Subscribe Whatsapp

Kiwi Fruit Benefits in Hindi: Janiye iss Phal Ke Behtarin Fayde

Kiwi ek aaytakar phal hai. Iska rang halka bhura hota hai. Yeh dekhne mai chiku ke phal ki tarah hi hota hai. Isme bharpur matra mai Vitamin C moujud hota hai. Yeh ek pahadi phal hai. Iska swad lagbhag har kisi ko pasand aata hai. Iska istemal kai tarah ke desserts jaise cake, ice-cream aadi ko sajane ke kaam aata hai.

Anya phalo ki tarah yeh phal bhi hame kai tarah ke swasthya labh pradan karta hai. Chikitsako ke anusar iss phal ke khane se aayu lambi hoti hai. Darahsal Kiwi  mai sare tatva moujud hote hai jo hamare sharir ke liye aavyashak hote hai.

Bahut hi kam log aese honge jinko iss phal ke swasthya labho ke bare mai jankari hogi. Twacha ki dekhbhal karne ke sath sath yeh madhumeh ke rogiyo ke liye bhi faydemand hai. Yeh phal aapki din bhar ki thakan dur karta hai. Iss phal ka sevan karne se sharir mai sfurti bani rehti hai.

Vitamin C ki kami se hone wale bahut se rogo ko dur karne mai yeh madad karta hai. Yeh aapke immunity system ko majboot banane mai bhi sahayak hai. To aaiye jane aur bhi kai Kiwi Fruit Benefits in Hindi.

 

Kiwi Fruit Benefits in Hindi Se Kare Sharir aur Twacha Ki Acchi Dekhbhal

 
Kiwi Fruit Benefits in Hindi
 

Jodo Ki Sujan Dur Kare

 Bahut kam log iss bat se parichit honge isliye ham aapko batana chahte hai ki jin logo ko arthritis ki samasya hoti hai unke liye yeh phal bahut faydemand hota hai. Yeh naa keval aapke Jodo ki sujan ko dur karta hai balki unki tutfut ko rokne mai bhi sahayak hai.

 

Vasa Ghataye

Agar koi vyakti lagatar 25 dino tak, roj do ya teen Kiwi  phal khata hai to uske sharir mai vasa jama hone tatha khoon ka thakka jamne ki sambhavana kaafi kam ho jati hai. Iss phal ka sevan karne se khoon mai paye jane wale triglyceride takriban 15 pratishat tak kam ho jate hai.

 

Garbhavati Mahilao Ke Liye

Kiwi  phal folic acid ka accha strot hai. Garbhavati mahilao ko 400 se 600 microgram folic acid ki aavshyakta hoti hai. Isliye garbhavati mahilao ko garbh mai bacche ke mastiksh ke vikasa mai iske sevan se bahut fayda milta hai.

 

Madhumeh Mai Faydemand

Rakt mai jab glucose ki matra bahut adhik badh jati hai to madhumeh ki samasya ho jati hai. Kiwi  mai glycemic index ki matra bahut kam hoti hai. Jisse rakt mai glucose nahi badhta hai. Isi karanvash yeh madhumeh, dil ke rogi yaha tak ki vajan ghatane mai bhi bahut faydemand hai.

 

You May Also Like:- Pineapple Benefits in Hindi: Jane Ananas Ke Swasth Labh

 

Anidra Ki Pareshani Mai Rahat

Yadi aapko raat mai nind naa aane ki samasya hai to Kiwi  phal aapke liye behad hi faydemand hai. Darahsal iss phal mai uccha matra mai serotonin hota hai. Jo ki acchi nind ke liye bahut jaruri hota hai.

 

Sardi Jukham Dur Kare

Kuch logo ka immunity system bahut hi week hota hai. Jiske karan un logo ko bar bar sardi khansi ki samasya se gujarna padhta hai. Yadi aapko bhi bar bar sardi jukham ho jata hai to Kiwi  fruit ka sevan shuru kar de. Isse aapka immunity system majboot banta hai aur sardi khansi jaise chhoti bimariya nahi hoti hai.

 

Aankho ki Raksha

Kiwi Fruit Health Benefits kai hai. Umra Badne ke sath sath aapko mrd yane ki age related macular degeneration hone ka khatra badh jata hai. Lekin agar aap aaj Kiwi  fruit khana shuru kar denge, to aapka yeh khatra nahi badhega. Kiwi  mai antioxidant aur vitamins hote hai jo appki aankho ko lambe wakt tak damage hone se bachate hai.

 

Anemia Ka Upchar

Isme vitamin C ki bahut adhik matra hoti hai. Aap shayad nahi jante honge lekin isme santre ke mukable bhi adhik vitamin c hota hai. Darahsal yeh sharir mai iron ko sokhne mai madad karta hai. Isliye Anemia ke upchar mai iska sevan bahut faydemand hai.

 

Twacha Banaye Janwa

Kiwi  ke phal mai vitamin E aur antioxidant acchi matra mai hote hai. Yeh twacha ki koshikao ko lambe samay tak theek rakhte hai aur pratirodhi shamta bhi badhate hai.

 

DNA Damage Se Bachaye

Ek shaktishali anti inflammatory agent hone ke alawa, Kiwi  mai vitamin C bharpur hota hai . Isliye hi ise shaktishali antioxidant kaha jata hai. Ek cup Kiwi  mai vitamin C ki matra 164 hoti hai. Vitamin C free oxygen radicals se hone wale DNA damage se banata hai.

 

You May Also Like:- Custard Apple Benefits in Hindi: Sitaphal Ke Chamtkari Gun

 

Cholesterol Behtar Banaye

Cholesterol ko thik karne ke liye bhi Kiwi  fruit bahut faydemand hai. Yeh naa keval bure cholesterol ko ghatata hai balki acche cholesterol ko banata hai. Isse dil ki bimariya hone ka khatra kaafi had tak badh jata hai.

 

Kabj Ki Pareshani Se Rahat

Kiwi ek fiber se bharpur phal hai. Jin logo ko kabj ki sikayat bani rehti hai unhe yeh phal apni diet mai jarur shamil karna chahiye. Isse pet dard aur dast ki samasya se bhi nijad milti hai.

 

Depression Dur Karne Mai Sahayak

Kiwi  ka phal aapke mood ko thik karne mai bhi sahayak hota hai. Isliye jin logo ke office ka mahol tanav purn hota hai ya jinhe kisi tarah ka depression rehta hai unhe niyamit roop se Kiwi  ka sevan jarur karna chahiye.

 

Kiwi Fruit Ke Fayde Inhe Bhi jane:-

  1. Kiwi  madhumeh ke rogiyo ke liye bahut hi faydemand phal hai.
  2. Isse sharir mai sfurti bani rehti hai aur thakan nahi hoti hai.
  3. Isse sharir mai khoon ki kami puri hoti hai.
  4. Isko khane se pet dard aur ulti ki samasya se nijad milti hai.
  5. Isme moujud antioxidant khoon mai thakka nahi jamne deta hai.
  6. Yeh aapke baalo aur twacha dono ke liye faydemand hai.
  7. Kiwi  phal khane se blood sugar kam hoti hai aur hriday rogo se bhi rahat milti hai.
  8. Dengu tatha anya bimariyo se ladne ke liye chikitsak Kiwi  khane ki salah dete hai.
  9. Yeh twacha mai kasav lane mai madad karti hai. Isse chehre par jhurriya bhi nahi padhti hai.
  10. Iske sevan se vyakti ka vyavahar khusnama banta hai. Darahsal yeh depression ki samasya ko dur karta hai.
  11. Iske phal ka sevan karne se twacha par chamak aati hai. Aur chehre par hone wale muhanse bhi dur ho jate hai.
  12. Kiwi  mai kele jitna potassium paya jata hai. Yeh aapke haddiyo aur mashpesiyo ko majboot banane mai bhi madad karta hai. Isliye osteoporosis ke rogiyo ke liye bhi yeh behad faydemand hai.

 

Upar aapne jana Kiwi Fruit Benefits in Hindi. Yadi aap bhi uprokt labh chahte hai to iss phal ka sevan karna jarur shuru kar de.