Jab bhi hame hichki aati hai to aesa kaha jata hai koi hame yaad kar raha hai. Lekin yeh bus yu hi kehne ke liye kaha jata hai. Hichki aane ka kisi ke yaad karne se koi sambandh nahi hai. Darahsal yeh diaphragm ke sankuchan ke karan aati hai.

Diaphragm aesi mashpesiya hai jo chhati ko pet se alag karti hai. Jab yeh sankuchan karta hai to bahut jadli mai saas lete hai aur uske just baad aapke vocal cords band ho jate hai. Isi se hichki ki vishesh dhwani nikalti hai.

Kabhi kabhi hichki bahut kam aati hai aur 1 minute mai chalte jati hai. lekin kai bar 1 ghanta ho jata hai lekin yeh band hone ka naam nahi leti hai. Aese mai yadi aap kisi mahatvapurn jagah par ho jaise meeting aadi, to yeh pareshani ka karan ban jati hai, isliye aaj ham aapke sath share kar rahe hai Home Remedies for Hiccups.
 

Home Remedies for Hiccups in Hindi: Hichki Band Karne Ke Liye

 
Home Remedies for Hiccup
 

Apni Saans Roke

Apni saanso ko kuch der rokkar rakhna, hichki dur karne ka sabse saral tareeka hai. Yeh aapke khoon mai carbon dioxide ki matra badha deta hai. Isse aapka mastishk distract ho jata hai, isse aapko hichki aana band ho jati hai.

  • Gehri saans le au rise kuch der tak rok kar rakhe, baahar hawa na nikalne de.
  • Iske baad dhire dhire aur aaram se saanso ko chode.
  • Wapis se saans le aur use rokkar rakhe. Iss prakriya ko wapis dohraye, jab tak hichkiya ruk na jaye.

 

Relax Rahe

  • Kabhi kabhi khud ko relax kar lene se bhi hichkiya ruk jati hai. Iske liye bistar par aaram se let jaye.
  • Ek taraf muh karke soye. Gehri saans le aur use 10 se 15 seconds tak rok kar rakhe. Fir dhire dhire ise chhod de.
  • Iss prakriya ko kuch aur bar repeat kare, aur fir uthne se pehle thodi der ka rest lele.

 

Peanut Butter

  • Yadi aapke ghar mai peanut butter moujud hai to hichki aane par aapko isse madad mil sakti hai.
  • Darahsal jab aap butter khate hai to yeh khane ki nali se hokar jata hai. Isse aapke saans leni ki kriya prabhavit hoti hai.
  • Isliye isse bhi hichki mai aaram milta hai. Yeh ek bahut hi prabhavi Hiccup Remedies mai se ek hai.

 

Ulti Ginti Gine

  • Jab bhi aapko hichki aane lage 100 se 1 tak ulti ginti kare, isse bhi aapko hichki aana band ho jata hai.
  • Darahsal aesa karne se aapka dhyan hichkiyo se hat jata hai.
  • Yadi kisi vyakti ko hichki aa rahi hai aur aap use kuch darawani ya fir hairan karne wali baat bhi batade tab bhi hichki hat jati hai.

 

Anya Fayde Inhe Bhi Janiye:-

  1. Aesa mana jata hai ki yadi hichki karte wakt phataphat pani pila diya jaye to hichki band ho jati hai.
  2. Yadi aap apni gardan mai thande pani mai bhiga hua kapda rakhti hai, to isse hichki mai aaram milta hai.
  3. Aapne shahad ke faydo ke bare mai to suna hi hoga. Shahad ka sevan karne se naso ko aaram milta hai jisse hichki aana band ho jati hai.
  4. Jab bhi aapko hicki aati hai to chocolate powder le, isse aapki hichki band ho jayegi. Iska ek chammach hi kaafi hai.
  5. Ek chammach nimbu ka ras aur usme thoda sa shahad milakar chatne se hichki ki samasya hamesha ke liye band ho jati hai.
  6. Taje adrak ke chote chote tukde muh mai rakh le, isse bhi aapki hichki ki samasya khatam ho jati hai.
  7. Aadha chammach seb ke sirke ke bad ek glass pani pee le. Isse aapka dhyan bhatakta hai aur aapko hichki aana band ho jati hai.

 
Upar aapne jana Home Remedies for Hiccups in Hindi. Yadi aapko bhi hichki ki samasya ho rahi hai to upar bataye gaye gharelu upchar isme aapki madad kar sakte hai.