Subscribe Whatsapp

Causes of Back Pain in Hindi: Jane Pith Dard Ke Karan

Pith mai dard hona wese to bahut aam hai aur iske hone ki kai wajah ho sakti hai, parantu aajkal ki jeevansheli iss dard ka pramukh karan bani hui hai. Kuch kiye gaye sodho ke mutabit pata chala hai ki duniya bhar mai baithkar kaam karne wale logo mai se 85% log pith dard aur kamar dard se pareshan hote hai.

Aur yeh bhi dekha gaya ki pith aur kamar dard se mahilaye sabse jyada pareshan hai. Jin logo mai pith dard hota hai wah samjh hi nahi pate hai ki unhe bar bar dard hone ke piche ka karan kya hai, jiske karan kai baar kam karne par ridh ki haddi mai pareshani hone lagti hai jo kaafi samay tak bani rehti hai.

Yadi aap pith dard se nijat pana chahti hai to pehle aapko iske karno ko acche se janna hoga. Taki aap iska sahi se illaj karwa paye. Aaiye jante hai Causes of Back Pain in Hindi.
 

Causes of Back Pain in Hindi: Bada Hua Vajan Hai Ek Karan

 
causes-of-back-pain-in-hindi
 

Back Pain Causes:-

 

Umra Haddiya Kamjor Hone Lagti Hai
Arthritis Collagen Ke Karan Jakdan Hoti Hai
Jyada Vajan Ridh Ki Haddi Par Jor Padta Hai
Galat Posture Ridh Ki Haddi Ka Aakar Galat Hota Hai

      
 

Lagatar Lambe Samay Tak Baithe Rehna

Kai log office mai kam karte hai aur lagatar ek stithi mai baithe rehte hai jisse unhe peeth aur gardan mai dard hone lag jata hai. Kyonki hamare pure sharir ke bhar mai sar ka bhar sabse jyada hota hai, aur sar sabse jyada gatisheel bhi hota hai.

  • Sar ki gatishilta ko banaye rakne ke liye ridh ki haddi ko bahut mehnat karni padti hai.
  • Dinbhar lagatar baithe rehne par hamare kamar ki manspeshiya thak jati hai aur dard hota hai.
  • Yadi lambe samay tak aapne baithe rehne ki aadat ko nahi badla to aapko kamar dard ki pareshani ho jati hai.

 

Nai Taknik Ka Istemal Karne Se

Aajkal ham koi bhi kaam karne ke liye aadhunik taknik ka istemal karte hai, lekin sabse jyada smartphone, iphone aur laptop ka har koi upyohg karta hai. Inn sabhi ke bina hum jine ki kalpana bhi nahi kar sakte hai aur inn sabhi ke karan hamara swasth kharab ho raha hai.

  • Kuch log smartphone ka upyog karte samay puri tarah kho jate hai aur unke sharir ki stithi bhi ek saman hoti hai.
  • Jab aap lagatar smartphone ya laptop ka istemal karte hai to aapko kamar mai dard hone lagta hai.
  • Inn sab chizo ke istemal se gardan mai khichav banne lagta hai aur Neck and Shoulder Pain hone lagta hai.

 

Bahut Jyada Fashion Karne Se

Fashion karna accha hota hai lekin fashion ke karan aapko kai tarah ki pareshani bhi hoti hai. Jisme se ek hai kamar dard ka hona, jo aapko kuch chije pehnne par ho sakta hai.

  • Jab aap belt lagate to bhi aapko iss prakar ki pareshani ho sakti hai.
  • Uchi aedi ki sandal pehnne par bhi aapko kamar dard ho sakta hai.
  • Aajkal jeans pehnna bahut aam hai lekin kya aap jante hai jeans se aapke kamar ka rakt sanchar ruk jata hai aur lower back pain ki samasya ho jati hai.

 

Bada Hua Vajan

Adhiktar aap dekhenge ki jin logo ka vajan unke sharir ke mutabik bada hua hota hai, unme kamar dard ki pareshani sabse jyada hoti hai. Yadi aap yuva hai to apni lambai ke anusar apne vajan ko niyantrit rakhne ki koshish kare.
 

Jane Kuch Anya Karan

  1. Lagatar bahut der tak khade hone par kamar dard ho jata hai.
  2. Sharir mai jyada tanav hone par bhi iss tarah ki pareshani ho jati hai.
  3. Jo log vyayam nahi karte unhe iss tarah ki pareshani jayda hoti hai.
  4. Kai log lagatar kaam karte hai aur uss bich mai aaram nahi karte tab bhi dard ho sakta hai.
  5. Umra badne ke sath kamar ki haddiya kamjoor ho jati hai aur disk par jor padne lagta hai.
  6. Aap letkar ya bethkar padh rahe hai ya computer chala rahe hai to aese mai aapko kamar dard ho sakta hai.
  7. Aniyamit dincharya jaise achanak jhukne, vajan uthane, jhatka lagne ya galat tarike se uthne baitne par dard ho sakta hai.
  8. Aapki kshamta se jyada sharirik kaam karne par, girne, fisalne par kai bar kamar mai moch aane ke karan dard ho jata hai.

 
Upar aapne jana Causes of Back Pain in Hindi. Uprokt di hui jankari ke dwara aapko pata chal jayega ki inn sabhi karno se aapko peeth aur kamar dard ho sakte hai, taki aap uske karno ki roktham kar sake aur dard se mukti pa sake.