Subscribe Whatsapp

Yoga for Pregnant Women – Aapke aur Hone Wale Bacche ke Liye

Maa banna har ek lady ka sapna hota hai, har lady chahati hai uska baccha swasthya roop me janm le aur age bhi swasthya rahe. Pregnancy ke samay me rakha gaya dhyan hone wale bacche ki sehat ko accha ya bura bana sakta hai.

Aaj kal Doctors; ladies ko Pregnancy Yoga karne ki salah dete hai, jo unke aur unke bacche ki acchi sehat ke liye jaruri bhi hai. Yoga karne se aapka mind aur body dono labor pain ko sahan karne ke liye ready ho jate hai.

You may also like:- Pregnancy Diet in Hindi: Garbhavastha Mai Sahi Aahar

Pregnancy Yoga Tips – Kare Aapke Sharir ko Taiyar

Pregnancy ke dino me body ki work activity bahut kum ho jati hai, jisse muscles weak hone lagti hai aur unki power bhi kum ho jati hai. Lekin yoga karne se pure sharir me energy stimulate hoti hai aur ye aapke delivery ke time hone wali complications ke khatre ko kum karti hai.

Aaiye Jante hai Kuch Gentle Yoga for Pregnant Women

Breathing

Ye sabse aasan aur important yoga hai, isme aapko apani breathing pe focus karna hota hai. Iske liye aap naak se dhire-dhire lekin gahari saas le aur fir chode.

Stretching

Isme aapko hamesha ki tarah apane sare body parts ko stretch karne ki jarurat nahi. Aap simply beth kar apane hatho aur gardan ko unki full range me move karne ki koshish kare.

Yoga for Pregnant Women

Meditation

Subah jaldi uthkar, khuli hawa me kuch der sidhe bethne ki koshish kare. Apani aankhe band karke meditation kare, ye aapko stress se relax rakhega.

Walk

Koshish kare aapko roz 15 to 20 minutes ghumne ke liye mile, isme thoda walk kare aur khud ko relax kare. Ye best yoga tip he pregnancy ke dino me swasthya rahane ke liye.

Pregnancy Yoga ko start karne se pahale apane doctor se jarur consult kare, kyuki wo hi aapko isme sahi raay de sakte hai.

Har kisi ka sharir alag hota hai aur uski capacity bhi alag hoti hai, isliye kisi ka dekh kar ya apani kisi friend ki advice pe ye yoga na kare. Khud Doctor se sab samaze aur agar wo aapko allow kare to hi in yoga tips ko follow kare.

See more details of Yoga for Pregnant Women from Diet and Fitness.