Subscribe Whatsapp

Triphala Benefits in Hindi: Anek Rogo Mai Faydemand

Kamjori ke karan sharir bimario ka ghar ban jata hai lekin yadi hum thoda sa satark rahe aur ayurved ko apnaye to hum apne sharir ko swastha rakh sakte hai. Sath hi sharir ka kayakalp karne mai bhi aasani hoti hai.

Santulit aahar ke sath Triphala ka upyog karne se hriday rog, ucch-raktchap, madhumeh, netra rog, pet ke vikar aur motapa aadi hone ki sambhavnao ko kam kiya ja sakta hai. Ayurved ki mahan den trifala se humare desh ka aam nagrik to parichit hai. Kabhi na kabhi kabj dur karne ke liye aapne bhi iska istemal jarur kiya hoga.

Trifala churn humare sharir ka kayakalp kar sakta hai, jarurat hai uske niyamit abhyas ki. Kyoki varsho tak kiya gaya trifala ka niyamit sevan sharir ko swasth aur dirghayu banaye rakhta hai.

Yeh 20 prakar ke kusht rog, visham jwar aur sujan ko nasht karta hai. Asthi, kesh, daant aur pachan tantra ko majboot banata hai. Iska niyamit sevan sharir ko saksham, furtila aur asamay budhape se bachata hai. Yeh har aayu varg ke liye upyukt hai. To aaiye jane Triphala Benefits in Hindi.

 

Triphala Benefits in Hindi: Janiye Iske Labh aur Istemal ka Tarika

 

Triphala in Hindi

 

Triphala Benefits: Iske Labh

Trifala ya trifala ka churn bhure rang ka hota hai. Jo aamla, harad aur bheda ko milakar banaya jata hai. Trifala ka shabdik arth hai “teen phal”. Ek bhaag harad, do bhaag baheda aur chotha bhaag amla ka mishran hota hai. In teeno ko dhup mai sukhakar mahin pees le. Kapde se chankar kanch ki shishi mai bharkar rakh le. Isme kadva, khatta, tikha, mitha aur namkin sabhi ras hote hai. Aaiye jante hai Benefits of Triphala in Hindi.

 

Vasa Kam Kare

Yeh pachan aur bhukh ko badane, lal rakt kanikao ki sankhya mai vradhi karne aur sharir mai avanchaniy vasa ki matra ko kam karne mai sahyog karta hai. Muh mai ghulne par trifala rakt ke jamav aur sar sard ko dur karta hai. Iske anya faydo mai twacha ka rang aur ton ka sudhar bhi shamil hai. Trifala ke gungune kaade mai shahad milakar pine se motapa kam hota hai.

 

Netra Prakshalan

Tambe ke lote ya mitti ke patra mai pani dalkar usme 2 chammach trifala churn raat ke samay mai bhigokar rakh de. Subah kapde se chankar us pani se aankho ko dhoye. Yeh aankho ke liye bahut hi labhprad hota hai. Isse aankh swasth aur drashti sushm hoti hai. Aankho ki jalan, lalima aadi takleef dur hoti hai.

Chan jane ke baad bache huye trifala ki lugdi ko balo mai laga le. Aadha ghante baad balo ko dho le. Aisa karne se baal majboot hote hao aur pakte bhi nahi hai. Gaay ka ghee aur shahad ke mishran ke sath trifala ka sevan aankho ke liye vardan swaroop hai.

 

Kulla Karna

Trifala ko raat bhar pani se bhigokar rakhe. Subah manjan ke baad is pani ko muh mai kuch der tak bharkar rakhe. Thodi der baad nikal de. Isse dant aur masude vradhavastha tak majboot rahte hai. Isse muh ki durgandh aur chaale bhi bilkul thik ho jate hai.

 

Kabj Mai

Yeh ek ayurvedic aushdhi hai. Jiska khaskar upyog kabj dur kar ne ke liye kiya jata hai. Ratri ko sone se purv 5 gm trifala churn ka gungune pani ya doodh ke sath lene se kabj dur hokar pet saaf karta hai. Kabj dur karne ke liye isabgol 2chammach ke sath trifala churn milakar gungune pani se lena accha rahta hai.

 

You May Also Like:- Hadjod in Hindi – Tuti Haddi Jode aur Anya Rogo se Bachaye

 

Anya Triphala Churna Benefits

  1. Trifala churn 5-5 gm lene se dad, khaj, khujli aur charm rog mai labh pahunchata hai.
  2. Mutra sambandhi samsya aur madhumeh mai yeh faydemand hota hai.
  3. Trifala ke kade se ghav dhone se allopathic-antiseptic ki jarurat nahi hoti hai. Ghav jaldi bhar jata hai.
  4. Shahad ke sath iska istemal karne se twacha sambandhit rog dur ho jate hai.
  5. Trifala rogo se mukti dilata hai aur jivan shakti ko badata hai. Isse pet saaf hota hai aur gehari nind aati hai. Subah-subah taaje pani ke sath iska sevan bahut labhkari hota hai.

 

Trifala in Hindi: Ise Lene Ka Sahi Samay

  • Subah agar trifala lete hai to usse “Poshak” kahte hai. Kyoki subah iska sevan sharir ko poshan deta hai jaise sharir mai Vitamin, Iron, Calcium aadi ki kami ko pura karta hai. Subah ke samay iska sevan aap gud ke sath bhi kar sakte hai.
  • Raat mai ise lete hai to usse”Rochak” kahte hai. Kyoki raat ko trofala lene se pet ki safai tatha kabj ityadi ka nivaran hota hai. Raat mai ise garm doodh ke sath lena chahiye.

Isme koi do ray nahi hai ki Triphala Benefits in Hindi anmol hai. Iska niyamit sevan sharir ke liye asardari aur faydemand hota hai.