le. Aap kayi tarah ke products ka use kar sakte hai jisme Colloidal oatmeal moujud hota hai, jaise – creams, lotions, sabun aadi.
Ande Ka Safed Hissa
Isse pahle aapne Egg White to treat burns ke bare mai shayad nahi suna hoga, lekin yeh bahut hi lokpriya Home Remedy for Burns hai. Egg whites ka use karne ke liye, ande le safed hisse ko pile wale hisse se alag kare or fir jail hui skin ko egg whites se bhigo de. Kuch ghante skin ko egg white me bhigone ke bad, aapko jail hui skin par jyda lambe samay ke liye dard mahsoos nahi hoga.
You May Also Like:- Home Remedies for Yeast Infection: Iss Sankraman Ke Upaye
Kacche Aalo
Yeh Home Remedy kuch logo ke liye ashcharya ki baat ho sakta hai, lekin ham aapko batade ki yeh bahut hi prabhavi hota hai. Raw Potato arthat kacche aalo apne soothing aur anti-irritating guno ke karan minor burn ke upchaar me sahaayak ho sakte hai. Yeh jail hui twacha me chhale viksit hone ke khatre ko kam kar sakte hai. Raw Potato ke kayi slices kaate aur dheere dheere jail hui twacha me ragade. Iss baat ka jarur dhyan de ki aalu apna juice jail hui twcha par dalte rahe. Sarvottam parinaam ke liye, iss gharelu remedy ka upyog jalne ke turant baad kare.
Nimbu Ka Ras aur Nariyal Tel
Minor burn ke illaj ke liye nimbu ka ras aur nariyal tel bahut prabhavi hai. Nimbu ke ras mai acidic compounds hote hain, jo kisi bhi tarah se nishaan ko halka kar sakte hai. Coconut Oil mai Vitamin-E aur Fatty Acids (jaise myristic acide, lauric acid aur capricacic) hota hai, jisme antifungal, anti-bacterial aur anti-oxidizing gun hote hai. Agar aap jalne ke nishaa se pidhit hain, to inn dono ko ek sath barabar matra mai milaye aur sheede jale hue nishan par lagaye.
Upar aapne jana Home Remedies for Burns. Yeh upchar aapke burning skin ko jaldi heal kar sakti hai, sath hi dard ko bhi kam kar sakti hai. Inn remedies ki madad se kuch dino ke bheetar hi aap puri tarah se theek ho sakte hai.
