Subscribe Whatsapp

Home Remedies for Body Pain in Hindi: Paye Dard Se Rahat

Bahut bar aesa hota hai ki din bhar kaam karne ke baad ya fir kisi long journey se aane ke bad ham thaka hua mehsus karte hai. Bahut se logo ke to hath-pair ya sir bhi dard karta hai. Aese mai kuch log dard se rahat pane ke liye dawai lena pasand karte hai.

Yadi mahine mai ek bar dard jyada hone par pain relief leli to koi baat nahi, lekin jo log roj office se aane ke baad sharir mai dard ki sikayat karte hai unke liye roj roj dawai lena bhi sahi nahi hai.

Aese mai log sochte hai ki iske alawa hamare pas koi options nahi hai. Ya to dawai lele ya to dard sahe. Kya aapko bhi apni niyamit dincharya mai inhi pareshaniyo se do char hona padh raha hai?

Aaj ke lekh mai ham aapke liye laye hai Home Remedies for Body Pain in Hindi. Yeh gharelu upchar istemal karne par aapko sharir ke dard se rahat bhi milegi aur inse dawao ki tarah koi nuksan bhi nahi hoga.
 

Home Remedies for Body Pain in Hindi: Sharir Ko Aaram De

 
Home Remedies for Body Pain in Hindi
 

Sarso Ke Tel Ki Malish

  • Bahut se logo ka kaam din bhar computer par baithne ka hota hai. Aese mai inn logo mai pith dard ki sikayat bahut dekhne ko milti hai.
  • Pith dard hone par garam sarso ke tel se malish karna chaiye. Yeh jaam naso ko kholkar inhe aaram pahuchati hai.
  • Iss malish se aapke pith ka dard bhi kam hoga aur aap relax bhi feel karenge.
  • Yeh Natural Back Pain Relief Treatment

 

Tamatar Ka Soup

  • Jaruri nahi hai ki har bar thakan ke karan hi aapka sharir dard ho, kabhi kabhi kamjori ke chalte bhi sharir dard karta hai.
  • Tamatar ka soup peekar ya fir directly tamatar khana dono aapke liye faydemand hai.
  • Tamatar mai uccha matra mai vitamin c moujud hota hai, isliye ise khane se aapko sharir ke dard se rahat mehsus hoti hai.

 

Sendha Namak

  • Yadi aapki typing ki job hai aur aapke hatho ki ungaliya bahut jyada dard karti hai. ya fir kisi anya karano se bhi yadi aapka hath dard karta hai to sendha namak aapke liye bahut adhik faydemand hai.
  • Sendha namak mai uccha matra mai magnesium aur minerals hote hai jo dard se rahat dilane mai madadgar hai.
  • Prayog ke liye ek bowl mai garam pani le aur usme aadha chammach sendha namak dale.
  • Isme apne hatho ko 15 minute tak duba kar rakhe, aap dekhenge ki dard kam hone laga hai.
  • Yadi aapke guthne dard kar rahe hai to aap sendha namak se tub mai bath bhi le sakte hai. Ek tub mai aapko 2 cup sendha namak dalne ki jarurat hogi.
  • Aap jo garam pani le rahe hai use itna garam na kare ki aap jal jaye. Nahane ke liye jis tarah ka pani liya jata hai uss saman pani le.

 

Dard Nivarak Haldi aur Adrak

  • Haldi mai dard nivarak gun moujud hote hai yeh baat ham sabhi jante hai. Isliye hi chot lagne par purane samay se hi haldi ka dudh diya jata hai. Yeh ghav ko bhi jaldi bharti hai.
  • Haldi aur adrak dono mai anti inflammatory gun moujud hote hai isliye yeh rheumatoid arthritis mai rahat deta hai.
  • Prayog ke liye 2 cup pani mai aadha chamaach hadli aur adrak ka chota sa tukda mash karke dale.
  • 10 se 15 minute ke liye aap ise kam gas par ubalne ke liye rakh de.
  • Shahad ke sath gunguna karke piye.

 

Cryotherapy

  • Cryotherapy ko cold therapy bhi kaha jata hai. Isme dard kar rahi mashpeshiyo se rahat dilane ke liye burf ya fir anya thandi chizo ka istemal kiya jata hai.
  • Yadi aapko haddi mai chot lag gayi hai aur uss karan se dard ho raha hai to aap thanda sek kare.
  • Thanda sek rakt ke sanchar ko kam karta hai aur jaha dard hota hai use kam kar deta hai.
  • Dard ko kam karne ke liye ice massage, gel packs, chemical cold packs aadi tarike istemal kiye jate hai.

 

Anya Tips Inhe Bhi Janiye

  1. Magnesium rich food jaise kaju, badam, palak aadi lene se bhi sharir ka dard kam hota hai.
  2. Garam pani se snan karne par bhi kandhe aur peeth dard mai aaram milta hai. Muscle Aches se rahat pane ka yeh ek accha tarika hai.
  3. Niyamit yog ka abhyas karke aap sharirik dard ke alawa mansik tanav e bhi nijat pa skate hai.

 
Upar aapne jana Home Remedies for Body Pain in Hindi. Upar bataye gaye upchar ki madad se aap bhi apne sharirik dard se nijat paa sakte hai. Iske sath hi sharir mai bar bar hone wale dard se nijat pane ke liye raat ko acchi nind bhi jaruri hai. Der raat tak jagna aur subah let uthna bhi sharir mai dard ka karan banta hai. Isliye raat ko jaldi soye.

Related Post