Subscribe Whatsapp

Vitamin E Benefits in Hindi: Swasth Ke Liye Faydemand

Yeh to sabhi jante hai ki vitamins hamare swasth ke liye bahut hi jaruri hote hai. Hamare sharir mai sabhi vitamins ka apna alag hi mahatv hai. Unhi mai se ek pramukh vitamin hai vitamin E. Yeh hamare sharir ki rog pratirodhak kshamta ko badhane ke sath-sath allergy se bachane, cholesterol ke level ko niyantrit karne aadi mai bahut mahatvpurna bhumika nibhata hai.

Yeh na kevel hamare swasth ke liye faydemand hai balki yeh hamari twacha aur baalo ki bhi sahi tarha se dekhbhal karne mai madad karta hai. Vitamin E ki kami hone se hamare sharir ki maspeshiya kamjor padne lagti hai jisse hamare sharir ke sath-sath najar bhi kamjor padne lagti hai.

Iske alava vitamin E hamare sharir mai lal rakt koshikao ke nirman mai madad karta hai. Sath hi hame mansik thakan se chutkara bhi dilate hai. Iska khas tor par prayog twacha ki dekhbhal ke liye kiya jata hai. Isme upasthit anti-ageing ka gun twacha par glow lane, jhurriya dur karne aur mrit koshikao ko bahar nikalne mai madad karta hai. Iske alava iske aur bhi swasth aur soundary se sambandhit laabho ke bare mai janne ke liye padhe Vitamin E Benefits in Hindi.
 

Vitamin E Benefits in Hindi: Swasth Ki Kare Behtar Dekhbhal

 
Vitamin E Benefits in Hindi
 

Vitamin E Ke Strot

Vitamin E, ande, sukhe meve, badam, hari pattedar sabjiyo, shakarkand, sarso, shaljam, avocado, broccoli, aam, papita, kaddu, akhrot, surajmukhi ke beej, popcorn mai mukhya rup se paya jata hai.
 

Vitamin E Ki Kami Ke Lakshan

Kuch log apne vajan ko kam karne ke liye lambe samay tak kam vasa wale bhojan ka sevan karte hai. Isse unke sharir mai vitamin E ki kami ho jati hai. Iss tarah se vajan kam karne ke liye kee jane wali diet se sharir mai anya vitamins ki bhi kami ho jati hai. Jisse kai tarah ki bimaiya jaise chronic disorder aadi hone ka dar ho jata hai.

Sharir mai vitamin E ki kami hone par nimn lakshan dekhne ko milte hai jaise

  1. Sharir mai vitamin E ki kami se mayopaithi ki shikayat hone lagti hai aur maspeshiya bhi kamjor ho jati hai.
  2. Vitamin E ki kami se aankho ka ratina aur uska degeneration abhhut patla ho jata hai. Jisse dhundhla dikhayi dene lagta hai aur rat ke samay mai thik se dikhayi nahi deta hai.
  3. Sharir mai vitamin E ki kami hone se lal rakt kanikao mai kami ho jati hai jisse sharir mai oxygen ka parivahan sahi se nahi ho pata hai. Aese mai anemia jaisi bimari hone ka khatra badh jata hai.
  4. Vitamin E ki kami hone par hamara central nervous system sahi tarah se kam karna band kar deta hai. Jisse mansik bimariya paida hona shuru ho jati hai.

Iski kami ko janne ke bad aap yeh samajh gaye honge ki vitamin E hamare swasth ke liye kitna faydemand hai? Ab iske faydo ke bare mai janne ke liye padhe Benefits of Vitamin E.
 

You may also like:- Health Tips in Hindi for Men: Rakhe Aapke Sharir ka Khayal

 

Cancer Se Bachaye

Vitamin E hame cancer jaisi khatarnak bimariyo se lafne ki kshamta pradan karta hai. Isliye hame apne aahar mai vitamin E s bharpur bhojan karna chahiye. Cancer se bachne ke liye hame nuts, grains, wheat aur beans ka sevan adhik se adhik karna chahiye. Isse aap hriday aur cancer jaisi bimariyo se bach sakte hai.
 

Mansik Tanav Dur Kare

Sharir mai vitamin E ki kami hone se hamara dimak sahi tarah se kam karna band kar deta hai. Sath hi hamari sahne ki shakti bhi kam ho jati hai jisse hamare mastishk par bura prabhav padne lagta hai aur tanav paida hota hai.
 

Koshikao Ke Nirman Mai

Hamare shair mai blood cells ko banaye rakhne upar ki or chadhaye rakhne ke liye ek cell membrain hoti hai. Vitamin E ki kami se membrain cell mai kami aa jati hai jisse blood cells ka vikas sahi se nahi ho payega aur sharir mai khun ki kami ho jayegi.
 

Anemia Se Bachaye

Vitamin E hamare sharir mail al rakt koshikao ki nirman mai madad karta hai. Yeh koshikaye khun ko banane mai sahayk hoti hai. Yadi sharir mai iski kami ho jayegi to anemia hone ka khatra ban jata hai.
 

Twacha Ke Liye Faydemand

Vitamin E hamari twacha mai padne wali jhurriya, muhase, anti-ageing ki samasya ko dur karne mai madad karta hai. Iske alava yeh sharir ki nayi koshikao ke nirman mai madad karta hai jisse twacha jawa dikhti hai aur mulayam hoti hai.
 

Vitamin E Benefits in Hindi: Anya Fayde Inhe Bhi Padhe

  1. Shairik kshamta ko badhata hai.
  2. Baalo ko lamba, Ghana aur chamakdar banane mai madad karta hai.
  3. Uchh raktchap ko badhne se rokta hai.
  4. Vitamin E hamare sharir ke immunity system ko majbut banane mai madad karta hai.
  5. Iske alava vitamin E hame drugs se padne wale dushprabhav se bhi bachata hai.

Upar aapne padha Vitamin E Benefits in Hindi. Yadi aap bhi apne sharir ko upar dee gayi pareshaniyo se bachana chahte hai to aaj se hi apne aahar mai Vitamin E ka sevan shuru kare aur rahe swash.