Subscribe Whatsapp

Janiye Shahi Paneer Recipe in Hindi Kuch Aasan Steps Me

Aapne kai tarah ki Paneer Recipes try ki hongi, kyuki paneer lagbhag sabhi ka favorite hota hai aur swad me bhi bahut accha lagta hai. Lekin shahi paneer un sabhi dishes me sabse jyada zaykedar dish hai aur ise aap aasani se ghar par bhi bana sakte hai.

Kai log bahar ka khana pasand nahi karte aur kai maa apane baccho ko bahar ka Khana khane se rokti hai aur ghar par hi kuch delicious banana chahti hai. Agar aap bhi kuch esa hi sochti hai, to aaj is article me batayi hui Shahi Paneer Recipe aapke liye bilkul sahi hai. Ye aapko ghar bethe hi zaykedar dish ka taste karwayegi.

Ghar Bethe Banane ke liye Shahi Paneer Recipe in Hindi

You may also like: Rice Benefit: Janiye Gunkari Chawal Ke Lajvaab Fayde

• Shahi Paneer banane ke liye aapko chahiye 250 gm taza paneer, 2 medium size pyaj (onion), 2 bade tamatar (tomato), 3-4 hari mirch (green chilies), 1 lahasun ki ganth (whole garlic), masale (spices), namak (salt), tel (oil).
Paneer ko ek jese cubes me kat le aur ise deep fry kar le (aap chahe to ise shallow fry bhi kar sakti hai)
• Ek kadhai le usme 2 bade chammach tel dalakr garm kar le.
• Ab isme jeera (cumin seeds) dale.
• Ab isme baarik kata lahasun dale.
• Ab 2 kate huye pyaj ko dale aur halka brown hone tak bhune.
• Ab isme swadanusar lal mirch powder, haldi, dhaniya powder milaye aur acche se hilaye.

shahi paneer recipe in hindi

• Ab isme kate huye tamatar dale aur swadanusar namak dalkar pakne de.
• Kadhai ke is mixture ko ek plate me nikalkar thanda hone de.
• Mixture ko grinder se grind kar ke fine paste bana le.
• Dobara kadhai me aadha chammach tel garm kare aur barik kati huyi hari mirch dale.
• Ab grind kare huye paste ko kadhai me dale aur continue bade chammach se hilate rahe.
• 10 se 15 minute ke liye ise dhakkan dhak kar pakne de.
• Jab ye paste thoda tel chodne lage, tab isme adha gilas garam pani dal de.
• Pani milane ke kuch der bad (jab puri gravy ek jesi ho jaye), ise flame se utar le aur isme paneer ke cubes dale.
• Upar se hari dhaniya dalkar garnish kare.

Ye Shahi Paneer Recipe aapke ghar me sabhi ko zarur pasand aayegi, ise aap tanduri roti ya paratho ke sath serve kare.
Get more update about Shahi Paneer Recipe in Hindi from Food.