Subscribe Whatsapp

Motichoor Ladoo Recipe in Hindi: Tyohar Manaye Kuch Khas

Ganesh chaturthi aane wali hai aur uske liye humne aapko pichle lekh mai modak ke ladoo banane ki vidhi batai thi, lekin ganesh ji ka tyohar na sirf ganesh chaturthi wale din manaya jata hai balki pure 10 din unhe hum ghar mai stapit karte hai.

Aur 10 din tak alag alag tarah ka prasad bhog ke rup mai lagate hai. Aur wah bhog ganpati ji ka man pasand ho to shayad wo aapki prathna bahut jaldi sun le. Aap prasad ko bahar se lane ki bajay ghar par banayenge to wo suddh bhi hoga aur hygienic bhi hoga.

Isse aap ganesh ji ko apne hath se bana hua bhog chada payenge. Sath hi yeh prasad lene wale aapke pariwar aur aaspas ke logo ki sehat ke liye bhi accha rahega.Kyonki bahar banne wali chizo se bahut bar logo ke gale kharab ho jate hai.

Motichoor ke ladoo banane mai jyada samay bhi nahi lagta hai tatha inhe aap aasani se ghar par bana sakte hai. Ise banane ki vidhi janne ke liye padhe Motichoor Ladoo Recipe in Hindi.
 

Motichoor Ladoo Recipe in Hindi – Jane Banane Ki Vidhi

 
Motichoor Ladoo Recipe in Hindi
 

Jane Motichoor Ladoo Banane Ke Liye Samagri

 

  • 1 cup- besan
  • 1 ½ cup- chini
  • 6 chhoti- elaichi
  • 1 chhoti chammach- piste ke tukde
  • 1 chhoti chammach- tel
  • ¼ khane wala kesariya rang
  • 2 cup- ghee
  • 1/4 cup- dudh

 

Calorie 977
Carbohydrate 179
Protein 14.6
Fat 22.1
Banane mai Lagane Wala Samay 45 Minute

 

Jane Motichoor Ladoo Banane ki Vidhi

Motichoor Ke Ladoo banane ke liye sabse pehle besan ko le aur use chan le. Ab ek katore mai pani le aur besan ko ghol le, dhyan rakhe besan ghole samay usme guthaliya na pade. Jab besan acche se ghul jaye to isme kesariya rang ko dale aur fat  le. Aapka besan ka ghol iss tarah hona chahiye ki yadi aap chammach se neeche girate hai to wah ek dhar mai ghire.

Iske bad isme tel dale aur aur ghol ko ek bar fir acche se fat le aur tel besan mai acche se mil jaye to use 20 minute ke liye rakh de. Ek taraf katore mai chini le aur usme pani dalkar use gho le. Ab iss katore ko madhi aanch par gas ke upar rakh de aur isse tab tak pakaye jab tak ki ek taar ki chashni na ban jaye.

Tar bana hai ya nahi yeh dekhne ke liye chhoti chammach mai chasni le apni dono ungliyon ke bich mai kuch bund dale. Yadi aapki ungliyo ke bich 1 taar ban raha hai to aapki chashni taiyar ho gayi hai. Yeh chasni gulab jamun mai bhi kaam aati hai. Yadi aap iski bhi receipe dekhna chahte hai to yaha click kare, Gulab Jamun Recipe in Hindi.

Ab kadahi ko gas par rakhe aur usme ghee dale, jab tak ghee garam ho raha hai tab tak besan ke ghol ko ek bar aur fat le. Jab aapka ghee garam ho jaye to kadhai ke upar chhed wali kalchi rakhe aur uske upar se besan dale. Aisa karne par kalchi mai se besan bund bund hokar ghee mai girta jayega aur bundi banker taiyar ho jayegi.

Jitni bundi kadhai mai aa jaye sirf utni hi tale aur unhe kadhai se bahar nikal le. Dhyan rakhe bund tab tak tale jab tak wo sunhari na ho jaye aur iss tarah sari boondi ko tal le. Ab elaichi ke dane aur kate huye piste ko chashni mai dal de aur uske bad sari bundi ko bhi chashni mai dal de. Fir kalchi ki sahayta se boondi aur chashni ko acche se mila le tatha ise 20 minute ke liye chod de. Taki boondi ke andar chashni mail jaye.

Iske 20 minute bad boondi ko chashni se nikale aur hatho mai pani lagakar bundi ko daba daba kar chote chote ladoo bana le. Inn bane huye ladoo ko ek thali mai rakhe aur 5 ghante ke liye inhe thali mai rakha rehne de. Iss tarah puri chashni bundi mai mil jayegi aur laddo sakht ho jayenge.

Iss tarah aapke kesariya rang ke boondi ke ladoo taiyar hai, agar aap colorful laddo banana chahti hai khane wale rang jaise lal, peela aadi ko besan mai dal sakti hai, jisse aapke motichoor ke laddoo aur khubsurat lagenge.
 
Upar aapne jana Motichoor Ladoo Recipe in Hindi. Uprokt di gai jankari mai aapko bataya gaya motichoor banane ki vidhi, iss vidhi ke dwara aap aasani se aur fatafat ladoo bana sakti hai. Aap inhe prasad ke liye bhi bana sakti hai aur aise hi bina kisi karanvash bhi bana sakti hai.