Subscribe Whatsapp

Dill Benefits in Hindi: Jane Soa Ke Adbhut Swasth Laabh

Soa ek aesi sabji hai jo pure saal ugti hai. Iski pattiyo ke sath-sath iske beej ka prayog duniya bhar mai masale ke rup mai kiya jata hai. Soa ko Umbelliferae parivar ka ek sadsya kaha jata hai jo ki ajvain, jeera, sonf aadi ka ek samuh hai.

Soa ki ghaas ko badhne ke liye tej garmi wala vatavaran aur aur bahut pani wali upjau mitti ki aavashyakta hoti hai. Yeh 2 se 3 feet lamba hare rang ka poudha hota hai. Iska swad thoda meetha aur yeh acchi sugandh wala hota hai.

Soa ka prayog masale ke alava achaar, salad aur soup banane mai bhi kiya jata hai. Iske sath-sath isme audhdhiya gun bhi hote hai. Soa mai monoterpenes yogik, flavonoids, minerals aur amino acid bhi paya jata hai.

Iske alava soa ke kai swasth labh bhi hote hai jaise yeh hamare pachan tantra ko majbut banata hai, anidra ki samasya dur karta hai aadi. Yaha tak ki yeh dast, cancer, pechish, saans aur masik dharm sambandhi sambandhi bimariyo ko bhi dur karne mai madadgar hai. Iske alava iske aur bhi swasth laabh ke bare mai janne ke liye yaha padhiye Dill Benefits in Hindi aur rakhe apne aap ko fit aur swasth.
 

Dill Benefits in Hindi: Jane Soa Ke Adbhut Swasth Laabh

 
Dill Benefits in Hindi
 
Soa, hamare sharir ki rog pratirodhak kashmta ko badhane ke sath-sath hamari haddiyo ko majbut banane aur mansik vikar ki samasya ko dur karne mai bhi madad karta hai. Iske aur bhi benefits ko janane ke liye padhe Health Benefits of Dill.
 

Pachan Tantra Ko Thik Kare

Soa, khud ek appetizer hai aur iska prayog culinary application mai kiya jata hai. Isme tel ki aavashyak matra payi jati hai jo ki pitt aur pachak ras ko sakriya karne mai madad karti hai. Sath hi yeh tel hame kabj se rahat pradan karne, aanto ko vratto mai sikudne par majbur karne aur mal ka tyag karne mai sahayata karte hai.
 

Anidra

Soa mai mojud limonene aur yujinol tel mai vitamin B complex ki matra payi jati hai. Jo ki hamare sharir mai nind ko badhava dene wale hormones ko badhava dete hai jisse raat mai acchi nind aati hai. Iss wajeh se yeh jinn logo ko anidra ki bimari hoti hai unke liye yeh bahut hi faydemand hota hai.
 

Haddiyo Ko Majbut Kare

Soa mai calcium ki acchi matra hoti hai jo ki hamari haddiyo ko majbut banane aur unhe majbut banane wale minerals ko badhane mai madad karta hai. Osteoporosis ek aesi bimari hai jisse har sal lakho log prabhavit ho rahe hai, aur iske hone ka pramukh karan logo mai calcium aur vitamin D ki kami hona hota hai. Rojana soa ka sevan karne se iss bimari ko badhne se roka ja sakta hai.
 

Madhumeh

Madhumeh rog se pidit vyaktiyo ke liye bhi soa bahut hi labhkari hota hai. Iski pattiyo aur beej mai limonite (jisme antiseptic gun hote hai) aur yujinol (jisme samvedanahari gun hote hai) moujud hota hai jo ki sharir ke liye faydemand hote hai. Yeh tel shair mai sharkara ki matra ko kam karne aur insulin ke leval ko banaye rakhne mai madad karte hai.
 

Metabolism Ko Majbut Kare

Kai Prakar ke Dill Seeds benefits bhi hai. Iske beej ke nikale gaye tel mai vaathar, pachak aur keetanunashak gun bhi hote hai. Iske alava isme riboflavin, folic acid, beta-carotene, vitamin A aur vitamin C ki bharpur matra hoti hai jo ki sharir ke metabolim ko majbut banane mai madad karte hai.
 

You may also like:- Bhang Ke Fayde: Dast, Khansi aur Gathiya Mai Faydemand

 

Hichki Ko Dur Kare

Vyaktiyo ko kisi prakar ki allergy, sakriyta aur tantrika tantra ke kharab hone par hichki aane ki samasya ho jati hai. Ise dur karne ke liye ek chammach soa ke powder ko pani mai gholkar pine se aaram milta hai.
 

Ghav Bharne aur Jalne Mai Faydemand

Soa mai anti-bacterial aur anti-septic gun hote hai jo ki sharir ko kisi bhi prakar ke bahri aur antarik sankraman se ladne mai madad karte hai. Iske alava kisi prakar ki chot, ghav ko bharne aur jalne par hone wale sankraman ko rokne ke liye soa ke bijo ka prayog kiya jata hai.
 

Gathiya Rog

Gathiya rog ko dur karne ke liye soa ek jadi-buti ki tarah kam karta hai. Isme upasthit anti-inflammatory gun ke karan iska upyog prachin kal se shair ki sujan, gathiya rog aur isse hone wale jodo ke dard ko dur karne mai kiya ja raha hai.
 

Dill Benefits in Hindi: Anya Behtarin Fayde Inhe Bhi Jane

  1. Soa mai flavonoids jaise jaruri tel ki matra hoti hai jo ki mahilao ke masik dharm ke chakra ko niyamit rup se banaye rakhne aur blood ke niyamit pravah ko badhava dene wale hormones ko badhane mai madad karti hai.
  2. Soa ke beej aur pattiyo mai anti-bacterial aur anti-oxidant gun hote hai. Yeh gun daant aur daadh mai lagne wale keede aur muh ke sankraman se bachane mai madad karta hai.
  3. Sharir mai fungul infection ke karan pechish ki samasya hona aam bat hai. Isse chutkara pane ke liye soa ki pattiyo aur beej ka istemal kare.
  4. Soa mai potassium, copper, manganese jaise khanij padarth hote hai jo ki sharir ki koshikao, uchh raktchap aur hriday ki dhamaniyo ki gati ko niyantrit karne mai madad karte hai.
  5. Isme calorie ki bahut kam matra payi jati hai jo ki cholesterol ke leval ko kam karne mai madad karta hai. Sath hi isme kai prakar ke anti-oxidant, fiber, niacin jaise aavashyak tatv hote hai jo ki cholesterol ke star ko niyantrit karne mai madad karte hai.
  6. Soa, hare rang ki sabjiyo mai gina jata hai. Iska hara rang, sharir ki prakriyao ko sakriya karne aur free radicals ko bahar nikalne mai madad karta hai jisse hriday rog aur cancer jaisi samasyao se bacha ja sakta hai.

Upar aapne jana Dill Benefits in Hindi. Yadi aap bhi upar di gayi bimariyo se pareshan hai to aaj se hi apni dincharya mai soa ka istemal shuru kare aur rahe swasth.