Subscribe Whatsapp

Papaya Benefits for Skin in Hindi: Khubsurat Twacha Ke Liye

Papita bahut gunkari phal hai. Yeh khane mai jitna swadisht hota hai utna hi swasth aur twacha ke liye bhi faydemand hota hai. Papite mai kai vitamin jaise vitamin A, C, aur potassium hota hai . Iske alawa inme khanij padarth aur antioxidant tatva paye jate hai. Yeh sabhi tatva twacha ki dekhbhal karne mai madad karte hai.

Aap khubsurat twacha ke liye kai sare mehenge mehenge beauty products ka istemal karte hai, inn sabhi ka istemal karne se aapka bajat to bigadta hi hai sath hi inka fayda lambe samay tak bhi nhi rehta hoga.

Lekin kya aap jante hai sasta se milne wale papite ka istemal bhi aapke chehre par chamak la sakta hai. Yeh ek natural illaj hai aur sardiyo mai ise lagane se aapki twacha damak jati hai. Papita ek aisa phal hai jise kaccha aur paka hua dono tarah se khaya ja sakta hai.

Kacha phal ki sabji bana kar bhi khai ja sakti hai. Iske alawa paka hua papita ko phal ke rup mai khaya ja sakta hai. Papita sal bhar bajar mai milta hai. Iske twacha ke liye fayde janne ke liye padhe Papaya Benefits for Skin in Hindi.
 

Papaya Benefits for Skin in Hindi: Papita Se Paye Khubsurati

 
Papaya Benefits for Skin in Hindi
 

Chehare Se Gandagi Dur Hataye

Papite mai beta hydroxy acid hota hai jo exfoliate ka kaam karta hai Yani ki chehre par mari hui twacha ko hata deta hai. Jab chehre se mari hui twacha hat jati hai to chehra mulayam chamakdar ho jata hai. Isme mojud beta hydroxyl acid ko BHA bhi kehte hai jo twacha ki gandgi aur tel ko dur hatane ka kam karta hai. Kyuki chehre par muhase hone ka sabse bada karan hi gandgi aur tel hota hai.
 

You may also like:- Papaya Face Pack in Hindi: Papite Se Nikhare Khubsoorati

 

Chehre Ko Mulayam Banaye

Papita ki patli si parat ko chehre par lagaye aur use kuch der bad sukhne ke liye chhod de aur fir chehre ko thande pani se dho le. Lekin kai logo ko isme mojud BHA khujlahat ka karan ban jata hai. To yadi aapko yeh suit nahi kar raha hai to ise na lagaye.
 

Daag Dhabbe Dur Kare

Chehre par kai karno ke wajah se daag dhabbe ho jate hai aur wo aapke chehre ki sundarta chhin lete hai. Inhe dur karne ke liye papite ka paste banaye aur usme dudh mila de. Papaya for Skin bahut faydemand hai. Iss bane huye face pack ko chehre par lagaye aur karib 15 minute bad chehre ko dho le. Kuch hi dino mai daag dhabbe gayab ho jayenge.

Twacha ki rangat nikharne ke liye papite ko ek katori mai le aur isme 2 chammach shahad, 1 chammach nimbu ka ras dale aur sab ko ek sath aache se mila le. Iss bane huye paste ko chehre par lagaye aur kuch der bad chehre ko dho le. Papita mai moujud vitamin C dhul mitti ko hatane mai aur nimbu rangat nikharne mai aur shahad rukhe pan ko hatane mai madad karta hai. Iss paste ko lagane se kuch hi dino mai chehre ki rangat nikhar jayegi.
 

Badti Umra Ko Thame

Papaya Benefits kai hai. Har koi vyakti apni umra se kam umra ka dikhna chahte hai. Yadi aap bhi aisa chahte hai to papita aapki madad kar sakta hai. Papite ke kuch tukade ek katori mai le aur 1 chammach chandan powder, 1 chammach shahad milakar paste taiyar kar le. Ab iss bane huye mishran ke paste ko chehre par lagaye aur 20 minute ke liye chehre par laga rehne de. Iske paschat thande pani se chehre ko dho le. Iss mishran ko lagane se aapka budhapa jaldi nahi aata aur aap kafi samay tak jawan bane reh sakte hai.
 

Jhulsi Dhup Se Bachaye

Papita rangat nikharane ke alawa garmiyo mai tej chilchilati dhup se bhi aapko bachata hai. Papite ke tukde ko ek katori mai le aur usme thoda sa kaccha dudh dal de aur milakar paste taiyar kar le. Iss bane huye paste ko 10 se 15 minute tak chehre par lagaye aur fir thande pani se chehre ko dho le.
 

Murjhai Twacha mai Jaan Dal De

Murjhai hui twacha ko fir se jaan dene ke liye kheera, papita aur tamatar ko milakar paste bana le. Iss bane huye lep ko chehre par lagaye jab yeh puri tarah sukh jaye to dsuri bar wapis iss paste ko chehre par lagaye aur kam se kam 20 minute tak isse laga rehne de.

Iss paste ko kam se kam 8 din lagatar lagaye aap payenge aapke chehre ke daag dhabbe kam ho gaye aur aapki murjhai twacha fir se khilkhila uthi hai.
 

You may also like:- Green Papaya Benefits: Papita Swasth ke Liye Faydemand

 

Jhurriyo Ko Hatane mai Madad Kare

Jaise jaise umra badne lagti hai aapke chehre ki twacha latakane lagti hai aur chehre par lakire tatha jhurriya pad jati hai. Yadi aap papite ka rojana sevan karenge to paita twacha se judi pareshaniyo ko kam kar deta hai. Iske alawa isme mojuda tatva jaise Vitamin C, Vitamin E, beta carotene aur antioxidant tatva chehre ki jhurriyo ko kam kar dete hai.
 

Jane Kuch Anaya Fayde

  1. Pachan kriya mai sahayak hota hai, jisse kabj nahi hota aur pet saaf rehta hai. Isse bhi aapko phunsiya nahi hoti hai.
  2. Papita se bana hua face pack ya lep chehre par lagane se chehra damak uthta hai.
  3. Dil ko swasth rakhne mai madad karta hai. Aap swasth rehte hai to twacha khud ba khud acchi rehti hai.

 
Upar aapne jana Papaya Benefits for Skin in Hindi. Aap bhi papite ke istemal se acchi twacha paa sakte hai. Sath hi ham aapko batana chahte hai ki Iska sevan karne se vajan bhi kam hota hai tatha aankho ki roshni badti hai. Papite mai calcium moujud hota hai isliye isko khane se haddiya majbut banati hai.