Subscribe Whatsapp

Selfie Makeup Tips in Hindi – Ek Khas Tasveer Ke Liye

Chahe bacche ho ya bade aajkal har kisi ko selfie lene ka shouk hai. Aur aesa ho bhi kyu na aap acche dikh rahe hai to aapko aapke pics nikalne ke liye kisi ki jarurat nahi hai. Aap khud ki hi madad se apne photos nikalkar apne pariwar walo aur dosto ko bhej sakte hai.

Lekin aapne dekha hoga jab aap selfie lete hai to aap bahut sari tasveere khichte hai, jisme se aap ek ya do apne pas rakhte hai aur baki sab ho jati hai delete. Yane ki aapki sari mehnat barbad ho jati hai.

Lekin kya aapne socha hai ki selfie lene ke liye acche background ke alawa aur bhi kai chize mayne rakhti hai, aur wo hai makeup. Aapne dekha hoga ki celebrities jab apni selfie dalte hai to wo aapko bahut acchi lagti hai.

Aesa isliye hota hai ki wo selfie ke liye us prakar ka makeup karte hai. Yadi aap chahte hai ki aapko apni selfie ke shots delete naa karne pade. Aur aapko aapki selfie ke liye bahut sare likes mile to yaha janiye Selfie Makeup Tips in Hindi.
 

Selfie Lete Wakt Kuch Iss Tarah Kare Apna Makeup
 
Selfie Makeup Tips
 
Aankho Ke Liye

Aapne aksar dekha hoga jab bhi aap mobile ya camera se photo khinchte hai to usme aapki eyebrow vastvikta ke comparison mai halki aati hai. Isliye selfie lene se pehle apni eyebrows ko pencil ki sahayata se dark kar le. Niche dekhiye aur bhi kai makeup tips.

  • Aapko eyebrow pensil iss tarah lagana hai ki aapki eyebrows ko accha shape mile.
  • Aankho mai kajal bhi lagaye, yeh aapko flaunting look dene mai madad karega.
  • Yadi aap simple look chahte hai to keval eye liner lagaye. Kajal naa lagaye.

 

Hontho Ke Liye

Yadi aap hontho par bina kuch lagaye selfie lete hai to pics mai aapke hontho ka rang grey aata hai. Isliye acchi photo click karne ke liye hontho ka makeup bhi jaruri hai.

  • Yadi din ke samay selfie le rahe hai to light pink jaise shades ka chunav kare.
  • Wahi yadi aapki selfie raat ke wakt ki hai to dark rang jyada fabde hai jaise red aur brown.
  • Lekin iske alawa aapka pehnava aur chehre ka tone bhi mayne rakhta hai.

 

Chehre Ke Liye

Aapki selfie tab acchi aati hai, jab aap acche dikhte hai. Aapka chehra yadi saaf nahi hai to aap hi bataiye kya aapki pic acchi aayegi? Nahi bilkul nahi isliye bhale hi aapke phone mai flash ki suvidha ho tab bhi apne chehre ka bhi aapko dhyan rakhna hoga.

  • Apne chehre ko scrub ki madad se exfoliate kare aur acche se dhoye.
  • Twacha ke anusar foundation ka chayan kare. Sath hi yadi twacha rukhi hai to foundation mai moisturizer bhi milaye.
  • Jab aap selfie lete hai to aapko chehre par bahut sara foundation nahi thopna hai, iske liye light makeup hi accha rehta hai.
  • Chehre ko smooth look dene ke liye halka sa shimmer laga sakte hai.

 

Baalo Ke Liye

Aapke baalo ka bhi selfie par bahut prabhav padhta hai. Isliye jis hisab se aap selfie chahti hai apne baalo ko bhi usi hisab se jama le.

  • Yadi aap sweet and simple wala look chahti hai to apne baalo ko sidha rakhe. Aap chahe to poni bhi bana sakti hai, ya cleture mai apne baal laga sakti hai.
  • Yadi aap funky look dikhana chahti hai to apne baalo ko bhikhra bhikhra rakhe.
  • Jo ladkiya selfie mai bold lagna chahti hai wo gile baalo ke sath photo click kar sakti hai.

 

Anya Baate Inhe Bhi Janiye:-

  1. Aapki selfie mai yadi aapne traditional kapde pehne hai to makeup bhi usi ke anusar karna chahiye. Aur yadi aapne western kapde pehne hai to modern kapde pehanne chahiye.
  2. Jitna ho sake selfie ujale mai lena chahiye, andhere mai photos itni khas nahi aati hai.
  3. Yadi aap acchi pic chahti hai to aapko accha background chunna chahiye, yadi aap bahut acchi dikh rahi hai, aur background bahut ganda hai to aapki puri mehnat bekar chale jayegi.

 
Upar aapne jana Selfie Makeup Tips in Hindi. Upar di gayi tips ko follow kare, sath hi apne chehre par ek lambi si smile rakhe, isse aapka look aur bhi jyada attractive lagega.