Subscribe Whatsapp

Peepal Tree Benefits in Hindi: Aushdhiya Guno Se Bharpur

Peepal ka pedh hindu dharm mai sabse ahem aur pujya mana jata hai. Kaha jata hai jiss tarah se devtao mai aneko gun hote hai usi tarah se peepal ke pedh mai bhi kai swasthvardhak gun hote hai. Iss vriksh ke patto, shakhao aur jado mai teevra gati se karya karne ki shakti hoti hai. Isi tarah yeh pedh hamare sharir ko kai bimariyo se bachane mai teevra gati karya karta hai.

Prithvi par paye jane wale sabhi pedho mai se peepal ka pedh oxygen ko shuddh karne wala aur sabse ahem vriksh hota hai. Yeh ek aesa pedh hai jo ki 24 hours hame oxygen deta hai jabki anya pedh rat mai carbon die-oxide ya fir nitrite chhodte hai. Iss tarah iske pedh ke niche rehne wale log buddhiman, nirogi aur adhik umra wale hote hai.

Peepal ke pedh ke sath-sath iski pattiya bhi swasth ke liye faydemand hoti hai. Iske pedh ki pattiya pitta nashak, rat shodhak, sujan dur karne wali, thandi tehsir ki aur twacha ke rang ko nikharne wali hoti hai. Iske prayog se sharir ko ratondhi, dama, sardi, piliya aadi bimariyo se dur rakha ja sakta hai. Iske alava iske aur bhi fayde janne ke liye padhe Peepal Tree Benefits in Hindi.
 

You may also like:- Aak Plant in Hindi – Janiye Iska Dharmik aur Aushdhiya Mahatv

 

Peepal Tree Benefits in Hindi: Sharir Ke Liye Faydemand Vriksh

 
Peepal Tree Benefits in Hindi
 

Pet Ki Takleefo Ko dur Kare

Bahar ke aur aniymit khan-pan ki wajeh se pet se judi kai prakar ki samasyaye paida ho jati hai jaise kabj, gas aur pet dard aadi. Inn sabhi ko dur karne mai peepal ki pattiya madadgar hoti hai. Iske upyog ke liye peepal ke taje patto ko kutkar iska ras nikal le aur ise rojana subah-sham piye. Aesa karne se vaat aur pitta rog mai bhi aaram milta hai.
 

Sardi aur Khansi Ko Dur Kare

Badalte mosam ki wajeh se hone wali sardi, khansi aur jukham ko dur karne mai bhi peepal ke patto ka prayog kiya jata hai. Iske prayog ke liye peepal ke 5 patto ko dudh ke sath acchi tarah se ubaal le. Ab isme chini ko dalkar din mai 2 bar subah aur sham piye. Aesa karne se jukham, sar aur khansi mai jaldi aaram milta hai.

Iske alava najla jukham hone par, sukhe huye peepal ke patto ka churn bana le. Ab iss churn ko gungune pani ke sath thoda si mishree milakar pee jaye. Isse aapko najla jukham mai aaram milega.
 

Saans Ki Takleef Dur Kare

Saans se sambandhit kisi bhi prakar ki samasya se nijad pane ke liye peepal ke pedh ka upyog kiya jata hai. Iske upyog ke liye peepal ke pedh ki chaal ka andruni hisse ko nikalkar sukha le. Ab iss sukhe huye bhag ka churna banakar kha le. Aesa karne se saans se sambandhit pareshaniyo se chutkara milta hai.
 

Daanto Ke Liye Faydemand

Daanto ki majbuti aur safedi ke liye peepal ke tane se bani daatuni ka prayog kiya jata hai. Peepal ki datuni karne se daanto ka dard dur hota hai. Iske alava 10 gram peepal ki chaal, kattha aur 2 gram kali mirch ko barik piskar banaye gaye manjan ka prayog karne se bhi daanto ki sabhi samasyao se nijad milta hai.

Iske alava daanto ki badbu, daanto ka hilna, masudho ka dard aur sadan ko dur karne mai bhi peepal madad karta hai. Iske upyog ke liye 2 gram kali mirch, 10 gram peepal ki chaal aur katthe ko barik piskar iska powder bana le. Ab iss powder se daanto ko saaf kare. Isse daanto ke sabhi prakar ke rog se chutkara milta hai.
 

You may also like: Punarnava in Hindi : Nav-Yovan aur Swasth Raksha Ek Sath

 

Dama Se Rahat Dilaye

Dama rogiyo ke liye peepal ka pedh ek mahatvapurna dava ka kam karta hai. Iske prayog ke liye peepal ke tane ki chaal ke andar ke hisse ko nikal kar sukha le. Iske sukhne ke bad iska barik churna bana le aur dama se grasit rogi ko yeh churna pani ke sath de.
 

Ghaav Ko Thik Kare

Kisi bhi prakar ki chot aur ghav ko bharne mai peepal ke ped ke patto ka prayog kiya jata hai. Ghav ko thik karne ke liye iske patto ko garm kar le. Inn patto ko chot aur ghav wale sthan par laga le. Aesa karne se ghav ke dard se rahat milegi aur ghav hi jaldi bhar jate hai.
 

Twacha Ke Liye Faydemand

Dhul mitti aur pradushan ki wajeh se hamari twacha kharab hone lagti hai aur unme jhaiya bhi pad jati hai. Inse chutkara pane mai bhi peepal ka pedh madadgar hoti hai. Iske alava badhti umra ke karan bhi chehre par jhaiya padne lagti hai, ise dur karne mai peepal ka pedh ahem bhumika nibhata hai.  Iske upyog ke liye peepal ki jado ko kat le aur use pani mai acchi tarah se bhigokar pis le. Ab iss pise huye paste ko rojana apne chehre par lagaye. Aesa karne se chehre se jhaiya khatm ho jayengi. Sath hi twacha ke rang bhi nikhrega.
 

Piliya Rog Ke Ilaj Ke Liye

Piliya hone par peepal ke 3 se 4 patto ka ras nikal le. Ab iss ras mai mishree ko milakar din mai 3 se 4 bar piya se grasit rogi ko pilane se jald hi aaram milta hai.
 

Daad-Khaj, Khujali Ko dur Kare

Twacha ki daad aur khaj ko dur karne ke liye peepal ke 4 patto ko rojana chabaye. Yadi aap aesa nahi kar pa rahe hai to pedh ki chaal ka kadha bana le aur ise daad aur khujali wali jageh par lagaye.
 

Dil Ke Liye Faydemand

Dil ko kai prakar ke rogo se bachane ke liye bhi peepal ka pedh faydemand hota hai. Iske upyog ke liye peepal ki 15 taaja hari pattiyo ko 1 glass pani mai acchi tarah se ubaale. Pani ko tab tak ubale jab tak pani 1/3 na ho jaye. Ab pani ko thanda karke chaan le aur use thade sthan par rakh de.

Ab iss kadhe ki teen khurak bana le. Iss kadhe ko subah har 3 ghante ke bad le. Aesa karne se yadi kisi vyakti ko heart attack aaya hota hai to uska hriday fir se swasth ho jata hai. Aur fir dil ka dora padne ki sambhavna kam ho jati hai.
 

Peepal Tree Benefits in Hindi: Iske Anya Fayde Inhe Bhi Padhe

  1. Peepal ke phalo ka churn lene se baanjhpan dur hota hai.
  2. Peepal ke pedh ki rakh ka prayog stan ke fode ko thik karne mai kiya jata hai.
  3. Bavasir se rahat pane ke liye peepal aur neem ki pattiyo se bane paste ko lagaya jata hai.
  4. Imali aur peepal ke pedh ki chaal se bane kadhe ko pine se masik dharm se sambandhit pareshaniyo se nijad milta hai.
  5. Peepal ke khal se bane kadhe ko lagatar pine se sharir mai serum uric acid ka level kam ho jata hai jo ki gathiya rog ke ilaj mai madad karta hai.
  6. Peepal ki hari pattiyo aur chal se bane kadhe ko pine se dast se nijad paya ja sakta hai.
  7. Aediyo ke fatne ki samasya mai bhi peepal ka pedh aapki bahut madad karta hai. Iske upyog ke liye fati hui aediyo par peepal ke patto se nikle dudh ko lagaye. Aesa karnse kuch hi dino mai fati aediya chikni aur khubsoorat dikhayi dene lagengi.
  8. Aankho ke dard se nijad pane ke liye peepal ke patto ka upyog kiya jata hai. Iske liye peepal ke patto se jo dudh nikalta hai use aankho par laga le isse aankha ka dard thik ho jayega.
  9. Adhik garam khanpan aur adhik garmi ki wajeh se kuch logo ko naak se khun nikalne ki samasya hone lagti hai. Isse chutkara pane ke liye peepal ke taje patto ka ras nikal le aur use naak mai tapkaye.
  10. Inn sabhi ke alaava peepal ke patto ka prayog saanp ke katne par bhi kiya jata hai. Saanp katne par yadi chikitsak uplabdh na ho to peepal ke patto ka ras 2 chammach 3 se 4 bar dena chahiye.
  11. Peepal ka pedh, jad aur jatao mai purushatv pradan karne ka bhi gun mojud hota hai. Iske prayog se purusho mai napusangta ke dosh ko dur kiya ja sakta hai. Iske alava yadi purush santan uttpanna karne mai asamarth hai to use peepal ke pedh ki jato ko katkar uska kadha banakar peena chahiye.
  12. Kuch logo mai haklane ki samasya hoti hai. Aese log apni baato ko kisi ke bhi samne sahi tarah se prastut nahi kar pate hai. Aese mai peepal ke pake huye phalo ko sukhakar banaye gaye churna ko shahad ke sath le. Isse haklane ki samasya dur ho jati hai aur vaani mai sudhar hota hai

Upar aapne jana Peepal Tree Benefits in Hindi. Yadi aap bhi upar diye gaye rogo se grasit hai to aaj se hi apne dainik jeevan mai peepal ke patte, jado, tano aur phalo ka prayog karna shuru kare aur rakhe apne aap ko swasth.