Subscribe Whatsapp

World Aids Day 2015: Bharat ki Stithi aur Chunotiya

(World Aids Day) Vishwa aids diwas har varsh 1 december ko manaya jata hai. Iss diwas ko manane ka mukhya uddeshay samaj mai aids ke prati jagrukta failana hai. HIV Aids sankraman ke karan failta hai.

Ek anuman ke anusar filhal 35.3 million log HIV ke saath jivan vyatit kar rahe rahe. 1991 se 2012 tak aids ke karan duniya bhar mai lagbhag 36 million log apni jaan gava chuke hai. Bharat ka ek hi irada hai ki wah iss bimari ko kam karne ki koshish kar raha hai.

Sacchai bhi yeh haiki tamam swasth sambandhi muddo aur sex jese vishay ko lekar yaha khulkar baat nahi ki jati. Iske bavjud bharat ne iss kshetra mai kafi accha kaam kiya hai. Aaiye hum 5 aise muddo ko janane ki koshish karte hai, jo iss baat ko samajhne mai humari madad karege ki aakhir HIV Aids ke khilaf jang mai bharat kaha khada hota hai aur aakhir iss mamle mai uski stithi kya hai, uske samne ya chunotiya hai aur aakhir unse kese nipta ja sakta hai.

You may also like:- HIV Symptoms in Hindi: Janiye Iss Rog ke Mukhya Lakshan

Bharat mai Karib 25 Laakh HIV Grasit Log Hai

Bharat mai karib 25 laakh log HIV virus se grasit hai. Ek anuman ke anusar inme se karib 61% purush aur 39% mahilaye hai. Sankramit vyaktiyo mai baccho ki tadad karib 3.5% hai. 2009 mai ek anuman ke anusar vyasako ne iss bimari ka prasar 0.31% bataya hai. Halaki yeh kafi jyada lag sakta hai, lekin humari aabadi ke hisab se yeh aakda santoshjanak kaha ja sakta hai. Dusri aur dakshin africa jese desk, jaha aids ek mahamari ki tarah fail chuka hai, isse grasit logo ki tadad karib 50 laakh hai aur vyasako mei iske prasar ki dar bhi 18% hai.

Kam Logo Tak Pahuch Rahi Hai Dawa

HIV janleva bimari ke bajay agar ab kuch niyantran mai hai, to iske piche anti retroviral therapy (ART) ka bada haath hai. Isme hiv positive marij ko kai dawao ka cocktail diya jata hai. Isse unki stithi niyantran mai rehti hai. Yeh dawai HIV ko aids banane se bhi rokti hai. Vastvikta yeh hai ki bharat ne duniya ko yeh rasta dikhaya hai ki iss bimari ka jald ilaj hiv ko aids banane aur virus ko adhik failne se rokta hai. Yeh aise jodo, jinme ek saathi virus grast hota hai, aur maa se bacche ko hone wala sankraman, mai dekha gaya hai. Dukh ki baat yeh hai ki abhi tak sabhi sankramit logo tak yeh ilaj nahi pahuch paya hai. Bharat unn desho mai shamil hai, jaha abhi bhi HIV sankramit fisdi se kam logo ko hi ART muhaiya ho pati hai. Iske saath hi dawao ki kami ki apni samasya to hai hi.

2001 ke Baad Bharat ne Lagayi Lagam

UN Aids report 2013 ke mutabit aids ko kabu karne ke kshetra mai bharat ne sarahaniya kaam kiya hai. Iss report mai kaha gaya hai ki bharat mai 2001 se HIV ke naye sankramano mai karib 57% ki kami dekhi gayi hai. Yeh aakda wakai chokane wala aur hosle badhane wala hai. Yeh iss kshetra mai bharat ke sarahaniya kaam ki aur ishara karta hai. Wahi agar isi paimane par hum pakistan jese apne padosi mulk mai waha iske aakde mai 8 guna baddhotri dekhi gayi hai.

Yeh Samajik Dhabba Nahi

Dawao ki kami ke alawa ek badi samasya iss mudde ke saath judi samajik samasya bhi hai. Jab america mai yeh bimari samne aayi to ise homosexulaity, drug ka sevan karne wale aur sex works se jodkar dekha gaya. Halaki, samay ke saath iss najariye mai fark aaya hai, lekin aaj bhi bharat samet duniya ke kai mulko mai iss bimari ko dhabbe ke tour tab hi dekha jata hai.

Aisi kai khabre humari nazar ke samne se gujarti hai jaha HIV grast praivaro aur logo ko samajik bahishkar aur durvyavahar ka samna karna padta hai. Aise logo ko nokri par nahi rakha jata hai aur school mai aise baccho ko dakhila tak lene mai mushkil aati hai. Kai baar aisa bhi dekha gaya hai ki yeh samajik vyavahar logo ke liye bimari se bhi adhik kushtdayi hota hai. Isse nipatne ke liye samajik chetna aur jagrukta jaruri hai.

Majboot Kadmo se Lagayi Lagam

Bharat ne aids jesi bimari ki gambhirta ko dekhte huye iske prasar ko rokne hetu cronkit kadam uthaya hai. Sarkar ne suchna prasar, siksha aur sanvad je jariye iss bimari ke khatre ke bare mai logo ke bich jagrukta failane ka kaam kiya hai. Isse logo ko pata chala hai ki aakhir yeh bimari kese failti hai aur kese isse dur raha ja sakta hai. Iske saath hi bharat mai kabhi iss bimari ki gambhirta aur khatre ko najarandaaj nahi kiya gaya hai. Jabki kai mulko ne ise utni gambhirta se nahi liya, jiske karan iss rog ne waha mahamari ka roop le liye hai.

Yaad rakhiye aids ka sarkari vigyapan iss bimari ki bayavahta bilkul sahi tarike se baya karta hai. Aids jankari hi bachav hai. Ek baar yeh bimari ho jaye, to phir uska koi ilaj nahi hai. Isliye behtar hai ki iss bimari se dur hi raha jaye. Aids sankramit sui, asurakshit youn sambandho, sankramit khoon chadane aur garbhvati maa se hone wale bacche ko hota hai. Inme s kafi ko hum rok sakte hai.