Bronchitis, cough ki khasi ko kaha jata hai. Yeh sadi khasi nahi hai. Yeh naak aur phepdo ke bich saas lene wali nali mai sujan aa jane ke karan aati hai. Isme aapko gale mai khichav sa lagta hai aur aesa lagta hai jaise kuch chubh raha ho.

Iski samasya hone par gale mai dard tatha kharas rehti hai jiske chalte kuch bhi khane ya pine mai takleef hoti hai. Iske karan log theek se saas nahi le pate hai. Kai bar to iske chalte bukhar bhi aa jata hai.

Bronchitis ki dikkat hone par pehle to sukhi khasi aati hai aur fir bulgum bhi aane lagta hai. Jab yeh pehli stage par rehta hai tabhi aapko iska upchar kar lena chahiye aur ise badhne se rokna chahiye. Iske upchar ke liye ham aapko bata rahe hai Bronchitis Home Remedies.
 

Bronchitis Home Remedies: Shwas Nali Ki Sujan Kam Kare

 
Home Remedies for Bronchitis
 
Iske hone par subah subah khasi ka doura aata hai, jo rukne ka naam hi nahi leta hai. Yadi aapko yeh samasya bahut lambe samay se bani hui hai to bina der kiye chikitsak se sampark karna chahiye. Aaiye jante hai iske gharelu upcharo ke bare mai:-
 

Shahad

Bronchitis ke karan hone wale cough ko dur karne mai shahad bahut madadgar hai. Shahad mai moujud antibacterial aur antiviral gun bacteria ko khatam kar gale ko rahat pradan karte hai. Sath hi sath shahad aapki rog pratirodhak kshamta ko bhi badhata hai.

  • Rojana black tea mai shahad milakar peene se bronchitis ki samasya se kaafi nijat milti hai.
  • Gungune nimbu pani mai shahad milakar lene se gale ki kharash aur gale ke dard se bhi rahat milti hai.
  • Yeh bahut hi prabhavi Home Remedies for Bronchitis hai.

 

Haldi

  • Haldi kai guno se bharpur hai, isliye hi iska prayog kai sari swasthya samasyao mai aushdhi ke roop mai kiya jata hai.
  • Haldi wala dudh pine se bronchitis mai bhi fayda milta hai. Prayog ke liye dudh mai haldi dalkar ubalna hai.
  • Dudh ko aapko tab tak ubalna hai jab tak haldi acche se pak na jaye. Fir iss garam garam dudh ki chuskiya le. Ise thanda pine par koi fayda nahi hota hai.
  • Iss prayog ko karne se gale mai dard aur kharash dono mai rahat milti hai.

 

Lehsun

  • Lehsun mai antibacterial aur anti viral gun moujud hote hai. Isliye yeh bhi bronchitis ki samasya se nijad dilane mai madadgar hai.
  • Prayog ke liye lehsun ki do se teen kaliya le aur unhe chhil le.
  • Ab kaliyo ko mash karke dudh mai dale, fir dudh ko ubal le.
  • Sone se pehle iss dudh ka sevan kare.
  • Aap chahe to subah- subah khali pet lehsun ko chaba chaba kar bhi kha sakte hai. Nahi khate ban raha hai to bich bich mai pani piye.

 

Garam Taral Padarth Le

  • Din bhar kuch na kuch garam garam padarth lete rahenge to isse aapke gale ki sikai hogi aur aapko rahat milegi.
  • Jaruri nahi hai ki aap soup ya kadha hi le. Aap chahe to gunguna pani pite rahe to bhi chalega.

 

Namak Ke Pani Se Garara

  • Best Medicine for Bronchitis ki baat kare to jaruri nahi hai ki aapko kuch na kuch khana hi hai. Keval namak ke pani se garara karne par bhi gale ki kharash khatam ho jati hai.
  • Darahsal namak ka pani infection ke karan gale mai aane wali sujan ko dur karta hai.
  • Jald se rahat pane ke liye aap din mai do se teen bar garara kare. Aap khud fark mehsus karenge.

 

Tulsi Ka Kadha

  • Tulsi ka kadha pine se bhi gale mai bahut rahat pahuchti hai. Isse gale ke kharas se nijat milti hai.
  • Tulsi ki chai banante wakt isme laung aur adrak dal denge to isse aapko double fayda hoga.
  • Ise banane ke liye ded cup pani, 1 choti chammach chai patti, tulsi ki 6-7 pattiya, 1-2 kali mirch peeskar, adrak ka mash kiya hua chota tukda, aadhe se aadha chammach shakkar(agar kadha bikul na pite banta ho to) sab kuch gas par ubalne ke lkiye rakh de.
  • Jaise hi yeh ubal kar ek cup ho jaye. Ise chan le aur garmagaram piye. Din mai do bar ise le sakte hai.

 

Badam

  • Badam hamare immunity system ko strong banati hai aur sharirik samasya se ladne mai madad karti hai.
  • Isme calcium, magnesium aur potassium paya jata hai. Isse saans lene mai hone wali ka khatma hota hai.

 
Upar aapne jana Bronchitis Home Remedies in Hindi. Yadi aapko bhi yeh samasya hai to aap upar bataye gaye upcharo ko apna sakte hai. Iss douran jitna ho sake dairy utpado se dur hi rahe. Gala kharab hone ki wajah se pani pine ka man nahi karta hai, lekin sharir ka hydrate rehna bahut jaruri hai. Isliye bharpur pani piye.