Subscribe Whatsapp

Eye Problem in Hindi – Aankho Ki Dekhbhal Hai Avashyak

Aaj ka yug technology ka hai, yaha har kaam machine ke jariye ho jata hai. Aaj hum ghar baithe-baithe hajaro-lakho kilometer dur rah rahe logo se aame-samne baate kar sakte hai, unhe dekh sakte hai. Yah sab sambhav ho paya hai, adhunik takniko ke dwara. Aaj shayad hi koi aisa kaam hoga jo hume khud karna padta hoga, khaskar aise kaam jinhe karne mai kafi mushkilo ka samna karna padta tha.

Technology se jaha hume anek fayde mile hai, wahi unke dushparinao se hum bach nahi paye hai. Aaj aap chote-chote baccho ko mobile, laptop, computer, TV aadi sabhi tarah ke upkaran chalate huye dekh sakte hai. Yah bahut acchi baat hai, magar inhe nakaratmak prabhavo ko bhi hume dekhna hoga.

Aaj har vyakti ka kaam computer aur mobile se juda hai, har koi inka itna aadi ho chukka hai ki, inke bina logo ka rahna mushkil sa ho gaya hai. Jiske parinaam swaroop aankho se sambandhit samasyaye din-pratidin badti ja rahi hai. Eye pain, aankho ka lal rahna, bewajah aansu aana aur kam umra mai chashma lag jana bahut si samanya pareshani ban chuke hai. Aaj hum aapko aankho ke kuch aise hi rogo ke bare mai bata rahe hai, jinhe najarandaj karna mushkile paida kar sakta hai. Aaiye jante hai Eye Problem in Hindi.

 

Eye Problem in Hindi: Janiye Aankho ki Samasyaye aur Unke Upchar

 

Eye Problem in Hindi

 

Humare sharir ka har ek ang bahumulya hai, aur inn ango ko sahi salamat rakhna humari hi jimmedari hai. Aaj hum baat kar rahe hai aankho ki samasyayo ke bare mai. Bina aankho ke hum apne jivan ki kalpana bhi nahi kar sakte hai. Humari sundarta ko badane aur prakrati ke sondarya ko niharne ke liye hume aankhe mili hai, lekin mura badne ke sath-sath aankho mai kamjori aana swabhavik hai. Iske alawa kuch bimario ke karan bhi humari aankho mai pareshani ho sakti hai.

 

You May Also Like:- Improve Eyesight Naturally, Swasth Aankhon ka Raaz

 

Aaj ki badalti dincharya aur fast life style ke karan bhi aankho par bura asar pad raha hai. Ghanto tak computer par kaam karna, mobile par game khelna, whats aap ka nirantar upyog, poshtik aahar ki kami aur lagatar dhul-mitti ke sampark mai aane se aankho ki samasya din-pratidin badti ja rahi hai.

Aankhe kai prakar ke chote-chote hisso se bani ek jatil granthi hai, jinme se pratyek hissa samanya drashti hetu avashyak hai. Saaf aur spasht dekh pane ki shamta iss baat par nirbhar karti hai ki yah hisse aapas mai kitne acche tarike se kaam karte hai. Aaj hum aapko aankho se judi kuch samanya samasyao ke bare mai jankari de rahe hai, taki vakt rahte aap apni aankho ki thik se dekhbhal kar sake.

 

Dhundla Dikhna

Agar aapko apne aaspas ki vastue ya log thik se dikhai nhi dete hai ya dhundle dikhai deta hai, jo samay rahte iss pareshani ka upchar shuru kar de. Yah aisi samasya hai jo adhiktar vyaktiyo main dikhai deti hai. Aaj kal kam aayu ke vyakti bhi iss samasya se jujh rahe hai. Yah samasya aankho ke sath-sath mashtishk aur raktchap ke liye khatarnaak sabit ho sakti hai. Iss tarah ke sanket najar aane par bina samay vyarth kiye aankho ke chikitsak se paramarsh le lena chahiye aur inke karano ka pata lagakar uchit upchar le.

 

Aankho Mai Khujli Ya Chubhan

Aankho mai khujli hona ya chubhan hona aur aise mai hum unhe masal-masal kar lal bhi kar lete hai, jinse inki taklif aur bhi bad jati hai. Aankho mai khujali aue chubhan ka sabse mukhya karan hai, aankho ka sukh jana, jisse unki lubricate karne ki shamta prabhavit hoti hai. Lekin yah pareshani pink eye stane ke karak adeno 8 virus ke karan bhi ho sakti hai, jisme keval aankho ki putiride granthi hi nahi balki glaucoma bhi prabhavit hota hai.

 

Dry Eye Syndrome

Adhik samay tak computer par karya karne ki wajah se Dry Eye Syndrome ki samasya badti ja rahai hai. Isme ya to aankho ke ansu kam banana lagte hai ya unki gunvatta acchi nahi rahti hai arthat isme aansu granthiya paryapt aansuo ka nirman nahi kar pati hai. Yah preshani sardiyo ke mausam mai adhik hoti hai.

Humari aankho mai tier flims payi jati hai, iski upri parat ko lipid ya oily layer kaha jata hai. Yah layer aansuo ke adhik bahne, garmi evam hawa mai aansu ke sukhne ko kam karti hai. Yah oily layer aankh ki palko ko chiknai pradan karti hai, jisse aankho ko jhapkane mai aasani rahti hai. Iss syndrome ke adhik prabhav se aankho ki satah ko nuksan pahunchta hai aur iske parinaam swaroop andhapan bhi aa sakta hai.

 

Computer Vision Syndrome

Ek anuman ke mutabik bharat mai 30 pratishat se bhi adhik log computer ka niyamit upyog karte hai aur iska sidha asar humari sehat par padta dikhai deta hai khaskar humari aankho par. Computer humari aankho ke sidhe sampark mai rahta hai, isliye sabse adhik nuksaan aankho ko hi hota hai. Iska karan hai ki hum apni aankho ko computer ke najdik rakhte hai aur dusra iss douran aankho ki movement kam hoti hai. Yaha tak ki kai baar to hum aankho ko bahut kam jhapkate hai.

Agar aap bhi computer ya laptop par kaam karte hai to thodi-thodi der mai break avashya le, isse aankho ko aaram milta hai. Iske alawa computer screen par nirantar dekhne ki bajaye apni aankho ko jhapkate rahe.

 

Eye Stye

Eye Stye aankho mai hone wala ek tarah ka infection hai, jisme palak par ya aankh ke nichle bhaag mai ek lal rang ki chot dikhai deti hai. Iske alawa aankho ki palko ke gland mai sankraman ki wajah se sujan aa jati hai. Iss sujan ko aankh ki funsi ke rup mai bhi jana jata hai. Yah paresani har aayu ke vyakti ko ho sakti hai. Lekin jo log aankho ko ragadte hai, jinki palko mai rusi ho, jinki najar kamjor ho, unhe yah adhik tang karti hai. Aankho mai dard, pani aana iske samanya lakshan hai.

 

Aankhon Ki Roshni Badhane Ke Upay in Hindi

 

Aankhon Ki Roshni Badhane Ke Upay in Hindi

Agar aap bhi aankho ki samanya samasyayo se pareshan hai aur unse chutkara pana chahte hai to hum aapko Aankhon Ki Roshni Badhane Ke Upay in Hindi bata rahe hai. Jinhe apnakar aap aankho ki roshani ke sath-sath sabhi tarah ki aankho ki pareshaniyo se bach sakenge.

 

You May Also Like:- Home Remedies for Watery Eyes: Aankhon ka Pani Dur Kare

 

Yoga Exercises for Eyes

Yoga ek aisi kriya hai jo ek nahi balki anek prakar se humare swasthya ke liye labhdayak sabit hote hai. Aankho ki roshni badane tatha unse sambandhit rogo ko dur karne mai bhi yoga ka bada mahatv hai. Yog ke niyamit adhyas se roshani to badegi hi sath hi nikat drashti dosh aur dur drashti dosh bhi thik ho jate hai. Jisse aapki aankho par laga chashma bhi utar jayega.

Anulom Vilom, Savasana, Sarvangasana, Tratak Kriya yah sabhi Yoga Exercises for Eyes aapki aankho ke liye bahut adhik faydemand sabit honge, isliye inka pratidin abhyas na kare.

 

Vitamin A

Yah aankho ki samasya ko dur karne mai bahut sahayak hota hai, sath hi badti aayu ki wajah se hone wali pareshaniyo ko bhi yah dur rakhta hai. Jo log adhik dhumrapan ya nasha karte hai, unhe vitamin A ke sevan par adhik jor dena chahiye. Gajar, papita, sakkarkand mai vitamin A bharpur matra mai paya jata hai.

 

Anya Upchar

  1. Pairo ke talwo par sarso ka tel lagakar acchi tarah malish kare aur uske baad sone jaye. Iske alawa subah ke samay nange per hari ghas par chalne se bhi aankho ke rogo mai labh milta hai.
  2. Badam ki giri, badi sonf aur mishri teeno ko saman matra mai milaye aur niyamit iss mishran ki 1 chammach matra ko 1 glass dudh ke sath raat ko sone se pahle le.
  3. Aankho ke sankraman ko dur karne mai gulabjal bahut hi kargar upay hai. Gulabjal ki 2 se 3 bunde aankho mao dalne se aankho ke sankraman ko prabhavi rup se thik kiya ja sakta hai. Yah aankho ko saaf rakhne ke sath-sath unki thakan bhi dur karta hai.
  4. Jo log computer ya mobile ka adhik upyog karte hai tatha ghanto tak inme busy rahte hai. Niyamit din mai kam se kam 2-3 baar aankho par thande pani ke chite jarur mare ya thande pani se muh ko avashya dhoye. Iske alawa raat ke samay mai triphala ko bhigokar subah ke samay iss pani se aankhe dhone se aankho ki bimariya thik hoti hai tatha aankho ki roshani bhi badti hai.
  5. Kakdi ya kacche aaloo ki slice katkar 5-10 minute ke liye aankho par rakhe. Pani ka sevan adhik kare, kyoki pani ki kami se aankho par sujan dikhai deti hai.

Aaj humne aapko Eye Problem in Hindi, yani aankho se sambandhit kuch aisi samanya pareshaniyo ke bare mai bataya hai, jinse aaj kal har koi pareshan rahta hai. Yah samasya itni aam ho gayi hai ki ab to chote-chote baccho ko ki chashme lag gay hai. Agar aap bhi iss tarah ki kisi samasya se pareshan hai to, upper bataye gaye upayo ko avashya apnaye.