Subscribe Whatsapp

Dahi Vada Recipes in Hindi – Ab Ghar Par Banaye Lajij Nashta

Dahi vada bahut hi lajij vyanjan hai. Yeh kai logo ka pasandida hota hai. Yadi aapko kuch swadhist khane ka man kar raha hai aur jo aapke swasthya ke liye nuksan dayak bhi na ho to dahi vada sabse acchi dish hai. Isko khane se aapka pet kharab bhi nahi hoga.

Dahi vada ko bacche bhi bahut pasand karte hai kyuki iska swad kuch khatta, kuch mitha, thatha kuch thika hota hai, iske swad ek dusre par havi nahi hote hai. Dahi bade ki sabse anokhi bat yeh hoti hai ki yeh naram aur spanji hota hai. Jiske karan dahi aur khatai acche se iske andar pahuch jati hai.

Dahi vada banana bahut aasana hota hai tatha jaldi se ban jata hai. Bajar mai milne wale dahi vade to aapne kai bar khye honge lekin aaj hum aapko ise ghar par banane wali vidhi ko batane ja rahe hai.

Isme aapka dher sara pyar hone ke sath sath hygienic bhi hota hai. To aaiye jane Dahi Vada Recipes in Hindi ke bare mai aur banaye lajij dahi vada.
 

Dahi Vada Recipes in Hindi: Jane Ise Banane Ki Vidhi

 
Dahi Vada Recipes in Hindi
 

Urad Daal Dahi Vada

 
Samagri:

1 cup Mung daal, 1 cup urad daal, ½ chammach namak,  1 chammach jeera, kata hua adrak, 5gm kati hui hari mirch, talne ke liye tel, pani, 2 cup gadha dahi, thoda bhuna jeera powder, thoda sa kala namak, imali, hing, 1 choti chammach lal mirch!
 

You may also like:- Dosa Recipes in Hindi: Sabhi Ka Pasandida Nasta

 
Jane Dahi Vada Banane Ki Vidhi:

Recipe for Dahi Vada bahut aasan hai. Sabse pehle daal ko dho le aur 2 ghante ke liye bhigo kar rakh de. Ab 2 ghante bad daal mai se pani nikal le aur hing ke sath daal ko mixer mai dardara pees le.

Pisi hui daal ko ek bartan mai lekar usme namak dale aur fat le. Ab dusri aur ek kadahi le aur isme tel dalkar use garam kar le.

Feti hui daal ko gol gol karke garam kiye huye tel mai dale, aap 3 se 4 ya jitne kadhai mai aa jaye utne vado ko ek sath kadhai mai tal sakte hai. Jab bade bhure ho jaye unhe kadhai mai se bahar nikal le.

Ab ek bartan mai pani le aur use halka gunguna garam kar le aur usme thoda namak dal de. Iss namkin gungune pani mai tale huye vado ko dale aur bahar nikal kar hatho se daba kar pani nikal le aur dusre bartan mai rakh de.Dhyaan rakhe vado ko pani mai jyada der tak na rakhe unhe sirf 10 second tak pani me rakhe .

Ab dahi ko ek katore mai le aur usme ½ chammach namak aur 2 choti chammach shakkar dal kar acche se math le. Imali ki chatni banane ke liye jab aap daal galate hai usi waqt ek dusre katore mai imali ko dale aur usme pani dalkar gala de.

Gali hui imali ko mixer mai acche se pees le ya fir imali ke gude ko hatho se utar le aur isme gud ka pani dalkar ise paka le. Aapki imali ki chatni taiyar hai, ab isme bhuna hua jeera dal de.

Aapka swadisht dahi vada taiyar hai isko serve karne ke liye ek plate mai dahi vada le aur uske upar se dahi aur imali ki chatni dale. Ab kala namak, lal mirch powder, bhuna hua jeera powder chidak de. Ise hara dhaniya se sajaye aur parose.
 

Bread Aloo Dahi Vada

 
Samagri:

7-8 bread slice, 3 se 4 aloo, 500 gm dahi, 1 hari kati hui mirch, thoda barik kata hara dhaniya, ½ cup imali ki chatni, namak swad anusar,  tel, 1 choti chammach jeera powder, ¼ choti chammach lal mirch powder, ½ choti chammach chat masala, ½ choti chammach kala Namak.
 

You may also like:- Cake Recipes in Hindi – Ab Ghar Par Aasani Se Banaye

Banane ki Vidhi:
 
Sabse pehle aloo ko cooker mai ubal le aur uske chilkar masal le. Iske bad isme jeera powder, lal mirch powder, hara dhaniya, kati hui hari mirch dalkar sabko ek sath mil le.

Ab ek katore mai pani le aur usme bread ki slice dubo kar turant nikal le aur bread ko daba kar usme se pani nikal le. Iss bread ki slice mai 2 chammach banaya hua aloo ka masala bharkar use gol aakar de aur halke halke hatho se bread ko daba kar vade ko aakar de. Isi tarah sare vade ko taiyar kar le.

Ek kadhai mai tel dalkar use garam kar le aur bane huye vade ko tel mai tale aur halka bhura rang ka hone de. Ab dahi mai thoda sa pani dalkar acche se fet le. Ab ek plate mai vada sajaye aur uss par dahi, imali ki chatni dale fir chat masala, kala namak chidak de. Sajane ke liye hare dhaniye ki patti uss par dale.

Ab aapka swadisht bread aloo dahi vada taiyar hai. Iska luft uthaye aur khaye majedar swad se bharpur bread aloo dahi vada.
 
Upar aapne jana Dahi Vada Recipes in Hindi. Ab jab bhi aapko kuch chatpata khane ka man kare to iss recipe ko jarur try kijiyega.