Subscribe Whatsapp

South Indian Bridal Makeup Tips in Hindi: Dulhan Ke Liye Khas

Shadi har ladki ke liye bahut bada din hota hai, Kyonki ladkiya bachpan se hi iss din ka sapna dekhti hai. Jab kisi bhi ladki ki jindagi mai yeh din aata hai to wah uss din duniya ki sabse khubsurat ladki dikhna chahti hai.

Iss din ko yadgar banane ke liye ladkiya kaafi samay pehle se hi iski taiyari mai lag jati hai. Taaki shadi ke din ka makeup dulhan ke liye sabse perfect aur aakarshit dikhe. Yadi aap madrasi dulhan hai to aaj ka lekh aapke liye hai.

Dakshin bhartiya makeup aapko logo ki bheed mai bahut alag aur aakarshit dikhne mai madad karega. Iske alawa aapke makeup mai bhartiya sanskriti ki jhalak bhi dikhai degi. Aaiye jante hai South Indian Bridal Makeup in Hindi, aapke khas din ke liye.
 

South Indian Bridal Makeup in Hindi: Dakshin Bhartiya Dulhan Ke Liye

South Indian Bridal Makeup Tips in Hindi
 

Khubsurat Kanjivaram Saree Pehne

Saree bhartiya sanskriti ki pehchan hai, jis tarah banarasi saree ko bahut matavapurn mana jata hai. Usi tarah dakshin bharat mai kanjivaram saree ka bahut mahatva hai yadi aap south Indian dulhan banne ja rahi hai to aapka pehnave mai kanjivaram saree hona chahiye. Aap chahe to safed mai golden patte wali saree pehan sakti aur adhunik yug ke hisab se kai rango mai bhi kanjivaram saree bhi pehn sakti hai. Yadi aap saree pehnne ki aur bhi tarike jaana chahte hai to yaha dekhiye saree pehnne ke tarike.
 

Gehne mai Lakshmi Haar Pehne

Dulhan ke gale mai lakshmi har bilkul lakshmi ji ki tarah dikhai deta hai. Har Indian Wedding Makeup mai ise bahut pasand kiya ja raha hai. Lakshmi haar, sone ki bani hui chain hoti hai jo aapko kai aakar aur design mai milti hai, tatha isme lakshmi ji ka pendent hota hai. Dakshin bhartiya dulhan ko lakshmi haar pehnna bahut jaruri hota hai, Iss haar ko pehnne ke bad aap kaafi royal look mai najar aayegi. Aap apne hisaab se iss chain ko bada ya chhota kar sakti hai.
 

Kundan Ki Mala aur Kade

Kundan har kisi ko bahut pasand hota hai, kyonki isko pehnne ke bad ladki ek dam maharani jaisi lagti hai. Yadi aap lakshmi haar pehan rahi hai to kundan ki mala ki lambai jo jyada rakhe. Aajkal ek chhota aur ek bada haar pehnna kaafi trend mai chal raha hai.

Yadi aapki lambai kam hai to thoda lambe haar ka chayan kare aur lambai acchi hai to aapke anusar kisi bhi tarah ke haar ka chunav kar sakti hai. Iske sath aap kaan ke bale aur chudiya bhi kundan ke pehan sakti hai, yeh aapke upar kaafi jachenge aur aap bahut khubsurat dikhengi. Jab aap chudi ya bracelet pehne to pura hath bhara hua hona chahiye.
 

Mang Tika Lagaye

Mang tika ko dulhan ki maang mai sajaya jata hai, yeh tika kisi bhi dhatu ka pehan sakte hai. Aap chahe to sona, chandi ya kisi aur mehangi dhatu ka pehan sakti hai. Yeh dulhan ke gehno mai se ek mahatvapurn gehna hota hai.

Aajkal ek chain, jada hire wala mang tika kafi pasand kiya ja raha hai. Yadi aap sadharan dulhan se kuch alag dikhna chahti hai to bhari mang tika bhi apni mang mai saja sakti hai.
 

Baalo mai Lagaye

Jada Billalu Dhatu Ko Lagaye: Jada billalu ek dhatu hoti hai jo baalo mai lagaya jati hai, tatha yeh dulhan ke baalo ko sundar dikhane mai madad karti hai. Aap ise jude mai ya chhoti ke sath bhi laga sakte hai. Jada billau lagane se dulhan ki sundarta aur bhi bad jati hai.

Gajra Lagaye: Dakshin bhartiya mahilaye chameli ke phool ka bana hua gajra baalo mai lagana kaafi pasand karti hai. Gajre ko baalo mai lagane ka rivaj yaha par sadiyo se chala aa raha hai aur mahilaye ise lagakar bahut sundar dikhti hai. Aap ise chouti mai ya jude mai laga sakti hai. Dulhan Makeup ke liye ise bilkul najar andaaj nahi kiya ja sakta hai.
 

Kamar mai Bandhe Kamarbandh

Kamarbandh ko kamar mai pehna jata hai, yeh bhi kai design mai aapko milte hai. Jinhe aap apni pasand se chunav kar ke kharid sakti hai. Kamar bandh ko shadi ke upar ki taraf se lagaya jata hai aur ise pehnne se aapka look aur nikhar kar aata hai.
 

Pairo Ke Liye Payal

Dulhan ke pure makeup ke bad payal bhi bahut mahatvapurn bhumika rakhti hai. Aap aapki shadi mai apni pasand ke anusar patali chandi ki ya motiyo ki payal pehan sakti hai.
 
Upar aapne jana South Indian Bridal Makeup Tips in Hindi. Iss dulhan makeup ko karne ke bad aap duniya ki sabse khubsurat dulhan dikhegi aur har koi aapko hi dekhta reh jayega.