Subscribe Whatsapp

Dandiya Dance – Navratri Par Masti aur Fitness Ek Sath

Navratri ka ham sabhi ne besabri se intejar kiya, aur inn 4 din hamne khub dhum bhi machai. Lekin garba khelne ke sath sath, inn dino mai vajan badhane wali kai chize khane mai aati hai. Jaise mithaiya ya fir anya pakwan.

Inn sabhi chizo ke sevan se hame tension hone lagti hai ki kahi hamara vajan naa badh jaye. Lekin yeh wakt masti karne ka na ki tension lene ka. Ham aapko bata de ki navratri mai kiya gaya garba aapke man ko khusi deta hi hai sath hi yeh aapke vajan ko bhi ghatane mai madad karta hai.

Navratri mai kiye gaye garbe se aap active hote hai. Dandiya ki beat par ham log alag alag tarike se apne sharir ko modte hai, jisse sharir mai lachilapan aata hai. Sath hi ham dandiya ko ham bahut enjoy karte hai isse ham fresh bhi rehte hai.

Aap khud dekhenge ki din bhar job karne wale log bhi jab rat ko garba karne jate hai, we garbe karkar apne andar bahut accha mehsus karte hai. Dandiya Dance for Fitness bahut prabhavi hai. Yeh aapko shape mai rakhne mai madad karta hai, isliye aap bina kisi tension ke bache huye dino ko enjoy kar sakte hai.
 

Dandiya Dance for Fitness – Sharir Ke Liye Behtar Vyayam

 
Dandiya Dance for Fitness
 
Navratri 2016, ka aap bahut aanand uthana chahte hai, aur khane pine par jyada bandishe nahi rakhna chahte hai to koi baat nahi. Aap khate pite pee apni fitness ka khayal rakh sakte hai. Kyonki garba karke bhi aap apni calories ko jala sakte hai, jitni aap doudkar ya tairaki ke jariye jalate hai.
 

Aaiye Jante Hai Kuch Dandiya Workout Health Benefits: –

 

Cardio Karne Ka Accha Tarika

Dandiya khelna, Cardio ka bhi ek accha vikalp hai. Aap shayad nahi jante honge lekin Zumba Dance ki tarah aap garba se bhi 600 calories tak ghata sakte hai. Bahut se logo ko exercise karna pasand nahi hota hai. To isse better kya ho sakta hai ki aap masti ke sath sath vajan bhi ghata payenge.
 

Pet Ki Charbi Kam Kare

Bahut se log apne pet ki badhi hui charbi se pareshan rehte hai. Yadi aapke sath bhi kuch stithi hai to dandiya khelne se behtar kuch aur nahi hai. Navratri mai garbe khelte wakt aap apne sharir ke kuch kilo vajan aasani se kam kar lenge.

Garba workout charbi ghatane mai bahut madadgar hai, khanskar pet ki charbi. Yadi ise karte wakt aap lagatar movement karte hai to aap 300 se 400 calories tak jala sakte hai. Yeh iss baat par depend karta hai ki aapke dance ki intensity kya hai.
 

Rakt Sanchar Sucharu Kare

Dandiya karte wakt aapke sar se lekar pair tak ki muscles utilize hoti hai jisse aapke sharir ka raktsanchar badhta hai. Raktsanchar accha hone se aapko sehat ke kai fayde milte hai, jo ki aerobics vyayam se milte hai.

Sath hi dandiya dil ke liye accha vyayam bhi hai. Kyoki isse dil ki dhadkan tej hoti hai. Dandiya mai ki jane wale movements mai hatho aur pairo ka bahut istemal hota hai jisse bad cholesterol kam hota hai.
 

Patli Kamar

Yadi aap jodi ke sath dance karte hai to twisting step jarur kare. Isse aapki kamar ka shape accha banta hai. Jo ladkiya acche curves chahti hai, unke liye yeh ek acchi choice hai.
 

Tanav Dur Kare

Jab aap Dandiya Beats par thirakte hai to aapka sara tanav dur hota hai. Darahsal jab aap dandiya khelte ho to yeh endorphins chemical release karta hai, jisse aapke sare tension khatam ho jate hai. Yeh aapke tan aur man ko khus kar deta hai. Isse log khus hote hai jo ki ek acchi sehat ke liye bahut jaruri hai.
 

Anya Fayde Inhe Bhi Janiye:-

  1. Dandiya se aapke dil ki sehat hi nahi acchi hoti hai balki isse aapke body ke posture mai bhi sudhar aata hai.
  2. Dandiya karne mai aapko khusi milti hai. Ise karne se aap apne andar bahut accha mehsus karte hai.
  3. Aap sabke sath dandiya karte hai to aapke andar team bhawana viksit hoti hai. Isse aapke andar ekagrata bhi aati hai.
  4. Isse aapke sharir ke sabhi hisse tone hote hai, khaskar pair jaha se charbi ghatana mushkil hai.

 
Upar aapne jana Dandiya Dance for Fitness. Ham umeed karte hai inn faydo ko janne ke bad aap dandiya jarur karenge. Isse aap acchi sehat paa sakte hai, naye dost bana sakte hai, nokzhok ke kuch pal bita sakte hai. Sath hi sath devi maa ko bhi prasanna kar sakte hai.