Subscribe Whatsapp

Valentine Love Tips in Hindi: Janiye Pyar aur Izhaar ke Tarike

Agar aap kisi ko pasand karte hai ya koi aisa hai jiske liye apke dil mai kuch kuch hota hai. To yeh saptaah apne pyar ko jatane ka accha samay ho sakta hai, kyoki abhi chal raha hai valentine week.

Desh aur duniya mai valentine saptaah ka yuvak-yuvtiyo ko besabri se intzaar rahta hai, wah shuru ho chukka hai. Ab 14 February tak har din valentine ke naam rahega. Aakhir kya hai, iss chote se shabd pyar mai, ki sunte hi rom-rom mai ek mitha aur bhina-bhina sa ehsas jag uthta hai.

Jise pyar nahi hua wah uski iccha rakhta hai aur jisse ho chukka hai weh usse banaye rakhne ka prayas karta hai. Kaha jata hai ki Rom mai tisri sadi ke ek shashak nai apne seniko ke vivah par pabandi laga di thi. Valentine namak sant ki prerna se kai seniko ne vivah kar liya tha issi se gussaye raja ne 14 February ko un sant ko fansi par chada diya tha.

Baad mai in sant ki smriti mai Valentine Day yani Prem Divas manaya jane laga. Manyata hai ki, iss hafte log apne partner ya premi ko lubhane ke liye tarah tarah ke jatan karte hai aur valentine day wale din apne pyar ka izhar karte hai.

Deshbhar ke sabhi premi yah soch mai lage ki kya gift kharide. Ho sakta hai aap bhi yahi soch rahe ho. Agar Haa, to aapki kuch had tak madad to hum apki kar hi sakte hai. Sath hi hum aapko Valentine love tips in Hindi ke bare mai bhi batayenge.

 

Valentine Love Tips in Hindi: Pyar ko Nibhane ke Tarike

 

Valintine Love Tips in Hindi
 

Agar aap bhi apni valentine ko khush aur sada unke hotho par muskan dekhna chahte hai. To hum apako bata rahe hai kuch Love Tips in Hindi, Jinse aapki partner khush ho jayengi aur unki khushi se badkar aur kiya chahiye. To aaiye jante hai kuch najuk se upay unki mithi se smile ke liye-

  1. Agar aap apne partner ki khubsurti ki tariff karna chate hai to unhe hot ya sexy na kahe, unse kahe ki wah khubsurat hai.
  2. Unke hath ko apne hatho mai tham kar rakhe.
  3. Pyar se unke mathe ko chume.
  4. Unki choti choti baato ka khayal rakhe, kyoki yeh pyar ka bahut jaruri hissa hai.
  5. Unhe barabar yeh batate rahe ki aap unhe kitna pyar karte hai.
  6. Agar wo pareshan hai to, unhe gale se lagakar ehsas dilaye ki aap humesha unke sath hai.
  7. Kabhi-kabhi aap unke sath masti bhi kare jaise- gudgudana, god mai uthana, kandhe par bitha lena, kushti karna ya funny jokes sunana.
  8. Unke sath ghumne jaye, dance kare, apne dil ki har baat share kare.
  9. Aadhi raat ko SMS kar unhe bataye ki aap unhe kitna yaad kar rahe hai.
  10. Jab wah aapme puri tarah kho jaye to unhe pyar se chume aur unki aankho mai dekhkar muskuraye.

Rishta koi bhi ho, apne sathi ki bhavnao ki kadra kare, agar koi baat pasand na aayi ho lekin turant kahne ki bajaye baad mai aaram se baat kare aur apne kahne ka andaaz humesha khushnuma rakhe.

 

You may also like:- First Date Tips in Hindi: Pehli Mulakat Ho Kuch Khas

 

Ideas for Valentine’s Day: Pyar Ke Liye Uphaar

Valentine Day najdik hai, aise mai aapko samjh nhi aa raha hoga ki apni partner ya girlfriend ko kya gift du, kabhi lag raha hoga ye deta hu, phir soch rahe honge ye nahi kuch aur, tension na le hum bhi aapki kuch madad kar dete hai. Ho sakta hai aapko bhi Ideas for Valentines Day pasand aajaye.

 

Red Rose Buke

Jab baat pyar ki ho to sabse pahle red rose samne aata hai, aakhir aaye bhi kyo na, lal gulab ko pyar ka pratik jo mana jata hai. Aap apne valentine ke liye red rose ka designer guldasta le sakte hai. Jo attractive to ho hi sath hi usme apna pyar bhi darshaye.

 

Chocolate Covered Strawberry

Chocolate to sabhi ko pasand hoti hai lekin agar usme kuch alag swad aa jaye to kya baat hai. Aap apne partner ko chocolate se covered strawberry bhi gift kar sakte hai. Jo swad mai to alag hogi hi sath hi apke rishte ko bhi ek naye mukaam par le jayegi.

 

Photo Collection

Aaj kal pictures ka collection bhi ek naya gift bajar mai aaya hai. Aap apne partner ki alag alag tasviro ka ekatra kar ek bada sa photo banwa kar use akarshak frame mai lagwakar bhi unhe gift kar sakte hai.

 

Online Gifts

Agar aap online payment karna jante hai to aap apne valentine ke liye online gifts bhi book kar sakte hai. Online shopping ki sites ke jariye aap teddy bear, jewelry, mobile, camera, glass panting aur bahut se aakarshak gifts dekh sakte hai.

Pyar ka mol to in tohfo se nahi lagaya ja sakta hai lekin yeh apne pyar ko dikhane ka accha tarika jarur ho sakta hai. To aap bhi Valentine Love Tips in Hindi aur gifts ke sujhawo ko samjh kar apne valentine ko prabhavit kar sakte hai.