Subscribe Whatsapp

Home Remedies for Heartburn in Hindi: Jane Iske Upchar

Aaj ke daud bhag wale yug mai, hamne apni jeevan sheli mai kuch aise badalav kiye hai jisake dwaara hamara apne sharir par niyantran kam hota ja raha hai. Hamne apne shareer par dhyaan dena band kar diya hai jisaka nateeja yeh hai ki manushya ka deh ab kuchh samaya avadhi ka rah gaya hai. Aaj ham bina soche samajhe apne aantarik ko nuksan pahuncha rahe hai, jiske parinam svarup aaj ham heartburn, amlapitt aur acidity jaisi samasya se joojh rahe hai.

Heartburn hone par sine ke nichale hisse mai jalan mehsus hoti hai. Jalan hone se pet mai sujan, gas, saans lene mai pareshani hoti hai. Vaise to iske liye market mai kai dawaiya upladdha hai. Lekin dawaiyo mai moujud rasayanic chemicals se hamare sharir ko aur nuksan pahuchta hai. Isliye behtar hoga ki ham gharelu dawaiyo ka hi sahara le. Isse hame kisi bhi tarah ke side effects hone ka khatra nahi rehta hai.

Isliye aaj ham aapke svasthya ko dhyan mai rakh kar aaj ham aapako Home Remedy for Heartburn in Hindi ki jankari de rahe hai. Aap en prakratik upchar ka labh le or apne jivan ko sukhmay banaye.

Home Remedies for Heartburn: Sine Mai Jalan Ke Gharelu Upchar

Home Remedies for Heartburn in Hindi

Heartburn ke Mukhya Karan:

  1. Athyadhik matra me tikha ya masaledar bhojan karan
  2. Adhik matra me tel yukt ya maide se bana bhojan krne se
  3. Bahar ka junk food khane se
  4. Athyadhik sigrate ya sharab pine se
  5. Pani kam pine se
  6. Jyada chai ya coffee pine se
  7. Anidra ki wajah se
  8. Aniymit bhojan krne se
  9. Vasa yukt padharth
  10. Tanav or awsaad hone ke karan
  11. Vajan Ka Adhik Badhna

Yeh mukhya karan hai jiske dwara hum heartburn ya acidity ka shikar hote hai!

Heartburn ke Lakshan:

  1. Sine ya chati ke ke nichle bhaag me jalan
  2. Pet me jalan, dard ya sujan aana
  3. Khatti Dakar aana ya gale or muh me khattapan aana
  4. Mitli ya ji machlana
  5. Pet phulna ya pet me bhari pan lagna
  6. Pet me gas hona
  7. Ulti aana ya becheni
  8. Saans lene me taklif hona

Yeh sabhi wah aam lakshan he jiske dwara hum samajh sakte he ki humare aantrik Shair ya Sheer me heartburn ki samasya hai.

You May Also Like: Home Remedies for Sinus Infection: Isse Bachane Ke Upay

Heartburn ke Upchar

1. Adhik matra me pani pina: jal prakrati ka ek aisa vardan he jisse paryapt matra me pine se aadhe se jyada bimariyo ka nash ho jata he. Pani heartburn remedies ka sabse aaham pahlu he.

2. Bhojan khate wakt dhyan rakhe:

• Khana kabhi bhi jaldi-jaldi na khaye,
• Bhojan chaba kar kare
• Khana khate samay pani ka sevan kam kare
• Santulit aahar le
• Bhojan karne ke turant baad na soye

Home Remedy for Heartburn:ab hum aapko kuch aise gharelu upchar bata rahe jinse aap heartburn ki samaysa se chutkara pa sakte wo bhi ghar baithe.

Tulsi: Hamare desh me tulsi ka dharmik rup se to bada mahtva hai he sath he yeh humare sharir ko naya jivan bhi de skti he. Tulsi pet me hone wale pastic acid ke prabhav ko kam karti hai. Khane ke baad 4-5 tulsi patte khane se pet ki jalan or acidity kam ho jati hai.

Aloe Vera: Aadha cup aloe vera ke ras me thoda pani milaye or usse acchi tarah mix karle, swaad ke liye aap thoda namak bhi daal skte hai. khane ke kuch samay pahle iska sevan krne se aapke pet me thandak milegi or pet me jalan or apachan ki sambhavna kam ho jayegi.

Eska ras gastric acid banane wale jiwanuo ko marta hai. Esme vitamin A, B1, B2, C or E hota he jo pet ke liye amrit ke saman hota hai.

Dahi: Thoda sa dahi ya doodh le or usme 1 chammach shahad mila kr pee le. Dahi heartburn ko thik kar pachan ki prakriya ko majboot krta hai. Ese lassi ya chanch bhi piya ja skta hai.

Sonf: Ek chammach sadharan sonf ko bhojan ke baad chabaye, aesa karne se pet me acid ki utpatti kam hogi. Aap sonf ki chai bhi pee skte hai. Ek glass pani me 2 chammach sonf dalkar 10 minute tak ubale, baad pani nikal kar use kha le.

Pudina: Pudina prakrati ka ek vardan hai. Eska istemal heartburn or acidity se sambandhit sabhi davao me hota hai. Ek mutthi pudina le or unhe piskar ek glass pani me dal de or 10 minute tak rahne de, bad me e pani ko din me 2-3 baar piye. Pudina ke patte chabakr bhi ek samsya se chutkara paya ja skta he.

Papita: Isme papain namak anzaim hota he jo pachan kriya ko sudrad banata hai. Bhojan ke baad ise niymit rup se lene par pet me thandak milti he, jisse apachan ki samsya nhi hoti hai.

Santra: Santra khatta jarur hota he magar heartburn ki samasya se bachne ka yah bhi bahut accha upay hai.

Mulethi: Isme fiber tatva hota hai jo pet ki jalan ko dur krne ke liye prakratik dawao ke rup me istemal hota hai. Yeh cholesteromal ko sokhta hai or gastric acid ko banne se rokta hai.

Adrak: Pet ki jalan se bachne ke liye adrak ka sahara bhi le skte hai. Yeh pet ke ras ko sokh leta he tatha pareshani se mukti dilate hai. Aap adrak ka sevan kaccha, chai ke sath ya vyanjan me bhi kar skte. Yeh ek aisa phal he jo humare ko kisi bhi tarah se nuksan nahi pahunchata hai. Adrak ki chai banana ke liye ise kis le or ek glass pani me 5 minute tak ubal le. Es tarah aap din me 3-4 baar chai banakar pee skte hai.

Nimbu: Acetic acid hota he jo pet me hone wali jalan ko thanda karne me madad krta hai tatha pachan kriya ko thik karta hai. ise rojana pani me milakr pine se acidity se mukti mil skti hai.

Yeh sabhi Home Remedies for Heartburn aapke jivan me ek naya anubhav lekar aayegi. Jab aap inka istmal krenge to apko lagega mano apko ek bahut badi pareshani se mukti mil gayi hai. Ab aap inn remedies ka istmal kare tatha apne parichito ko bhi yeh sujhav de.