Subscribe Whatsapp

Mastishk ke Dono Bhaag ko Sakriya Karne ke Tarike

Yeh hum sabhi jante hai ki hum apne dimaag ka prayog puri tarah se nahi kar pate hai, lekin agar iske dono hisse sakriya ho to aap aur creative bante hai, ise aise aap sakriya bana sakte hai.

Ek avdharna rahi hai ki manushya apne dimaag ka prayog shat-pratishat nahi kar pata hai. Lekin ek siddhant ki mane to mastishk ke 2 bhaag hote hai, dono bhaag swatantra roop se karya karte hai tatha aapas mai lagbhag 200 million nerve fibers se jude hote hai, ise ‘corpus callosum’ naam se bhi jana jata hai.

Iska mukhya karya hai mastishk ke ek bhaag se dusre bhaag ko yeh kehna ki wah kya kar raha hai. Mastishk ke yeh dono bhaag dekhne mai ek-dusre ke pratibimb lagte hai, parantu unk karyo mai kafi antar hota hai. Samanyatah mastishk ke dono ang sakriya nahi hote, ise sakriya karne ke liye yeh tarike ajmaye.

You may also like:- Brain Food Jo Bada De Aapke Dimag Ki Power

Mastishk ke Dono Bhaag ko Sakriya Rakhne ke Aasan Tarike Janiye

Activate Both Side of Brain

  • Shant aur Sthir Mann:

Mastishk ke right aur left hisso ke bich samanjasya badhane ka ek sabse accha tarika yeh hai ki agar koi insaan apne sthool sharir ko shant aur sthir rakh sakta hai, to sharir ki nischalta ki iss stithi mai mastishk ek bade paimane par jud jata hai. Isse kisi bhi chiz ko jaldi aur aasani se sikha ja sakta hai.

  • Silva Dhyan:

Unhone ‘Silva Dhyan’ vidhi ka prachar kiya tha. Unhone baye haath se kaam karne walo ko mastishk ke baye hisse par chetan mann ko aankh band karke pahuchne aur ekagrata karn ke liye sachet kiya tha. Usi prakar jo vyakti dahine haath se karya karte hai, unhe dahine mastishk ke bhaag par chetan mann ko kendrit karke dhyan karne ki vidhi batayi thi. Jisse masitshk ke dono bhaag sakriya ho sake. Iss kriya ke 15 hazar crore neurons sakriya hote hai.

  • Pranayam:

Pranayam karte samay dono swar (Naak ke Bhaag) chalne se mastishk ke dono bhaago ko pranvayu ka sanchar hone lagta hai aur mastishk ke dono bhaag saman roop se unnat hote hai. Pranayam mai anulom-vilom, surya bhedi pranayam, bhramari pranayam aur ujjayi pranayam mastishk ke vikaas mai atyadhik madad karte hai.

You may also like:- Causes of Memory Loss: Yaddasht Kam Hone Ke Karan

  • Dhyan ke Fayde:

Dhyan se mastishk ke dono bhaag ka sampurna vikaas hokar tanav nirmann karne wale hormones kam bante hai aur upyukt hormones jese melatonin, dopamine aur oxytocin ka adhik nirmann hone se kriyashilta, nutan vichaar, samasyao ka hal, prembhav, samajhne ki shakti, karya karne ki iccha aadi badhne lagti hai.

Upar aapne jane kese aap apne mastishk ka manobal badha sakte hai aur usko sakriya kar sakte hai. Yeh aapke sharir ke liye bahut faydemand hai. To aaj hi se inn upay ko apnaiye aur swasth rahiye.