Subscribe Whatsapp

Hangover Remedies in Hindi: Gharelu Nuskho Se Utare Nasha

Sharab ya nashile padartho ke sevan se vyakti atyadhik nashe mai dhutta ho jata hai. Aese mai nashe mai grasit vyakti apni sudh-budh kho deta hai. Sath hi nasha karne se kuch logo ko sardard aur ultiya bhi hone lagti hai.

Iss vikat paristithiyo mai us vyakti ke ghar wale bahut pareshan ho jate hai. Lekin bar bar hangover utarne ke liye dwaiyo ka istemal sahi nahi hai. Kuch gharelu upcharo se bhi ise aur isse hone wali pareshani ko thik kiya ja sakta hai. To aaiye iss article mai jante hai Hangover Remedies in Hindi.

Nashe mai dube vyakti ko kam karne mai bahut adhik dikkat aati hai kyoki isme vyakti apna santulan kho baithta hai. Bar bar nasha karne ki aadat ho jane par kam mai man nahi lagta jiska asar dincharya  par padhta hai. Aur kabhi kabhi to jyada samay tak hangover mai rehtne se kai prakar ki anya bimariya bhi ho jati hai.

Kuch log apne nashe ko utarne ke liye nimbu pani aur pain killer khate hai. Lekin kya aap jante hai ki inn painkiller se nasha to utar jata hai lekin ki isse hamare lever par bahut bura asar padta hai. Isliye hangover ka ilaj karne ke liye bahar ki dawaiyo ka sevan karne ke bajay ghar par hi nashe ko utarne ka pryas karna chahiye. Yeh gharelu upay saral aur hamare sharir ke liye bhi acche hote hai.
 

Hangover Remedies in Hindi: Nasha dur Karne Ke Gharelu Upay

 
Hangover Remedies in Hindi
 

Coffee

Hangover yani khumari se rahat dilane mai coffee ka sevan bahut asardari hota hai. Khumari se rahat pane ke liye ek sath puri coffe ka sevan na kare balki adha cup thode-thode der mai piye. Coffee mai mojud caffeine se hamare sharir ka raktchap badhta hai jiska asar hamare metabolism par padta hai jisse lever sambandhit pareshaniya dur hoti hai. Iske alava coffe ka sevan karne se hamara sar dard bhi dur hota hai.
 

Shahad

Nashe ko dur karne mai shahad sabse aasan aur sasta gharelu upay hai. Yeh aasani se kahi bhi mil jata hai. Shahad ka sevan karne se hamara nasha to dur hota hi hai sath hi alcohol se sharir ko hone wale nuksan se bhi bachane mai madad karta hai. Chikitsako ke anusar sharab pine ke 1 se 1½  ghante ke bad 3 se 4 chammach shahad ko lena chahiye.
 

Adrak Bhi Hai Asardari

Kuch vyaktiyo ko nashe ki sthiti mai matli aane ki samasya dekhne ko milti hai. Aesi stithi mai adarak ka sevan bahut hi adhik faydemand hota hai. Nashe ki stithi mai adrak ke 2 se 3 tukdo ko chabakar kha le, iske alava aap adrak ki chai banakar bhi pee sakte hai. Adrak ke sevan se aapko sardard aur pet mai hone wale marod se rahat milegi sath hi sharab ko hajam hone mai mdad milegi.
 

Kela Khaye

Khumari ki sthiti mai phal khana bahut hi faydemand hota hai, jinme se kele ka sevan adhik asardari hota hai. Kele mai upasthit potassium aur carbohydrate aapke sharir ko rehydrate karne mai madad karte hai jisse nasha utarne mai madad milti hai. Iske alava aap kele se bane shake mai shahad dalkar bhi pee sakte hai.
 

You may also like:- Health Tips in Hindi for Men: Rakhe Aapke Sharir ka Khayal

 

Tamatar

Hangover se nijad pane ke liye aap tamatar ka sevan bhi kar sakte hai. Tamatar ka prayog karne ke liye aap iska juice ya fir isse bane soup mai nimbu milakar bhi pee sakte hai. Isse aapko nasha utarne mai madad milegi.
 

Santre Ka Ras

Khumari mai santre ka ras bahut asardari hota hai.  Nashe ke karan hone wali pareshani jaise jee machlana, matli aadi mai santare ka juice pina chahiye. Santre ka juice sharir ko dehydrate karne mai madad karta hai jisse nasha utarne mai madad milti hai.
 

Peppermint

Nashe ko utarne ke liye peppermint bahut hi asardari aur labhdayak jadibuti hai. Peppermint ke patto ko chabane se ya fir isse bani chai ko pine se khumari ko utarme mai madad milti hai. Iske alava piparmint ek Carminative tatva bhi hai jisse yeh pet mai banne wali gas ki samasya se bhi rahat dilate hai. Nashe ko utarne ke liye peppermint ki 3 se 4 pattiyo ko pani mai ubaal le aur iss ras ka sevan kare.
 

Vitamin Drinks

Nashe se rahat pane ke liye vitamin drinks bhi faydemand hota hai. Yeh Hangover Cure Drink soupmarket mai aasani se uplabdh hote hai. Vitamin drinks mai water soluble, vitamin B aur vitamin C mojud hota hai jiski wajeh se nasha utar jata hai. Lekin inhe lete samay yeh dhyan rakhna chahiye ki inme chini ki matra adhik na ho.
 

Hangover Remedies in Hindi: Anya Tarike Inhe Bhi Padhe

  1. Khumari se rahat pane ke liye antecedes ki goliyo ko pani mai dale aur gholkar pee jaye. Aesa karne se aapka badandard dur hoga aur acidity se bhi rahat milegi.
  2. Nashe ko dur karne ke liye dhima dorna aur kasrat karna bahut labhkari hota hai.
  3. Iske alava yadi koi bhi vyakti nashe mai dhutt ho chuka hai use thode halke garm pani se nahana chahiye.

Upar aapne padha Hangover Remedies in Hindi. Yadi aap ya fir aapke aspas koi bhi  sharab ka sevan karta hai to uske nashe ko utarne ke liye diye gaye gharelu tariko ko apnaye.