Subscribe Whatsapp

Eye Lenses Side Effects in Hindi: Aankho Ke Liye Nuksandayak

Aajkal computer, mobile tatha laptop ka istemal kaafi badh gaya hai. Iska adhik istemal karne se aankho par jor padta hai aur vyakti ki aankhe samay se pehle hi kharab ho jati hai. Iske atirikt aajkal ke khanpan mai vitamin A ki kami ke karan bhi aankhe kamjor ho jati hai.

Aankhe kamjor hone ke karan pidit vyakti ko thik se dikhai nahi deta aur use netra chikitsak chasma lagane ki salah dete hai. Lekin Chasma aapki khubsurti ko kam kar deta hai aur aankho ke nich kale ghere bhi bana deta hai.

Aankho par chasma na pehnna pade iske liye log aajkal contact lenses ka istemal bhi karte hai. Inn lenses ka aajkal kaafi chalan hai tatha log color lenses ka bhi istemal karte hai taki wo gorgeous dikh sake. Parantu aapko bata de ki inn lenses se kai sare dush parinam bhi hai. Aaiye jante hai Eye Lenses Side Effects in Hindi.
 

Eye Lenses Side Effects in Hindi: Jane Iske Dushparinaam

 
eye-lenses-side-effects-in-hindi
 

Lense Ko Saaf Na Karne Par

Humari aankhe bahut najuk hoti hai, jab aap lenses ko achhe se saaf karke nahi lagate hai inka aapki aankho par bura prabhav padhta hai. Kyonki lenses mai lagi gandagi aapke aankho ke sampark mai aane par sankraman paida kar deti hai.

  • Lenses ki rojana dekhbhal kare tatha saaf jagah rakhe.
  • Kai bar storage cases mai bhi kitanu ho sakte hai to uski bhi safai kare.

 

Lenses Pehanne Ke Bad Dhup mai Jana

Kai log lenses pehan to lete hai but unhe yeh nahi pata hota ki lenses pehnne ke bad bhi unka dhyan rakhna padta hai. Jaise lenses pehnne ke bad dhup mai bina sunglass ke nahi nikalna chahiye kyonki suraj se nikalne wali UV kirne aapki aankho ko kharab kar sakti hai.

  • Jab bhi dhup mai lenses pehankar nikale chasma jarur lagaye.
  • Jab aapne eye lens pehan rakhi ho aankho par pani ka jyada istemal na kare.

 

Aankho Ka Jalna

Jab aap aankho mai plastic ya silicon lenses lagate hai. To iske karan aapki aankho mai turant jalan hona shuru ho jati hai, aur yeh jalan kuch samay ke liye rehti hai. Isliye kai bar aankho par lenses ko lagane se palko par bhi sujan aa jati hai.

  • Inn lense ke karan aapki aankho mai jalan hone lagti hai.
  • Iske alawa jab tak aankho par se yeh sujan nahi jati tab tak aap lense ko aankho par nahi laga sakte.
  • Aankho ki dekhbhal ke liye eye lense ki jagah eye glass ka hi istemal karna chahiye.

 

Aankho mai Dryness Aana

Lenses lagane se kai bar aankhe sukh jati hai ya kahe ki ashru granthi sukh jati hai. Inn granthiyo mai aasu ki kami ke karan aankho mai khujali tatha sukhapan ho jata hai. Iss tarah ka side effect bahut der tak contact lenses pehnne ke karan hota hai.

  • Jab aap contact lenses utarte hai to kuch der bad aankho mai jalan hone lagti hai.
  • Aankho mai jalan hone ka mukhya karan aankho mai dryness hai.

 

Saste Lense Ka Istemal Karne Par

Yadi aap acchi company ke lenses use karte hai to Side effects of contact lenses se bach sakte hai. Kintu kai log kharab aur sasti jagah se contact lenses lene ki galti kar baithte hai. Kyonki jinhe contact lenses ka shok hota hai wo lenses ko turant lagane ka sochte hai. Jabki acchi company contact lenses ko turant nahi deti balki unhe dene mai kaafi samay lagta hai.

  • Aap jab bhi contact lenses kharide acchi to wo company ka ho.
  • Dhyan rakhe aesi jagah se kabhi bhi lense na kharide jaha doctor ki prescription ki jarurat na ho.

 

Aankho mai Allergy Hona

Rojana aankho mai contact lenses pehnne se aankho mai allergy hone lag jati hai. Iss allergy ke bare mai kai logo ko pata nahi hota hai aur wo lagatar eye lenses ko pehne rehte hai.  Jab vyakti ko allergy hoti hai to uski aankhe lal ho jati hai.

  • Aankho mai allergy hone ka karan lenses par lage huye solution hota hai.
  • Allergy hone par aapki aankhe thaki hui aur puri tarah laal dikhai deti hai.

 

Lense mai Pani Jama Hona

Lenses mai intercooler liquid padarth hota hai jo dhire dhire aankho ke retina par jama ho jata hai. Kai bar iss padarth ke karan aankho mai sankraman hone ka khatra bad jata hai. Iss tarah ka sankraman tab hota hai jab aap soft lenses pehante ho.
 

Upar aapne jana Eye Lenses Side Effects in Hindi. Aapko bataya gaya hai ki jab bhi aap lenses ka prayog kare to uprokt jankari ka jarur dhyan rakhe taki aap lenses ka istemal bhi kar sake aur koi dush prabhav bhi aapki aankho par na ho.