Subscribe Whatsapp

Vada Sambar Recipe in Hindi: Swadhist South Indian Dish

Vada sambar south ki bahut hi lokpriya dish hai. Sath hi ise medu vada ke naam se bhi jana jata hai. Ise pure desh mai bahut pasand kiya jata hai, yeh khane mai bahut swadisht hota hai.

Iske alawa yadi aap health ko leke kaafi satark rehte hai aur jyada tel-ghee ki chijo se duri banaye rakhte hai to bhi yeh dish ko aap kha sakte hai.

Bacche ho ya budhe har koi ise khana pasand karte hai, kyonki garam garam sambar ke sath jab aap fuli hui dal ka vada khate hai to aap iss swad mai kho jate hai.  Aap kai bar vada sambar khane ke liye bahar jate honge.

To kyu na bahar jane ke bajaye ise aap ghar par hi bana le aur ghar ke sadasyo ke sath, ghar mai aaye mehmano ko bhi khilaye. Ise ghar par banana kaafi aasan hai to aaiye jante hai Vada Sambar Recipe in Hindi.
 

Vada Sambar Recipe in Hindi: Jane Ghar Par Banane Ka Tarika

 
Vada Sambar Recipe in Hindi
 


Origin South
Iski taiyari ka samay 15 minute
Banane ka samay 30 minute
Dal ko bhigoye 4 se 5 ghante
Kitne logo ke liye 8 log

 

Recipe for Vada: Jane Iski Samagri

  • 1 Cup udad dal
  • 3 Hari mirch kati hui
  • 4 Kali mirch
  • 10 Curry patta
  • 1 Chhoti chammach kata adrak
  • Namak Swadanusaar
  • 1 Chhoti chammach hara dhaniya kata hua
  • Tel vada talne ke liye

 

Jane Vade Banane Ki Vidhi

  1. Iss banane ke liye sabse pehle urad dal tatha mung dal ya fir chana dal ko dhoye aur 4 se 5 ghante ke liye bhigo ke rakh de, yadi aap subah banane wale hai to dal ko rat mai bhigo kar rakh de.
  2. Ab dal ko pani se nikale aur ek bar fir saaf pani se dal ko dho le. Iske bad dhuli hui dal mai thoda sa pani dal ke mixer mai dal ko pees le.
  3. Isme pani ko jyada na dale jitna kam ho sake utna pani dale aur dal ko bhi jyada barik na kare halka dardara rehne de.
  4. Jab aapki dal pees jaye to isme namak, adrak, hari mirch aur hara dhaniya dale aur dal ko sabke sath milakar acche se fet le. Aap jitna dal ko fetenge vade uthe hi jyada mulayam banenge.
  5. Ab Aapka vada banane ke liye vada ka mishran taiyar hai. Ek taraf kadahi mai tel garam karne ko rakhe taaki aap usme vada ko tal sake, Iss mishran ko aate ki loi utna leke aapke hatho mai rakhe.
  6. Aap chahe to hatho par plastic ki sheet bhi rakh sakte tatha uss par vada ka mishran dale. Aapko bata de dakshin bharat ke log vada banane ke liye plastic sheet ki jagah kele ke patto ka istemal karte hai.
  7. Jab tak aapka tel garam ho raha hai tab tak vada ka mishran hatho mai le aur gile hatho ki ungliyo se mishran ko gol gol banaye.
  8. Ab bane huye gole ke bich mai ek ched kar de tatha ise garam tel mai talne ke liye dal de. Dhyan rakhe ki vada dono taraf acche se tal jaye tab use tel se bahar nikale. Isi tarah sare vada bana lijiye. Yeh baccho ke liye tasty breakfast ideas mai se ek hai.

 

Recipe for Sambar: Jane Iski Samagri

1. Sambar Powder
  • 1 Chhoti chammach sabut dhaniya
  • 1 Chhoti chammach kata hua adrak
  • 2 Hari mirch
  • Namak swadanusar

 

2. Jane Sambar Ke Liye Jaruri Samagri
  • 2 Cup arhar ki dal
  • ½ Cup sabjiya (Kaddu, tamatar, beans, loki)
  • 2 Chhoti chammach imali ka guda
  • 1 Chhoti chammach lal mirch
  • Namak swadanusaar
  • 1 Pyaj
  • 8 Curry patta
  • ½ Chhoti chammach rai
  • 3 Lal sabut mirch
  • Chutki bhar hing

 

Sambar Banane Ki Vidhi

  1. Sambar banane ke liye sabse pehle sambar powder ki sari samagri le aur unhe tave par bhun le. Iske bad inhe mixer mai barik pees le.
  2. Ab arhar ki dal le aur usme bana hua sambar powder, namak, lal mirch dale aur cooker mai dalkar 1 citi le le.
  3. Jab dal gal jaye to imali ka guda dale aur aur 2 minute tak pakaye. Iske bad ek fry pain mai tel garam kare aur usme hing, rai, curry patta, sabut lal mirch tatha pyaj dal ke chhok lagaye.
  4. Inn sabhi samagri ko tel mai acche se bhun le aur sambar ko isme dal de. Aapka garam garam sambar vada taiyar hai. Aap ise vada ke sath serve karke khaye.

 
Upar aapne jana Vada Sambar Recipe in Hindi. Iss batai vidhi ke anusar aap ghar par ise aasani se bana sakti hai aur apne pure pariwar ke sath iss swadisht dish ka luft utha sakti hai.