Makeup for Men Tips in Hindi – Purusho Ko Aakarshak Dikhaye

Aajkal har koi khubsurat dikhna chahta hai chahe wo mahila ho ya purush, kyonki agar aap sundar dikhte hai ho to har koi aapki taraf aakarshit hota hai. Acche look ke karan aapka andar aatmvishvas bhi bad jata hai aur aapke andar ki hichkichahat bhi dur ho jati hai.

Purusho ki twacha thodi shakth hoti hai kyonki unhe shaving karna padta hai jisse twacha ko kaafi nuksan pahuchta hai. Iske alawa purusho ki twacha, testosterone hormones se niyantrit hoti hai jisse inki twacha ke rom chiddra bade hote hai.

Mahilao ki tulna mai purusho ki twacha jyada teliya hoti hai, iske alawa aisa jaruri nahi hai har koi naturally khubsurat dikhe. Isliye purush bhi khud ko accha dikhane ke liye mehngi cream, facial, waxing aadi ka sahara lete hai.

Yadi aap bhi handsome aur smart dikhna chahte to uske liye aapko humare dwara bataye gaye kuch tips ko follow karna padega. Aaiye jante hai Makeup for Men Tips in Hindi.

Makeup for Men Tips in Hindi – Handsome Dikhne Ke Liye

Chehre Ko Saaf Kare

Makeup karne ki pehli step hoti hai aap apne chehre ko saaf kare taaki aapke chehre par se gandagi aur dead skin nikal jaye. Darahsal chehre par jami gandgi makeup ke sath milkar muhase paida kar deti hai, jisse aapka chehra bekar dikhne lag jata hai.

• Iske liye sabse pehle cleansing milk ko cotton mai lekar pure chehre aur gardan ko acche se saaf kar le.
• Ab chehre ki dead skin nikalne ke liye halke hatho se chehre tatha gardan par scrub kare.
• Jab cleansing aur scrub ho jaye to chehre ko pani se dhokar, hatho se thapthapa le.
• Ab chehre par moisturiser lagaye taki aapke chehre ko makeup karne se pehle nami mil jaye.

Concealer Ka Upyog Kare

Concealer se aap chehre ke gehre daag dhabbe chupa sakte hai, iske alawa aankho ke niche ke kale ghere bhi isse nahi dikhte aur aapka chehra even tone dikhai dene lagta hai. Jab aap concealer lagaye to ghere dhabbo par thoda jyada lagaye.

• Sabse pehle kisi acchi company ka concealer kharide taki aapke chehre ko koi nuksan na ho.
• Concealer ko hatho mai le aur usme thoda sa pani milaye tatha tip karke pure chehre par lagaye.
• Ab pure chehre aur gardan par ise faila le taki aapki twacha ka color even tone dikhe.

Foundation Ko Chehre Par Lagaye

Foundation concealer ki tarah daag dhabbe chupane ka kam karta hai parantu ise lagane par aapke chehre par chamak aa jati hai tatha aapke chehre ka rang natural color se jyada gora dikhai deta hai. Aap ise chehre aur gardan par ek saman matra mai lekar lagaye. Foundation lagane se aapka face photogenic lagne lagta hai.

• Foundation ko aapne hatho mai le aur pure chehre tatha gardan par ek jaisa lagaye.
• Yadi aapki twacha jyada rukhi hai to isme thoda moisturizer milakar laga sakte hai.
• Foundation for Men aapko market mai aasani se mil jayenge.

Aankho mai Lagaye Kajal

Kajal ka shok to purane jamane se hi purusho mai hai kyonki purane wakt mai raja maharaja bhi kajal ko lagate the. Kuch ladke aaj bhi kajal lagana pasand karte hai. Kajal lagane ki bad unki aankhen aur bhi jyada acchi aur badi dikhne lag jati hai.

• Aap kisi bhi acche brand ka kajal istemal kar sakte hai.
• Makeup ki yeh tip optional hai. Yadi aapki aankho par yeh suit nahi karta to aap iss step ko skip kar sakte hai.

Baalo mai Lagaye Hair Gel

Baalo ko stylish look dene ke liye aap baalo mai gel ka istemal kar sakte hai isse aap baalo ki nai style bhi bana sakte hai. Aur aajkal to Men Makeup ke antargat baalo mai spikes banane ka kafi chalan chal raha hai. Iss look ke sath aap aur bhi jyada smart lag sakte hai.

• Baalo ko shampoo ki sahayata se dho le, aur gile baalo mai gel ko lagaye.
• Ise lagane ke liye gel ko hatho mai le aur pure baalo mai lagale.
• Jab aap gel ko baalo mai laga rahe ho tabhi apne pasand ki hair style baalo ko de.

Yeh Bhi Dekhe:

Upar aapne jana Makeup for Men Tips in Hindi. Yadi aap bhi handsome lagna chahte hai, to upar diye gaye tariko ko aajma sakte hai.