Subscribe Whatsapp

Health Benefits of Sago in Hindi: Sabudane Se Milne Wale Labh

Sabudane ki khichadi aakhirkar kisko pasand nahi hoti hai. Sabudana safed motiyo ki tarah dikhne wala chote aakar ka hota hai. Iska prayog vrat-upvas mai pramukh rup se kiya jata hai. Waise to iska prayog log falahar ke rup mai karte hai lekin kya aap jante hai ki yeh hamare swasth ke liye bhi faydemand hota hai ?

Sabudane mai prachur matra mai carbohydrate, calorie aur protein ki matra payi jati hai jo ki hamare swasth ke liye faydemand hoti hai. Iska sevan karne se sharir ko bharpur urja milti hai, iss wajeh se ise upvas mai khastour se prayog kiya jata hai.

Sabudana ko starch ke rup mai sago namak ped ke tane ke gude se banaya jata hai. Ise Tapioca pearls ke naam se bhi jana jata hai. Sabudane ko log kai prakar se banate hai jaise sabudana khichadi, sabudana kheer, sabudana upma, sabudana vada aadi. Bharat mai hi nahi kai desho mai iske soup aur upma ko bhi pasand kiya jata hai. Iske alava yadi aap kisi bhi bhojan ki gravy ko gadha banana chahte hai to sabudane ke ras ko prayog kar sakte hai. Isme upasthit starch gravy ko gadha banane mai madad karta hai.

Sabudane hamare swasth ke liye kis tarah se faydemand hai? Yeh janne ke liye yaha padhe Health Benefits of Sago in Hindi.
 

Health Benefits of Sago in Hindi: Sabudane Se Milne Wale Fayde

 
Health Benefits of Sago in Hindi
 

Poshak Tatvo Se Bharpur

Sabudana aakar mai bahut chota hota hai, iska vyas 2 mm hota hai. IskeĀ  bavjud isme bharpur matra mai carbohydrate aur calorie hoti hai. Shayad aap nahi jante honge ki 1 gram sabudane mai 355 calorie aur 93 gram carbohydrate hota hai.

Sabudane mai 87 gram carbohydrate, 351 calorie, 0.2 gram fat aur 0.2 gram protein ki matra hoti hai.
 

Sharir ko Urja Deta Hai

Carbohydrate se bharpur hone ke karan yeh sharir ko bharpur matra mai urja deta hai. Isme fat ki bahut kam matra payi jati hai. Vrat mai aksar log lambe samay tak kuch bhi sevan nahi karte hai aese mai sharir ko calorie ki jarurat padti hai. Isliye sabudane ko aksar vrat mai khaya jata hai.
 

Dast lagne Se Roke

Yadi aapka kisi karanvash pet kharab ho jaye ya fir aapko dast ya atisar ki samasya hone lage to aese mai sabudane ki kheer bahut hi faydemand hoti hai aur dast mai turant aaram pahuchati hai.
 

Ucch Raktchap

Health Benefits of Sago bhi hai. Sabudane mai potassium ki matra bhi payi jati hai iss wajeh se yeh sharir ki rakt sanchar ko sahi karta hai sath hi cardiovascular system ke tanav ko kam kar hriday ko swasth rakhta hai. Jisse ucch raktchap ko kaafi had tak control kiya ja sakta hai. Iske alava yeh hamare sharir ki maspeshiyo ke liye bhi labhdayak hota hai.
 

You may also like:-Fruits Benefits in Hindi: Jane Phalo Se Milne Wale Labh

 

Pet Ki Samasyao mai Faydemand

Aksar logo ka manna hai ki sabudane bahut gastric hota hai. Lekin aesa nahi hai ham aapko batana chahte hai ki yeh pet ki samasyao ko dur karne mai bhi madad karta hai. Yeh pet ki pachankriya ko thik kar pet mai banne wali gas aur upach aadi mai labhprad hota hai.
 

Garbhavastha Ke Samay

Sabudane mai folic acid aur vitamin B complex ki bhi adhik matra hoti hai jo ki garbhavastha ke samay garbh mai pal rahe sishu ke vikas mai sahayak hota hai. Sath hi yeh neural tube defect se suraksha pradan karta hai.
 

Haddiyo Ko Majbut Banaye

Sabudane mai calcium, iron, vitamin Ka ki bharpur matra payi jati hai, iss wajeh se yeh hamare sharir ki haddiyo ko majbut banane mai madad karta hai. Iske alava yeh sharir ko lachila banane mai bhi madad karta hai.
 

Vajan Badhaye Sabudana

Sabudana mai calorie ki adhik matra hoti hai iss wajeh se yeh sharir ko vajan ko badhane mai madad karta hai. Jin logo ko eating disorder ki samasya hoti hai aur jinka vajan aasani se nahi badh pata hai unke liye sabudana ek accha vikalp hota hai.
 

Twacha Ke Liye

Sabudane ka prayog twacha ki dekhbhal ke liye bhi kiya jata hai. Sabudane ka face pack banakar chehre par lagane se chehre mai kasav aata hai sath hi jhurriya bhi kam hoti hai.
 

Sago Health Benefits: Anya Fayde Inhe Bhi Padhe

  1. Sabudane ka prayog sharir ki thakan ko dur karne mai kiya jata hai.
  2. Iske alava sabudana ka prayog sharir mai cholesterol ki matra ko niyantrit karne mai kiya jata hai.
  3. Sabudane ka prayog sharir mai protein ki matra ko pura karne ke sath-sath sabhi muscles ki growth ko badhane mai bhi kiya jata hai.
  4. Sabudane ka prayog sharir ki garmi ko dur karne mai bhi kiya jata hai. Iske prayog ke liye sabudane ko chaval ke sath milakar banaye aur sevan kare. Isse sharir ko thandak pahuchti hai. Iske alava kai desho mai ise sharir ki prakriya ko sudharne mai bhi kiya jata hai.

Upar aapne jana Health Benefits of Sago in Hindi. Yadi aap sabudana khane ke shokin hai to upar diye gaye iske swasth labh ke bare mai janiye aur rahe swasth.