Subscribe Whatsapp

Home Remedies for Menstrual Cramps: Dard Se Paye Chutkara

Masik dharm yani Menstrual Cycle mahilao ke jivanshelly mai chalne wala ek chakra hota hai. Mahilao ke jeevan mai masik dharm ka bahut mahatva hota hai aur iska chakra har mahine niyamit rup se chalta hai. Lekin aajkal ki badalti jeevanshelly aur khan-pan ki wajeh se kuch mahilao ke masik dharm ka chakra badalta rehta hai.

Masik dharm mai aniyamitta hone par mahilao ko pareshani ka samna bhi karna padta hai jaise pet, peeth aur kamar mai dard, aethan aadi. Kabhi kabhi to mahilao ko mashvari aane ke 1 ya 2 hafte pehle se hi aethan hona shuru ho jati hai aur yeh aethan mahvari ke dino tak hota hai ise pre-menstrual syndrome kaha jata hai.

Kuch mahilaye dard aur aethan se chutkara pane ke liye pain killer aur bahar ki dawaiyo ka sevan karne lagti hai. Lekin inn dawaiyo ke sevan se kai bar dushprabhav (mahilao ke prajanan ango par) bhi padne lagte hai.

Kabhi kabhi mahilaye bhojan mai jyada thande padartho ka sevan kar leti hai jisse masik chakra mai deri hone lagti hai. Aur yadi garm vastu kha li jaye to masik dharm samay se pehle bhi aane lagta hai.

Gharelu tariko ke dwara masik dharm mai hone wali aniymitta aur aethan se chutkara paya ja sakta hai. To aaiye padhe Home Remedies for Menstrual Cramps jiski madad se mahilao ko masik dharm ke samay hone wale dard aur aethan se chutkara mil sakta hai.
 

Home Remedies for Menstrual Cramps: Gharelu Tariko Se Dur Kare Aethan

 
Home Remedies for Menstrual Cramps
 

Bahut Pani Piye

Masik dharm ke chakra ke doran mahilao ko pet mai dard, aethan, kabj aur sujan ki samasya bhi hoti hai. Aese mai mahilao ko garm pani pina chahiye. Garm pani ke sevan se mahvari ke rakt ko bina kisi rukavat ke bahar nikal jata hai jisse kabj aur aethan ki samasya bhi nahi hoti hai.

Iske alava mahilao ko aese khadya padartho ka sevan karna chahiye jisme pani ki matra adhik hoti hai jaise jamun, beri, tarbuj aadi.
 

Adrak Ka Prayog Kare

Ginger for Menstrual Cramps bhi hai. Yeh mahvari ke samay hone wali aethan ko dur karne ki sabse acchi home remedy hoti hai. Yeh masik chakra ki niymitta ko banaye rakhne mai bhi madad karta hai.

Darahsal masik dharm ke doran sharir se kuch hormones nikalte hai jo ki dard aur aethan ka karan bante hai. Adrak mai Gingerols namak anti-inflammatory gun hota hai jo ki hormones ke utpadan ko rokta hai aur dard ko kam karne mai madad karta hai.

Adrak ka prayog chay banakar ya fir ubalte pani mai adrak ke tukado ko dalkar acchi tarah ubale fir ise din bhar thoda thoda pikar bhi kar sakte hai.
 

You May Also Like:- Brain Tumor Symptoms in Hindi: Mastishk Cancer Ke lakshan

 

Ajvain Ka Sevan Kare

Ajvain ka prayog har rasoi ghar mai kiya jata hai. Iska prayog masalo se sath-sath mahilao mai masik dharm ke samay hone wali aethan ko dur karne ke liye bhi kiya jata hai. Iske alava pet aur peeth mai hone wali aethan ko dur karne mai bhi kiya jata hai. Ise kai prakar se upyog kar sakte hai.

  1. Ajvain ko ek cup pani mai dalkar ubal le aur fir ise gunguna hone tak thanda kare aur piye. Isse pero ke dard, pet aur peeth ke aethan mai aaram milega.
  2. Ajvain ko bhunkar dudh ke sath lene se bhi dard ko dur kiya ja sakta hai.
  3. Iske alava ajvain ko namak ke sath milakar gungune pani ke sath lene se bhi masik dharm ke doran hone wale dard aur aethan se chutkara paya ja sakta hai.
  4. Ajvain ke tel ka prayog hath-pair ki maspeshiyo ki malish karne mai bhi kiya jata hai.

 

Papita Bhi Hai Faydemand

Papita mai uchh matra mai vitamin A aur C paya jata hai. Iss wajeh se yeh periods mai hone wale dard aur aethan ko dur karne mai sahayak hota hai. Kabhi –kabhi periods mai blood ka flow sahi tarah se nahi hota hai jisse mahilao ko bahut tej dard aur aethan hone lagti hai. Aese mai papita rakt ke pravah ko sahi karta hai aur dard se nijad dilate hai.
 

Tulsi Ke Patte

Tusi ek behatrin Natural Home Remedies for Menstrual Cramps hai. ka kam karti hai. Tulsi mai mojud caffeic acid periods ke doran hone wali aethan se rahat dilane mai madad karta hai. Iske prayog karne ke liye tulsi ke patto ko chay mai dalkar banaye aur piye. Iske alava aadhe cup pani mai tulsi ke 7 se 8 patto ko dalkar ubale aur chankar iska sevan kare.
 

Dudh Ka Sevan Kare

Dudh mai calcium ki matra adhik hoti hai. Isliye dudh mahilao mai masik dharm ke doran hone wale dard se chutkara dilane mai madad karta hai. Yadi kisi ko dudh pina pasand nahi hai to calcium ki goli bhi li ja sakti hai.
 

Dard Se Rahat Dilaye Sonf

Sonf ka Prayog bhi mahilao ko mahvari mai hone wali Aethan se nijad dilane mai kiya jata hai. Iska prayog chay banane mai bhi kiya jata hai. Iske alava 1 glass garm pani ke sath sonf ke dano ko khane se bhi dard mai aaram pahuchta hai.
 

 Home Remedies for Menstrual Cramps: Anya Tarike Inhe Bhi Padhe

  1. Masik darm ke doran hone wali aethan se chutkara pane ke liye garm pani ke begs ka upyog sikai ke rup mai kar sakte hai.
  2. Vitamin D aur D3 se yukt khadya padartho ke sevan se bhi dard mai aaram pahuchta hai.
  3. Fast Food aur masahari bhojan ka sevan karne se bhi periods mai dard aur aethan badh jata hai. Isliye inke sevan se bache.
  4. Aloe vera ka sevan bhi mahvari ke samay hone wale dard mai aaram dilata hai. Iske prayog ke liye 1 chammach shahad ke sath aloevera ke juice ko pina chahiye.
  5. Mahvari ke dard se rahat pane ke liye gajar ka juice bhi faydemand hota hai. Yeh rakt ke flow ko banaye rakhta hai aur dard se rahat dilane mai madad karta hai.
  6. Dalchini mai mojud anti-inflammatory gun periods mai hone wale dard se chutkara dilane mai madad karte hai.
  7. Vyayam karna swasth ke liye faydemand hota hai. Lekin aksar mahilaye masik dharm ke chakra ke doran vyayam nahi karti hai. Shayad aapko pata hoga ki vyayam karne se sharir mai rakt ka pravah sucharu rup se hone lagta hai. Isliye mahvari ke samay bhi vyayam karne se dard ka ehsas kam hota hai.

Upar aapne jana Home Remedies for Menstrual Cramps. Yadi aap bhi masik dharm ke doran hone wale dard se pareshan hai to upar diye gaye home remedies ko apnaye aur dard se paye nijad.