Subscribe Whatsapp

Homemade Beauty Tips in Hindi: Nikhare Apna Sondarya

Apni khubsurti kaise badhaye? Yeh baat hamesha se hi charcha ka vishay bani huyi hai. Log khubsurat dikhne ke liye kaafi pagal hote hai shayad yahi wajah hai ki aajkal internet par iske liya hajaro lekh aam janta dwara padhe jaate hai. Aur lekhkao dwara dale jaate hai.

Yadi aap logo ki ray le to wo aapko dermatology, laser chikitsa paddhati aadi ki salah denge. Lekin yadi aapka budget nahi hai to aapko pareshan hone ki jarurat nahi hai. Aapke ghar par hi moujud chizo se bhi aap apni khubsurti ko badha sakte hai.

Wahi yadi ham budget ki baat naa bhi kare to aur bhi kai karan hai jiske liye hame gharelu upcharo ki madad lena chahiye. Kuch logo ki twacha itni najuk hoti hai hai ki unhe cosmetic utpad suit hi nahi karte aur we acche dikhne ke bajay aur apna nuksan kara lete hai.

Isliye gharelu nushke bahut hi faydemand hote hai. To aaiye jante hai kuch Homemade Beauty Tips in Hindi jo aapko Khubsurat dikhane mai madad karenge.

Homemade Beauty Tips in Hindi: Apni Khubsurti Badhaye

 

homemade beauty tips and secrets

 
Homemade Beauty Tips se aap apne khubsurti ko bahut hi aasani aur kam samay mai nikhar sakte hai. Bus aapko apni twacha ki dekhbal karna hai. Gharelu hone ki wajah se isme side effects hone ka bilkul bhi khatra nahi hai.
 

Hafte mai Do Bar Scrubbing Kare

Aapke khubsurat dikhne ke liye aapke chehre ka clean dikhna jaruri hai. lekin teliya twacha aur dhul mitti ke karan aapke chehre par blackheads jama ho jaate hai. Isse aapka chehra kala aur kharab dikhai deta hai. Scrubbing ki madad se aap in dead cells ko hata sakte hai. To aaiye jante hai kuch Homemade Body Scrub:-
 
Chini Ka Scrub: Chini, nimbu ka ras aur jaitun ka tel sabko ek saath mix karke aap body scrub taiyar kar sakte hai. Mulayam twacha ke liye yeh sabse karagar upay hai. Iske mishran ko apne sharir par chini ke ghulne tak dhire-dhire ragade.
 
Shahad- Badam Scrub: Badam aapke twacha ke liye bahut faydemand hoti hai. Iski madad se scrub banane ke liye raat mai 10 badam ek cup pani bhare katore mai daal kar rakh de aur subah iska paste bana le.
 

You May Also Like:- Summer Beauty Tips in Hindi: Garmiyo Mai Aese Kare Dekhbal

 

Twacha Ki Malish

Kya aap jante hai ki chahe chehra ho ya body uske swasth dikhne ke liye aapki twacha mai rakt ka sanchar thik rehna chaiye. Malish ke jariye aap rakt sanchar ko sudhar sakte hai.
 
Nariyal Tel: Vaise to aapne coconut oil ke baalo ke liye faydo ke bare mai suna hi hoga. Ham aapko batana chahte hai ki yeh aapki twacha ke liye bhi bahut madadgar hai. Aapko kuch nahi karna hai bus hatho mai tel lekar nahane se 1 ghante pehle apne chehre, hatho pairo mai isse acche se malish kar le. 1 ghanta rakhne ke baad nahale.
 
Badam Ka Tel: Kai poshak tatvo se bharpur badam tel aapki twacha ke liye faydemand hai. Yeh tel na keval aapki twacha mai nai jaan dal deta hai. Balki twacha ki khoi chamak koi bhi turant wapis la deta hai. Shayad yahi wajah hai ki iska istemal kai sondaya prashadhano mai kiya ja raha hai. Thand ke mousam mai yeh kisi vardan se kam nahi hai.
 

Twacha Ke liye Faydemand FacePack

Khubsurti badhane ke liye facepack bhi bahut faydemand hote hai. Yeh na keval aapki twacha mai kasavat lakar jhurriya dur karte hai balki aapke chehre ka rang bhi nikharte hai.
 
Homemade-Beauty-Tips-in-Hindi
 

Teliya Twacha Ke Liye Dahi Ka Pack

Aadha katori dahi mai ek chammach nimbu ka ras milakar chehre par lagaye. Phir sukhne ke baad apne chehre ko dho le. Isse chehre ka chipchipapan dur ho jayega.
 

Muhaso Ke Liye Neem Pack

Neem ki pattiya, gulab ki pattiya aur gende ka phool sabhi ko ek katore mai ubale tatha iss ras ko chehre par lagaye. Iss ras se muhase aana band ho jayenge aur unke dag bhi thik ho jayenge.
 

You May Also Like:- Home Remedies for Blemishes: Daag-Dhabbe Hatane ke Tarike

 

Rangat Nikharne Ke Liye Pack

Haldi Pack: Beauty Tips for Fairness ki baat jab bhi aati hai to sabse pehle haldi ka naam aata hai. Homemade Beauty mai haldi ka upyog bahut faydemand hai. Iska prayog karne ke liye haldi aur besan ko milaye saath hi isme thodi malai bhi dale. Jab paste taiyar ho jaye to isme dudh or aata milakar gadha paste taiyar karle. Iss paste ko apne chehre par lagaye aur 10 min rakh kar dho le.
 
Kesar Pack: Kesar Bhi twacha ko gora banane mai faydemand hai. Iska paste banane ke liye raat ke wakt gungune dudh mai kesar milakar rakh de. Fir subah ise patthar par pees le. Iss paste ko apne chehre par sukhne tak lagaye aur fir gungune pani se chehra dho le.
 
Chandan-Besan Ka Pack: Twacha ko chamkane ke liye haldi, chandan powder, besan aur dudh ka ubtan twacha par lagaye. Isse aapki twacha ki khoi huyi rangat wapas aayegi aur twacha mulayam banegi.
 

Twacha mai Chamak Lane Ke Liye Papita

Papite mai thoda sa shahad aur nimbu dalkar lagaye. Papita prakratik tarike se mrit twacha ki parat ko utarta hai. Anti-bacterial gun se yukt shahad twacha ko mulayam banata hai. Jabki nimbu twacha ko chamkane ka kaam karta hai.
 
Upar apne jane Homemade Beauty Tips in Hindi ke bare mai jaruri jankari. To agar aap bhi apne chehre ki khubsurti ko nikharna chahti hai inn gharelu upay ki madad se sundar dikhiye.