Subscribe Whatsapp

Yoga for Hair Loss, Apne Baal Jhadne se Bachaiye

Baal jhadna ek aisi aam samasya ho gayi hai jisse ki har koi pareshan rahta hai. Bahut si mahange mahange product ka use karke bhi koi fayda nahi hota hai. Balki nuksaan hi hota hai. Lekin kya aap jante hai ki iss pareshani se yogasana ke dwara bacha ja sakta hai? Agar nahi to chaliye hum aapko batate hai, Yoga for Hair Loss in Hindi.

Yoga aur dhyan se na keval baal jhadne ki samasya dur hoti hai balki isse baal swasth bhi hote hai. Saath hi isse aapke sharir ka immune system theek hota hai. saaf shabdo me bola jaye to hum bol sakte hai, yoga dwara sar ki twacha me blood ka flow hota hai. Jisse sar ke baal jhadna kam ho jate hai.

Aise sabhi asana jinse aage ki aur jhukav hota hai, vo sar ki twacha me blood circulation ko badane me madadgar hote hai. Yaha hum kuch asana ke bare me baat karenge, jinhe apna kar aap is samasya se bach sakte hai.

Yoga for Hair Loss

You may also like:- Hair Fall Tips: Baalo ki Problems ka Solution Minto Mai

Yoga for Hair Loss in Hindi: Kijiye Majboot Apne Baalo Ko

Adho Mukha Svanasana

• Kutte ki tarah niche jhuki hui avastha se sar me blood circulation acche se hota hai tatha sinus aur sardi ke liye bhi yeh accha ilaj hai. Yeh dimag ki thakaan, tanaav aur neend na aane jesi samasya ko dur karne me bhi bahut sahayak hai.
• Saath hi is asana ko niyamit roop se karne se aapke Hair ki re-growth bhi hoti hai.

Adho Mukha Svanasana
Source: “hindi.boldsky.com/”
Uttanapadasana

• Baalo ki twacha me blood circulation badne ke alawa is asana se thakan aur chinta dur hoti hai. Yeh menopause ke lakshano se aaram dilvata hai tatha pachan me bhi sudhar lata hai.
• Uttanapadasana ek bahut accha yoga hai, jo aapko har tarike se laabh pahuchata hai.

Uttanapadasana
Source: “hindi.boldsky.com/”
Vajrasana

Yoga for Hair Loss ki baat kare to yeh aasan bahut mukhaye hai. Ise diamond pose bhi kate hai. Yeh anya asano se alag hai kyoki ise khana khane ke turant baad bhi kiya jata hai.
• Isse aage ki aur jhukna padta hai. Yeh mutra vikar ke upchar me bhi sahayak hota hai. Iske anya laabh bhi hote hai jese:- vajan kam, pachan tantra ko badana tatha pet se gas kam karna.
• Acche pachan tantra ke karan sharir ka santulan badta hai tatha isse baal girna bhi kam ho jate hai.

Vajrasana
Source: “eyogaguru.com”
Kapalbhati Pranayama

• Is pranayama ke karan mastishk ki koshikao ko adhik matra me oxygen milti hai, jo aapke nervous system ke liye bahut accha hai.
• Yeh sharir ke vishele padartho ko bahar nikalta hai tatha motape ko bhi kam karta hai tatha madhumeh ko bhi dur karne me sahayak hota hai.
• Yeh bhi sharir me santulit banaye rakhta hai, jiske karan baalo ka jhadna kam ho jata hai.

Kapalbhati-Pranayama
Source: “eyogaguru.com”
Pavanamuktasana

• Yoga for Hair Loss me Pavanamuktasana ki bahut aham bhumika hai. Isse gas kam hoti hai tatha pachan accha rehta hai. Pith ke nichle hisse ki maspeshiya majboot hoti hai.
• Isse stomach and buttocks par jama hua vasa bhi kam ho jata hai aur baal bhi badte hai.
• Saath hi is asana se pet ki problem khatam ho jati hai, jisse hair fall khatam ho jata jai.

Pavanamuktasana
Source: “eyogaguru.com”

Balayam, Nail Rubbing se Rokiye Apne Baalo ko Girne Se

Balayam

• Agar aap apne baalo ke jhadne se bahut pareshan hai aur samay se pahle hi aap ganjepan ki aur ja rahe to aapki is samasya ka hal Balayam ho sakta hai. Balayam yani baalo ka vyayam.
• Yoga aur acupressure ka mila jula yeh roop samay se pahle baalo ko safed hone aur baal jhadne ke liye ek accha asana hai. Vese agar hum Baba Ramdev Yoga for Hair Loss in Hindi ki baat kare to hum aapko batatna chahte hai ki, Baba Ram Dev ne bhi apne yog me ise shamil kiya hai.
• Acupressure ki is vidhi se MBP (Mail Baldness Pattern) aur Androgenic Alopecia jese purusho va mahilao ke ganjepan ka ilaj kiya jata hai.

Balayam ko Karne ki Vidhi

• Balayam bahut hi saral asana Hai. Ise karne ke liye dono haatho ki char ungliyo ke nakhuno ko ragde, jitna ho sake utni der aisa kare.
• Agar aap aisa har samay nahi kar sakte hai to kam se kam roj nashte, din ke bhojan aur raat ke bhojan se pahle 10 minutes ke liye ise jaraur kare.

Balayam-Hair Loss
Source: “lifehacker.co.in”
Iss Asana me Dhyan Rakhne Wali Baat

• Is prakriya me samay adhik lagta hai aur result dhire-dhire milta hai. Isliye aapko thoda sabra jarur rakhna chahiye.
• Pregnancy me is process ko na kare. Saath hi kisi surgical condition me bhi is process ko na kare.
• Saath hi nail ko rub karte samay aap chahe to koi lubricant ya koi oil laga le. Taki friction acche ho aur yeh ek asardar method ban jaye.
• Agar aap ek haath ki ungli ko isthir rakhkar dusre haath ke nakhun ko ragdenge to kan ke pass ke baal aa jayenge.
• Dono haatho ke anguthe ko ragadne se much par baal aa jate hai. Isliye mahilaye is ko karte samay dhyan jarur rakhe ki anguthe ka istemaal na kare.
• Isko karte samay me 3 se 6 mahine tak aapke hair loss band ho jayga. Tatha 6 se 9 mahine me aap dekhenge ki aapke baalo ki growth start ho jayengi. Tatha 9 se 12 mahine me aapke baalo ki growth bahut bad jayegi, jisse aapke baal sundar kale aur ghane dikhai denge.

Nakhuno aur Baalo ka Connection

Yeh vyayam ek tarah ki acupressure therapy hai. Nakhuno ka sambandh sar ki twacha se mana jata hai aur nakhun ko apas me ragdne se sar tak rakt ka sanchar acchi tarike se hota hai aur baalo ki jade tak bhi poshan milta hai.

Upar apane jane Yoga For Hair Loss in Hindi. To bas agar aap baal girne ki samasya se pareshan hai to aaj se hi in yogasana ko apnaiye aur sundar baal paiye.

See more details of Yoga Tips from Diet and Fitness.