Subscribe Whatsapp

Ice Cream Recipe in Hindi – Ghar Par Banaye aur Khaye

Sunday ki chutti ho to har kisi ko kuch accha khane ka man karta hai. Bacche ho ya bade har koi kuch na kuch demand karta hai. Aese mai aap unke liye icecream bana sakti hai. Chutti ke din pure pariwar walo ke sath ise khane ka maja hi kuch aur hota hai.

Dopehar ke garmi bhare mahol mai ice-cream naa keval aapko refresh kar deti hai, balki garmi se bhi rahat deti hai. Vaise to aapko aasani se baajar mai yeh mil jati hai kintu bahar milne wali icecream mai milavati dudh aur hanikarak rango, gelatin, maida aur hanikarak rango ka istemal hota hai jo swasth ki dhrsti se accha nahi hota.

Isliye aap bajar ki ice-cream ka sevan naa hi khud kare aur naa hi apne pariwar ko karwaye. Lekin bacche to ise khane ki jid karenge hi. Isliye aaj ham aapko Ice Cream Recipe in Hindi bata rahe hai. To iss recipe ko aap ghar par try kare aur apne baccho ki pharmaais puri kare.
 

Ice Cream Recipe in Hindi – Jane Ise Banane Ki Vidhi

 
Ice Cream Recipe in Hindi
 

Sabki Pasandida Vanilla Ice Cream Recipe in Hindi

Jaruri Samagri

  • 1 cup heavy cream
  • 1 cup cream wala dudh
  • ½ choti chammach vanilla essence
  • 1 table spoon corn flour
  • ½ cup powder chini

 
Kacche dudh ko ek bhagune mai dalkar garm karne ke liye rakh de, pure dudh mai se 2-3 chammach dudh bacha kar rakhe. Ab iss 2-3 chammach dudh mai corn flour milaakar guthaliya khatam hone tak ghol lijiye.

Jaise dudh ke garam hone par isme ubal aa jaye, isme corn flour ka ghol dalkar acche se mix kar le aur chammach se lagatar chalate huye dudh ko 5-6 minute gadha hone tak paka lijiye. Lekin ek baat ka khayal rakhe ki aapko bartan ke tale tak chamche ko le jakar chalana hai, jisse ki dudh bartan ke tale par naa lage.

Jaise hi dudh gadha ho jaye, gas ko band karde aur dudh ko thanda hone ke liye rakh dijiye. Cream ko acche se fet le, cream ke pyale ko dusre pyale ke upar rakhe jisme ice cube rakhe ho. Ab electric blender ki madad se cream ko phete. Fir isme aadhi chhoti chammach vanilla essence dalkar 1 minute ke liye phete. Iske bad chini bhi dale aur 1 minute ke liye fir se phete. Ab aapko thande kiye huye dudh ko isme dalna hai aur acche se mix kar lena hai. 2 ghante ke liye ise freezer mai rakh de.

Jab 2 ghante ho jaye to mishran ko nikalkar ise wapis se phetna hai. Aapko jyada kuch nahi ise 3-4 minute ke liye phetna hai. Bad mai mishran ko container mai dalkar, 5-6 ghante ke liye ise freezer mai jamne ke liye rakh de. Ab iss thandi ice cream ko kanch ke bowl mai dalkar sukhe meve dalkar serve kare. To thi na yeh Easy Ice Cream Recipe?
 

Baccho Ke Liye Khas Chocolate Ice Cream Recipe

Baccho ko chocolate bahut pasand hoti hai. Aese mai yadi aap unke liye Chocolate Ice Cream banate hai to unki khusi ka thikana nahi rahega. Aaiye jante hai ise banaane ki vidhi.
 

Jaruri Samagri

  • 300 gram condensed milk
  • 1 ½ thanda dudh
  • 1 ½ cup cream
  • 1 chhota chammach vanilla essence

 
Ek bada bowl le jisme aap acche se mishran ko fet sake. A buss bowl mai condensed kiya hua milk, sada dudh aur vanilla essence mila le. Cream ko bhi thoda sa fetkar usme mila de aur freezer mai jamne ke liye rakh de. Cake ko chocolate syrup, James aur wafers rolls ki madad se sajaye.

Iske sath hi aap apne partner ko bhi chocolate day chocolate icream khilane ghar par invite kar sakti hai. Aur ise khakar unhe bahut accha lagega kyoki yeh aapne khud taiyar kiya hoga. Chocolate aur ice cream ke sabhi diwane hote hai.Aap ise jise bhi offer karenge koi aapko na nahi keh payega.
 
Upar aapne jana Ice Cream Recipe in Hindi. Yeh dono hi recipe banane mai behad hi aasan hai. Ab aap kis baat ka intejar kar rahe hai, inhe jaldi se try kare aur apne pariwar walo ko thandi thandi icecream khilaye.  Aap inhe healthy banane ke liye inme acchi mata mai kaju, badam, pista aur kishmish daal sakti hai.