Subscribe Whatsapp

Cramping during Pregnancy in Hindi: Garbhavastha mai Aethan

Garbhavastha ke dauran cramping hona garbhavati mahila ke liye bahut hi chinta ka vishay ho sakta hai. Garbhavastha ek prakar se sharir mai parivartan aur badlav ka samay hota hai, kyonki is dauran mahila ke andar ek chhota sa bachha viksit ho raha hota hai. Bhale hi yeh mahila ki pehli ya dusari-tisari pregnancy ho, magar har pregnancy ka apna alag hi aur anootha anubhav hota hai.

Aksar mahilaye aese samay mai sharir mai hone wale sensations aur anubhutiyo ko lekar chintit rehti hai. Ek bacche ko garbh mai viksit karte samay garbhavati mahila ki manspeshio, jodo aur naso me bahut dabav banne lagta hai, isliye iss daruan sharir mai ya pet me asahaj ya uncomfortable mehsoos karna aam bat ho sakti hai.

Pregnancy ke dauran hone wale aam sensations ko aethan (Cramping) kahte hai. Cramping ek tarah se manspeshio ke contraction ki wajah se hone wali anubhuti hoti hai. Yeh cramping kabhi kabhi sadharan ya fir dardnak aur uncomfortable bhi ho sakti hai. Cramping ek bahut badi samasya ka sanket ho sakta hai ya fir kihchav aur uterus ke badhne ka sanket ho sakta hai. Garbhavastha ke dauran mahilao ko atirikt dekhbhal ki jarurat hoti hai. Ek chhoti si bhi bhool se garbhpaat ka khatra utpann ho sakta hai. Aaiye Jante hai Cramping During Pregnancy in Hindi.
 

Cramping during Pregnancy in Hindi: Jane Iske Pramukh Karan

 
Cramping During Pregnancy in Hindi
 
Garbhavastha ke dauran aethan ki kayi wajah ho sakti hai, jo garbhvati mahila ke liye pareshani ban sakti hai:

Garbhavastha ke Shuruwati Mahino mai aethan Ke Karan:-

Aaropan ke Dauran Aethan (Implantation Cramping): Aaropan ke dauran bahut si mahilao ko cramping ka anubhav hota hai. Aamtour par aaropan (implantation) andonsarg (ovulation) ke 8-10 din bad hota hai. Pregnancy test ke sakaratmak aane ke bad yeh implantation cramping nahi hona chahiye. Halanki, kuch mahilaye implantation cramping ka anubhav karti hai, jisse unhe ye pata chal jata hai ki wo garbhavati ho gayi hai.
 
Gabhashay mai Khichav (Stretching Uterus): Garbhavastha mai jaise jaise mahila ka sharir ek naye bachhe ko janm dene ke liye taiyar hota hai, mahila ke garbhashay mai khichav aur vistar se hota hai. Ligaments jo ki uterus ko support karta hai, usme bhi khichav hone lagta hai, aur yeh khichav cramping utapnna kar sakta hai aur Cramping Pain hone lagta hai.
 
Garbhpat (Miscarriage): Garbhavastha ke shuruwati mahino mai agar cramping ki adhik samasya hone lagti hai aur agar sath mai rakt-strav bhi hone lage, to yeh garbhpat ka ek ghatak sanket ho sakta hai.
 
Asthanik Garbhavastha (Ectopic Pregnancy): Ectopic pregnancy ek aesi avastha hoti hai, jab bhrun (fetus) garbh ke bahar viksit hone lagta hai, aamtour par fallopian-tube mai. Yeh ek gambhir avastha hoti hai, jiska chikitseey illaj karwana bahut hi avshyak hota hai. Aethan hona aur pet (visheshkar pet ke ek taraf) mai dard hona, spot jamna aur rakt bahna, aadi ectopic pregnancy ke lakshan hote hai.
 
Anya Karan: Garbhavastha ke dauran aksar garbhavati mahila ko Cramp Symptoms jaise ki – kabj ya gas ki samasya ho jaati hai. Yeh bhi garbhavastha ke douran aethan paida hone ka karan ho sakta hai, kyoki aese mai kai bar mahila ko dard hone lagta hai aur wah bahut hi asajah mehsoos karne lagti hai.
 

Garbhavastha ke Antim Mahino mai Cramping ke Karan:-

Asthi-Bandhan mai Dard (Round ligament pain): Garbhavati mahila mai uske dusre aur tisre timahi mai round ligament mai dard uthane ki sambhavna hoti hai. Kyonki garbhavastha ke dauran garbhashay badhta hai aur garbhashay ke badhne aur viksit hone se ligaments mai khichav hone lagta hai. Iss wajah se cramping paida hone lagti hai.
 
Aparipakv Prasav (Preterm Labor): Cramping hona Preterm-labor ka ek lakshan ho sakta hai. Halka ya gambhir cramping ka dard hona, dast aur peeth dard, aadi preterm-labor ke sanket ho sakte hai. Aesi stithi aane par stri-rog visheshgya ko jald se jald sampark kare.
 
Braxton Hicks Contractions: Garbhavastha ke dauran dusre aur tisre timahi mai garbhavati mahila ko aniyamit sankuchan (contraction) ho sakte hai, jo ki garbhashay ki manspeshiyo ke sankuchan ki wajah se hote hai. Aksar shuruwat mai yeh contraction dard-rahit hote hai. Iska shodh John Braxton Hicks ne kiya tha, isliye iss tarah ke contractions ko varsh 1872 mai Braxton Hicks Contractions ka naam diya gaya.
 
Prakgarbhakshepak (Preeclampsia): Preeclampsia garbhavastha ki ek asamanya sthiti hoti hai, jisme uccha raktchaap, drav-pratidharan (fluid retension) aur shwetkameh (albuminuria) jaisi samasyae bhi shamil hoti hai, jinka samay rahte illaj na kiya jaye, to yeh eklampshan (eclampsia) ko utpann kar sakti hai. Preeclampsia ke dauran uccha raktchaap ke sath sath mutra mai protein bhi maujud hone lagta hai. Gambhir Preeclampsia hone ki stithi mai garbhavati mahila ke pet ke upari hisse mai tez dard paida ho sakta hai.
 
Mutra Marg mai Sankraman (Urinary Tract infections): Garbhavati mahila ko mutra marg mai kayi wajaho se sankraman ho sakta hai. Pet ke nichle bhag mai dard hona aur dardnaak mootra visarjan hona aadi.
 
Placental Abruption: Yeh tab hota hai, jab garbhavati mahila mai bachhe ke janm se pehle uske garbhashay se naal (placenta) alag ho jati hai. Yeh ek bahut hi ghatak sthiti hoti hai, jo ki bahut hi dardnak cramp utpanna karti hai. Agar aap ya aapki koi parichit garbhavati mahila ko yeh samasya hoti hai, to jald se jald stri-rog vishesgya se sampark karna chahiye.
 
Upe aapne jana Cramping During Pregnancy in Hindi. Agar aap garbhavati hai aur iss dauran aap cramping ka anubhav kar rahi hai, to iska karan jarur pata karen aur apne chikitsak se avashya sampark kare.