Subscribe Whatsapp

Janiye Aapki Pasandida Gulab Jamun Recipe in Hindi

Gulab Jamun ka naam sunate hi kisi ke bhi muh me pani aa jata hai. Yah har kisi ki favorite sweet dish hai. Is sweet dish ko hum bahar parties  me ya hotel me jakar bade maze se khate hai. Lekin kya aap jante hai, is dish ko ghar par bhi banaya ja sakta hai?

Hum sabhi acche se janate hai, jitni hygiene ka khayal hum apane ghar me rakhte hai, utana kisi bhi hotel ya restaurant me nahi rahata. Isiliye ghar me bani dish taste ke sath-sath health ke liye bhi acchi hoti hai. Isiliye aaj hum yaha aapko Gulab Jamun Recipe batayege, Jisse aap ghar par Gulab Jamun aasani se bana payege.

Step by Step Gulab Jamun Recipe in Hindi

You may also like: Janiye Shahi Paneer Recipe in Hindi Kuch Aasan Steps Me

Gulab jamun Banane ke liye aapko chahiye:
  • Mawa – 250 gm
  • Maida – 5 Chammach
  • Ilaichi Powder – ¼ Chammach
  • Shakkar (Sugar) – 3 cup
  • Ghee

gulam jamun recipe in hindi

Gulab Jamun banane ki Recipe:
  • Ek badi kadhai le, isme 1 ½ cup pani dale aur isme 3 cup sugar milaye.
  • Ise kuch der tak dhimi aanch par pakne de, jab tak aapko 1 tar (string) nahi ban jata.
  • Ek bowl me mawa, maida aur elaichi powder acche se milakar gunth le. Dhyan rahe isme pani nahi milana hai.
  • Is mixture ko 25 equal bhag me divide kare aur sabhi ke ek jese gole bana le. Dhyan rahe inme koi crack na aaye.
  • Ab in choti balls (golo) ko refrigerator me 10 se 15 minute ke liye rakh de.
  • Ek kadhai me ghee garam kare or usme in balls ko medium flame par golden brown hone tak (10 se 12 minute) deep fry kare.
  • In balls ko nikalkar, sugar syrum (chasani) me 30 minute ke liye daal de.

Gulab Jamun Recipe in Hindi ko sahi tarah se follow kare aur aapke banaye gaye grama-gram Gulab Jamun serve kare. Ye aapke ghar me sabhi ko bahut pasand aayenge.

Get more update about Gulab Jamun Recipe in Hindi from Food.