Subscribe Whatsapp

Hindi Tips for Beautiful Legs: Pairo Ko Khubsurat Banaye

Jis tarah chehre ki khubsurati aakrshit karti hai usi prakar khubsurat pair bhi aapko aakarshak dikhane mai madad karte hai.  Aapki sundarta barkarar rakhne mai  pairo ka accha dikhna bhi jaruri hai. Kyonki sirf chehra hi aapki khubsurati nahi badata balki aapki over all khubsurti mai pair bhi shamil hai.

Kai bar dekha jata hai ki ladkiya sirf chehre ka khayal rakhti hai aur apne pairo ka bilkul bhi dhyan nahi rakhti. Jisse unki samast khubsurti mai kami aa jati hai.

Jab bhi ham bahar jate hai to dhul mitti, suraj ki kirne,dhup aadi ka prabhav hamare pairo par padhta hai. Isse hamare pair kale najar aane lagte hai. Isliye unka khyal rakhna bhi aavshyak hai.

Pairo ka rojana dekhbhal karna jaruri hota hai, lekin kuch log samay ki kami ke karan rojana pairo ka khyal nahi rakh pate hai. To aaj hum aapko aese upay batane ja rahe hai jo aap aasani se kar sakte hai. Aaiye jante hai Hindi Tips for Beautiful Legs.
 

Hindi Tips for Beautiful Legs – Sundar Pairo Ke Liye

 
Hindi Tips for Beautiful Legs
 

Khub Pani Piye

Yadi aap chahti hai ki aapke pair khubsurat dikhe to rojana kam se kam 8 glass pani pina shuru kar de. Kyonki pani pine se twacha rukhi nahi padhti. Isse twacha mai chamak aur nami aati hai. Jisse sharir khubsurat dikhta hai.
 

You may also like:- Manicure at Home in Hindi: Hatho Ki Khubsurti Badhaye 

 

Kam Vasa Wala Aahar Le

Hamare pure sharir ko poshan hamare dwara liye gaye aahar se milta hai, aahar jitna accha hoga hamara sharir utna hi accha bana rahega. Kai mahilao ke pair bhari bharkam hote hai kyonki unka apne khanapan par niyatnran nahi rehta hai. Aese pairo ko lekar wo kafi sharam bhi mehsus karti hai lekin unhe thik karne ke sahi upay nahi janti.

  1. Docotor ka manna hai yadi aap chahti hai ki aapke pair acche bane rahe to kam chini, vasa tatha calorie ka sevan kare.
  2. Iske alawa kuch phal jaise santra, kiwi, strawberry aadi ko apne diet mai shamil kare isse aapka rakt sanchar sahi se bana rahega. Iske atirikat omega3 fatty acid bhi aapke liye faydemand hai. Ise lene ke liye aap akroth, avocado aur salman machli ka sevan kare.
  3. Tale bhune masala ke bana kahana band kar de, kyonki inhe khane se pairo par sujan aa jateihai tatha pair phul jate hai.

 

Pairo Ki Malish Kare

Apne pairo par tel lagakar halke halke hatho se pair se lekar jangho tak ki malish kare. Malish karne ke liye Vitamin E yukt lotion ka bhi istemal kar sakti hai. Malish karne se pairo mai rakt ka sanchar acche se hone lagta hai tatha pair chamakdar dikhne lagte hai. Tatha pairo par jami atirikt charbi bhi kam hone lagti hai.

Jab bhi aap ghar se bahar dhup mai nikal rahe hai to hamesha sunscreen laga kar nikle taki dhup se nikli hui UV kirno pairo ko hani na pahucha sake.
 

Mahine mai Ek Bar Pedicure

Aapko pedicure ke bare mai to pata hi hoga kai mahilaye parlor mai jakar pairo, nakhun, aediyo aadi ki safai karvati hai. Ise hi pedicure kaha jata hai. Aap chahe to ise ghar par beth kar bhi kar sakti hai, pedicure karne se aapke pair lambe samay tak khubsurat lagte hai.

Isko karne se pairo ki gandagi puri tarah saaf ho jati hai, kyonki jab bhi aap bahar ghumte hai dhul mitti aapke pairo mai lag jati hai jisse aapke pair kale aur gande dikhte hai. Ise karne ka tarika janne ke liye padhe Pedicure at Home in Hindi.
 

Pairo mai Moisturizer Lagaye

Thandi ho ya garmi hawa se pairo mai rukhapan ho jata hai, jisse pair bhure bhure lagte hai inme nami banaye rakhne ke liye pairo ko din mai 1 se 2 bar dho kar unn par koi acchi company ka moisturizer lagaye, taaki aapke pair mulayam aur khubsurat dikhe. Smooth Legs pane ka yeh ek accha tarika hai.
 

Pairo Ki Kare Safai

Pairo ki safai hona bahut jaruri hai aap rojana inki safai kar sakti hai. Yadi aap rojana safai nahi kar pa rahi hai to hafte mai ek baar jarur iske liye wakt nikale. Iske liye ek tub mai pani le aur usme shampoo, aur thoda sa tel milaye aur iss ghol ko acche se mila le.

Iss pani mai apne pairo ko aadhe ghante tak dal kar rakhe aur aadhe ghante bad pairo ko bahar nikal kar inn par acche se scrub kare jisse dead skin saaf ho jaye. Ab pairo ko saaf pani se dho kar kapde se ponch le aur inhe nami dene ke liye moisturizer lagaye.
 

You may also like:- Nail Care Tips in Hindi, Nakhun ko Banaiye Sundar aur Swasth 

 

Anchahe Baalo Ko Hataye

Perfect Legs kon nahi chahta. Lekin iske liye pairo ke baal na badhe iss bat ka aapko hamesha khayal rakhna chahiye. Kyonki pairo par badhe huye baal aapke pairo ki sundarta chhin lete hai. Isliye inhe hatane ke liye aap wax ya hair removal ka istemal kar sakte hai.

Aajkal to laser treatment ke jariye bhi anchahe baalo ko hataya ja sakta hai. Ya aap chahe to aise upkarno ka bhi upyog kar sakti hai jo ghar par hi baal ko nikalne mai madad kare jaise One touch ya Silk namak upkarno ka istemal kar sakti hai.
 

Pairo Ko Aaram De

Yadi pairo ko aaram nahi milega to pair thake se aur bejan najar aayenge tatha kuch samay bad pair bekar dikhne lagenge. Isliye pairo ko aaram karne de.
 
Upar aapne jana Hindi Tips for Beautiful Legs. Upar diye gaye tariko ko apnakar aap apne pairo ko khubsurat bana sakti hai. Iske atirikt kuch vyayam jaise ki doudna, tairaki, aur cycle chalana aapke pairo ki charbi kam karke unhe sudol banate hai.