Subscribe Whatsapp

Pomegranate Benefits in Hindi: Anar Khane Ke Bemisal Fayde

Anar sehat ke liye bahut upyogi phal hai. English mai ise Pomegranate ke naam se jana jata hai. Aapne anar ke bare mai yeh kahawat to suni hi hogi ki “ek anar sau bimar”. Iss kahavat se yeh tatparya hai ki ek anar sau prakar ki bimariyo ko dur karne mai sahayak hota hai. Anar mai kai prakar ke labhdayak tatva paye jate hai jo ki sharir ko swasth rakhne ke sath-sath sundarta ko banaye rakhne mai bhi madadgar hai.

Anar mai vitamin A, B, C aur folic acid mojud hota hai. Yeh anti-oxidant aur anti-viral guno se bharpur hota hai, jo ki sharir ko aneko bimariyo aur sankraman se ladne mai madad karta  hai. Yeh hamare sharir me rakt ko badhane mai sahayak hota hai. Iske sath hi iska sevan madhumeh ke rogiyo ke liye bhi labhdayak hai.

Ise ayurved mai rog nirodhak aur sundarta badhane wala phal kaha gaya hai. Yeh ek aesa phal hai jo ki rakt mai sharkara ki matra ko badhne nahi deta hai. Isko Pratyaksh roop se khane ke sath sath iska juice pina bhi labhprad hai. Iske aur bhi adhik fayde janne ke liye yaha padhiye Pomegranate Benefits in Hindi aur rakhe apne aap ko swasth aur sundar.
 

Pomegranate Benefits in Hindi: Jane Isse Milne Wale Labh

 
Pomegranate Benefits in Hindi
 
Anar khane ke kai labh hote hai. To Health Benefits of Pomegranate mai aaiye jante hai yeh sharir ko kin-kin bimariyo se ladne mai madad karta hai.

Rog Pratirodhak Kshamta Badhaye

Anar sharir ki rog pratirodhak kshamta ko badhane mai madadgar hota hai. Isme anti-bacterial aur anti-microbial gun hote hai jo ki bimariyo se ladne mai madad karte hai. Isme mojud anti-microbial gun ki madad se yeh HIV ke sankraman se bhi bachata hai. Yeh immunity system ko majbut banana aur muh mai paye jane wale roganu aur cavity ko dur karne mai sahayak hota hai.
 

Hriday Ke Liye Faydemand

Pomegranate benefits for Heart bhi hai. Darahsal anar ka sevan aapke hriday ki sehat ke liye ramban aushdhi ki tarah kaam karta hai. Yeh rakt mai thakke banne se rokta hai. Yeh dhamniyo ke lachilepan ko badhane mai sahayak hota hai jisse hriday ki gati rukti nahi hai.

Iske sath hi yeh rakt vahniyo ki sujan ko dur karne mai bhi madad karta hai. Yeh sharir ke hanikarak cholesterol ko khatam kar use niyantrit karta hai. Anar ke sath sath iska juice bhi marijo ko diya jata hai. Iske juice mai green tea ke mukable adhik antioxidant gun paye jate hai.
 

You May Also Like:- Rose Water Benefits in Hindi: Jane Gulab Jal Ke Bemisal Fayde

 

Cancer Ke Khatre Ko Kam Kare

Anar mai anti-tumor, polyphones aur anti-oxidants tatva upasthit hote hai jo ki AIDS ko badhava dene wali cancer koshikao ko nasht karte hai. Yeh sharir se toxins ko bahar nikalta hai aur WBC(White Blood Cells) ko majbut karta hai.

Shodho se pata chala hai rojana 1 glass anar ka juice pine se cancer se pidit vyaktiyo ki sankhya ko 50 se 60 pratishat tak kam kiya ja sakti hai. Yeh mahilao mai hone wale breast cancer ke khatre ko bhi kam karta hai.
 

Twacha Ke Liye Faydemand

Anar twacha ke liye kai tarah se faydemand hota hai. Yeh twacha ki gehrai tak jakar use chamakdar aur sundar banane mai sahayak hota hai. Iske aur bhi fayde janne ke liye padhiye Pomegranate Benefits for Skin.

  1. Iske ras ko chehre par lagane se pimples ki samasya dur hoti hai.
  2. Yeh teliya twacha ko dur karne mai bhi madad karta hai aur chehre ke daag dhabbo ko dur karta hai.
  3. Anar chehre ki twacha mai andar tak jakar usme nami banaye rakhta hai. Jisse twacha chamakdar dikhai deti hai.
  4. Anar, dhup ki wajah se chehre par padne wale daag aur dhabbo ko dur karne aur jhurriyo ko kam karne mai sahayak hota hai.
  5. Anar twacha ki koshikao ko fir se jivit kar kale dhabbo ko dur karne mai sahayak hota hai. Iske sath hi yeh twacha ko budhi hone se bachata hai.
  6. Muhase hone ki mukhya wajah sharir mai hormones level ka kam hona hota hai. Yadi rojana 1 anar khaya jaye aur hafte mai 2 ya 3 bar anar ka juice piya jaye to 30 se 35 dino ke andar chehre par se muhase dur hone lagenge.

 

Garbhvati Mahilao Ke Liye

Garbhvati mahilao ke liye bhi anar bahut faydemand hota hai. Isme vitamins aur minerals ke sath-sath fluoric acid ki bhi prachur matra payi jati hai jo ki bhrun ke liye sabse achha bhojan hota hai. Isme potassium bhi hota hai jo ki mahilao ke pairo ke dard aur sujan ko dur karta hai. Kaha jata hai ki yadi garbhvati mahilaye anar ka sevan rojana kare to unme pre-mature delivery ka khatra kam ho jata hai.
 

Pomegranate Benefits in Hindi: Anya Fayde Inhe Bhi Padhe

  1. Anar sharir mai rakt ki matra ko badhane mai madad karta hai.
  2. Isme fructose ki matra payi jati hai jo ki shugar leval ko niyantrit karne mai madad karta hai.
  3. Anar, pachan tantra ko sudharta hai sath hi diarrhea ko bhi niyantrit karta hai.
  4. Iska sevan haddiyo aur daanto ko majbut banata hai. Aur, daanto mai hone wali samsyao ko dur karta hai.
  5. Anar ka phal aur juice dono blood pressure ko niyantrit karne mai sahayak hota hai.