Subscribe Whatsapp

Home Remedies for Dark Circles: Aankho Ke Kale Ghere Hataye

Mahilao ko apni tarif sunna bahut accha lagta hai. Isliye har mahila chahti hai ki wo khubsoorat dikhe aur log uski tarife kare. Khubsoorat dikhne mai aankho ka bahut bada yogdan hota hai. Agar kisi ki aankhe sundar ho to wo har kisi ko apne taraf aakarshit kar leti hai.

Lekin jab inhi aankho ke niche kale dhabbe ho jate hai to hamari sundarta aadhi ho jati hai. Aankho ke niche padne wale inn kale dhabbo ko dark circle kaha jata hai. Kai log ise dark shadow aur dark rings ke naam se bhi jante hai.

Jab bhi sharir mai calcium aur iron ki kami ho jati hai to aankho ke niche kale ghere padne lagte hai. Vaise to yeh mahilao aur aadmiyo dono ko hoti hai, lekin iska jyada asar aurto par dikhai deta hai. Jaruri nahi hai ki iske piche ka karan sirf iron ki kami ho. Aaj ki badalti jivan sheli ke karan bhi yeh samasya hone lagi hai. Der raat tak jagna, stress lena, ghanto computer par baithna, galat khan pan aur poshak tatvo ki kami iske mukhya karan hai.

Vaise to kale ghere ki samasya aaj ke wakt mai behad aam baar hai. Inhe thik karne ke liye aapko market mai bahut se products mil jayenge. Lekin inka prayog karne se jyada fayda nahi milta hai aur kabhi kabhi ulta inse aur side effects ho jate hai. Isliye behtar hoga ki inhe thik karne ke liye gharelu tariko ka hi istemaal kiya jaye. To aaiye jane Home Remedies for Dark Circles, aankho ke niche ke kale ghere dur karne ke upay.
 

Inn Gharelu Upayo Se Dur Kare Aankho Ke Kale Ghere

 
Home Remedies for Dark Circles
 

Badam Ke Tel Se Malish Kare

Badam mai bharpur matra mai Vitamin E paya jata hai. Yeh aankho ke niche ki najuk twacha ke liye bahut hi faydemand hota hai. Badam ke tel ka labh pane ke liye isko halke haatho se apni aankho ke niche laga le. Fir halke haatho se hi malish kare. Rat bhar ise laga rehne de aur subah thande pani se dho le. Aesa tab tak karna chahiye jab tak kale ghere poori tarah se thik nahi ho jate hai.

Pudina Se De Aankho Ko Thandak

Shayad aap nahi jante ho lekin pudina bhi kale ghere ko door karne ki sabse acchi aushdhi mani jati hai. Yeh thandi prakrati ka hota hai isliye isse aankho ko thandak pahuchti hai. Ise lagane ke liye pehle ise acchi tarah se pees le fir isme nimbu ka ras mila de. Iss mishran ko aankho ke niche 10 se 15 minute tak laga rehane de. Fir pani se dho le. Iss lap ko 2-3 hafte tak lagane par aapko khud hi farak dikhne lagega.

Nimbu Sabse Faydemand

  1. Nimbu ka ras dark circle ko kam karne ke sath sath twacha ki rangat nikharne mai bhi madad karta hai. Aankho ke niche ke kale ghere door karne ke liye nimbu ko aap kai prakar se upyog kar sakte hai.
  2. Nimbu ke ras mai kakadi ke ras milaiye, Fir ise 10 se 15 minute tak lagakar rakhe aur thande pani se dho le. Aesa 7 se 10 dino tak karne se kale ghere khatam ho jate hai. Kakdi hamare aankho ko thandak dekar rahat pahuchati hai aur nimbu twacha ka kalapan dur karta hai.
  3. Agar aapke paas kakdi naa bhi ho to aap direct nimbu ke ras ko bhi rui ke sahayata se laga sakte hai. Bus 10 minute ise kale ghero par lagakar rakhe fir pani se dho le.

Note: Jin logo ko nimbu ka ras lagane se jalan hoti hai unhe inn upayo ka prayog nahi karna chahiye.

Tamatar

Tamatar ka ras lagane se bhi aankho ke niche ke kale ghere jald hi door ho jate hai. Iske liye tamatar ke 1 chammach ras mai ½ chammach nimbu ka ras milaye. Iss ras ko kale ghere ki jagah laga le. Din mai do bar aesa karne se 2 saftah mai Dark Circles katam ho jayenge.
 

You May Also Like:- Home Remedies for Eczema: Khujli Dur Karne Ke Gharelu Upay

 

Aalu

Aalu  kale ghere ko door karne ke liye prakratik bleech ka kaam karta hai. Aapko bus itna karna hai ki aalu ko patla katkar use apni aankho par 15 minute ke liye rakh de. Ya to fir aalu ko ghiskar uska ras nikal le aur cotton ke kapde se aankho ke niche laga le, aur uss kapde se aankho ko dhak de. Iss prakriya ko 15 minute tak din mai 2 bar karne se dark circle mai jald aaram milta hai.

Anya Upaye Inhe Bhi Apnaye

  1. Apne khan-pan ka sahi tarah se khayal rakhe aur time par bhojan kare.
  2. Rojana 8 se 10 glass pani pine se bhi Dark Rings se chutkara paya ja sakta hai.
  3. Santre ka ras aur glycerin ko milakar rojana dark circle par lagane se kale ghere se jaldi nijad milta hai.
  4. Shahad aur ande ke safed bhag ko milakar kale ghere par rojana lagane se dark circle jald hi chale jate hai.
  5. Jo vyakti paryapt neend nahi lete hai unme dark circle ki samasya adhik payi jati hai. Iske liye rojana 8 ghante tak ki nind awashya lena chahiye.
  6. Haldi aur ananas ka ras bhi faydemand hota hai. Iske liye dono ke mishran ko rojana aankho ke niche lagane se kale ghere se chutkara paya ja sakta hai.
  7. Gulab ka jal kale ghere ko dur karne ke liye upyog kiya jata hai. Yeh aankho ke fresh rakhne ke sath-sath unhe mulayam banane mai bhi kaam aata hai. Ise lagane ke liye iske jal ko cotton ke kapde ke tukde se aankho ke niche rojana lagane se dark circle door ho jate hai.
  8. Dudh ka istemaal bhi kale ghere se nijad dilane mai faydemand hai. Iske liye dudh ko pehale freez mai rakhkar thanda kar le. Fir ise cotton ki madad se aankho ke niche lagaye. Din mai 2 baar aesa karne se 1 hafte mai hi kale ghere ghere kam hone lagte hai.

 

Download our Health Tips in Hindi App to get easy access on Blogs