Valentine day ka intezar sabhi ko hai. Har ladki chahti hai ki iss din wo behad khubsurat dikhe. Taki jab wo apne love one se mile to wo use bus dekhta hi reh jaye. Aur jindagi bhar sirf usi se pyar kare. Yeh to hui unn logo ki baat jo pehle se kisi rishte mai hai.

Iske alawa jo ladkiya single hai wo bhi iss din aakarshak dikhna chahti hai. Taki jis bhi ladke ko wo pasand karti hai wo use khud propose karde.

Iss din chahe aapko bold dikhna ho ya fir sweet, isme makeup hi aapki madad kar sakta hai. Ladkiyo ko jab kisi function ke liye jana ho ya fir dosto ke sath party karni ho to tab unke liye taiyar hona aasan hai.

Lekin baat jab valentine jaise din ki ho, to unhe samajh nahi aata ki wo kaise taiyar ho. Aapka confusion dur karne ke liye aur aapke din ko khas banane ke liye ham laye hai Valentine Makeup Tips.

Valentine Makeup Tips in Hindi – Aakarshak aur Stylish Dikhe

Valentine Makeup Tips in Hindi

Kare Cream Foundation Ka Istemal

  • Aapne gaur kiya ho to ladko ko aesi ladkiya jyada pasand aati hai jiske chehre par masumiyat jhalakti ho.
  • Lekin sadharan foundation ke sath aesa look pana thoda sa namunkin hai.
  • Chehre par cream foundation ka istemal kare, yeh aasani se twacha mai absorb ho jata hai.
  • Foundation hamesha water proof wala hi istemal kare. Foundation lagane ka tarika aap yaha se jaan sakte hai.

 

Pink Blush Lagaye

  • Jab bhi aap sharmaye ya fir hase uss wakt aapke gaal gulabi dikhenge to aapki khubsurti aur bhi adhik dikhegi.
  • Iske liye aapko light color ke blush ka istemal karna hoga. Blush ka rang pink hi chune.
  • Valentine’s Day Makeup par iss chiz ko to bilkul na bhule.

 

Lipstick Na Bhule

  • Hontho mai lipstick lagane se aapke look mai tajgi aa jati hai. Yeh aapke makeup ka aham hissa hai.
  • Iss din natural rang ka istemal naa kare, nahi to khas din bhi aap fiki fiki najar aayengi.
  • Valentine ke din ke liye aap red lipstick ya fir pick lipstick ka istemal kare. Aur upar se thoda shine karta hua gloss lagana na bhule.
  • Yadi aapko yeh rang lagane ka man nahi hai aur aap kuch aur rang chunna chahte hai to Lipstick Shades mai se light aur grey type ke shades ko pehle hi hata dena.

 

Eyeliner Se Lekar Eye Shadow Tak Sab Ho perfect

  • Aapne bhale hi asal jindagi mai na dekha ho, lekin tv mai do pyar karne wale juba se jyada aankho se baat karte hai.
  • Kher hame yeh to nahi pata ki hakikat mai bhi pyar karne wale jode aesa karte hai ya nahi. Lekin itna jarur jante hai ki aankho ke makeup ke bina aapka makeup, makeup nahi lagega.
  • Aankho ke makeup ko complete karne ke liye kajal to aapko lagana hi hai lekin sirf itna hi kaafi nahi hai.
  • Aankho ki palko par apne kapdo se match karta hua eye shadow lagaye. Iske bad aankho ko accha shape dete huye eyeliner lagaye.
  • Iske alawa aankho ko flirty look dene ke liye eye mascara lagana na bhule.
  • Yadi aapki eyebrow light hai to ise pencil se highlight karna na bhule.

 

Baalo Ko Rakhe Khulla

  • Yeh ek khas din hai to ham aapko iske liye kisi tarah ki hairstyle ke bare mai nahi batayenge. Kyoki hamare hisab se aapko iss din apne baal khulle rakhna chahiye.
  • Baalo ko khulla rakhne ke aap apne face par suit karne wala style chun sakte hai. Jaise ki ya to complete straight ya curly.
  • Agar aap chahe to apne baalo ko messy look bhi de sakti hai. Jin par khulle baal suit nahi karte wo hair pins ka istemal kar sakti hai.
  • Yadi aap apne valentine se milne ke liye sham ke wakt ja rahi hai aur night gown pehnne wali hai to aap baalo se jude ko bana sakti hai.

 

Chune Special Dress

  • Yeh aapke liye ek khas din hai to aesi dress chune jo aapko roj se kuch alag aur aakarshak dikhane mai madad kare.
  • Iss din laal rang ka vishesh mahatva hota hai isliye agar aap laal rang ki dress chunti hai to valentine wala feel bhi aayega.
  • Lekin hamne laal keh diya hai to iska matlab yeh nahi hai yeh rang aap par nahi suit karta hai tab bhi aap ise pehan le. Aese mai aap dusre rang bhi chun sakti hai.
  • Dress ke sath sath kuch match karti hui accessories jarur pehne.

Upar aapne jana Valentine Makeup Tips in Hindi. Hamne aapke makeup aur dress, dono ke jhanjhat ko dur kar diya hai. lekin iske alawa aur kuch bhi hai jo aapko apne sath carry karna padhega wo hai chehre par pyari si muskan.