Roj Roj ke nashte me ek hi ek tarah ki chije khakar hum bor ho jate hai aur kuch samay baad aisa lagta hai ki breakfast karna band hi kar de. Khaskar, bacche to humesha apni mummy se ek hi baat kahte najar aate hai. Mumma kab tak nashte me parathe, bread, toast yahi khate rahenge, kabhi kuch aur bhi bana diya karo na. Baccho ki inn baato ko sunkar aap bhi bor ho gayi hongi na.

Aapki isi boriyat ko rangeen banane ke liye hum aapko aaj kuch nayi dish banana bata rahe hai taki aapke bacche maje se inhe khaye aur aapki tarif karte jaye. Aaj hum aapko ghar par swadisht pasta banana sikha rahe hai. Ab aap soch rahe honge usme kya hai, vo hum abhi bhi banate hai. Darasal, aaj hum aapko kai alag-alag tarah se pasta banana ki vidhi bateyenge.

Waise to pasta ek Italian dish hai, lekin humare yaha baccho ko yah bahut pasand aata hai. Ise aap unke lunch ya Tiffin mai rakh sakte hai. Aaiye ab hum jante hai Easy Pasta Recipes in Hindi.

Easy Pasta Recipes in Hindi: Jane Vidhiya

Easy Pasta Recipes in Hindi

Yah to aap jaan gaye ki pasta Italian dish hai, lekin agar isme aap apna desi tadka laga de, to yakinan ho sakta hai aap ek nayi dish ka invention kar de. Yaha hum kuch aisa hi karenge, kyoki bacche sabjiyo hath bhi nahi lagate hai. Aise mai aap pasta ko swadisht aur healthy bana sakte hai. Jane Kaise-

Mix Veg Pasta

Banane ki Vidhi:

  • Sabse pahle pasta ko pani mai dalkar uablne ke liye rakh dijiye. Sath hi isme namak aur 1 chota chammach tel bhi daal dijiye. Dhayna rahe pani itna ho ki pasta usme acchi tarah se doob jaye.
  • 10 minute ke liye ise dhakkar medium aanch par gar par rakha rahne de. Iss baat ka dhayn bhi rakhe ki pasta jyada naram na ho jaye nahi to vo fatne lagega aur uska taste bhi bigad jayega.
  • Pasta ubal jane par ise chalni ki madad se chankar pani ko alag hata de.
  • Ab shimla mirch ko dhokar iske beej ko nikal dijiye aur paste ke aakar me kaat le.
  • Kadai ko gas par garm hone rakhe aur isme tel daal de aur garam tel mai shimla mirch dalkar 1-2 minute tak ise bhune.
  • Ab isme ubla pasta dale, pasta sauce aur ajinomoto dale aur 1 minute tak chalni se inhe milate huye pakaye.
  • Lijiye aapka pasta tyyar hai, lekin ise abhi yahi rakha rahen de.

Mix Veg Aise Banaye-

  • Ab aap beans ko dhokar medium size ke tukdo me kante aur thoda sa namak dalkar 4-5 minute tak steam kar lijiye.
  • Isi tarah broccoli ko bhi aap 1-2 minute tak steam kar lijiye aur Mushroom ko bhi dhokar, danthal hatakar kaat lijiye.
  • Ab aap kadai mai tel ko dalkar use garam kar le, tel garam ho jane par usme beans dale aur karchi ki madad se 30 second tak ise bhunte rahe.
  • Iske baad aap broccoli ko bhi isi tarah 30 second tak bhune aur phir mushroom, ajinomoto, oregano powder, chili flax, soya sauce  aur namak dalkar 1 se 2 minute tak acchi tarah se mix karte huye milate rahe aur phir gas ko band kar dijiye.

Lijiye aapka pasta aur mix veg tyyar hai. Inhe alag-alag bartan mai nikale aur garma garam apne baccho ko sarv kare.
You may also like:- Breakfast Recipes for Kids in Hindi – Baccho Ke Liye Vishesh
Cream Pasta Cream Pasta Banane ki Vidhi-

  • Jaisa ki hum aapko upper bata chuke hai ki kis tarah aapko pasta ko ubalkar chalni se chankar pani ko alag kar lena hai.
  • Iske baad aap makhan ko kadai me dalkar garam kar le aur sabhi sabjiyo ko bhi isme daal de.
  • Ab chamche ki madad se inhe chalate huye pakaye aur phir 2 minute dhakkan se dhakar rakh de.
  • Iske baad sabjiyo ke naram ho jane par cream, kali mirch aur namak milakar acchi tarah se ise mix kar le tatha chamche ki madad se 1-2 minute tak ise hilate huye pakaye.
  • Ant mai isme ubla huya pasta acchi tarah se milate aur 2 minute tak chamche se mix karte huye paka lijiye tatha upper se hara dhania aur nimbu ka ras bhi mil le. Lijiye tyyar hai aapka garma garam cream pasta.

Aaj apne jana Easy Pasta Recipes in Hindi. Yaha humne aapko jo vidhia batai hai, unhe aap jarur banaye aur pariwaar ke sath garm-garam iska luft uthaye.

Ingredients for Pasta

Pasta 200 gm
Shimla Mirch 1 Lal aur Pili
Pasta Sauce 150 gm
Ajinomoto 1/4 Chota Chammach
Tel 1-1/2 Chammach

Ingredients for Mixed Vegetables

Broccoli 200 gm
Mushroom 200 gm
Beans 50 gm
Ajinomoto 1/4 Chota Chammach
Orgeno Powder 1/2 Chota Chammach
Chili Flax 1/2 Chota Chammach
Soya Sauce 1 Chota Chammach
Tel 1 Chammach

Ingredients for Cream Pasta

Pasta 200 gm
Gajar aur Shimla Mirch 1 Cup Kati Hui
Patta Gobhi 1 Cup Barik Kata Hua
Hare Matar 1/2 Cup
Cream 100 gm
Makkhan 2 Chammach
Adrak Kaddukas Kiya Hua
Kali Mirch 1/4 Chota Chammach
Nimbu 1 Chota
Hara Dhania Barik Kata Hua
Namak Swadanusar Barik Kata Hua