Subscribe Whatsapp

Breastfeeding (Stanpan) Se Hote Hai Dhero Swasth Laabh

Maa ka dudh har bacche ke liye accha hota hai. Mana jata hai ki Breastfeeding se hone vale laabh usme mojud poshak tatavo se bhi kai guna adhik hote hai. Maa ka dudh vitamin aur poshak tatvo se bharpur hota hai. Jo ki bacche ke janm ke 6 mahine tak jaruri hota hai. Saath hi isme mojud poshak tatva aapke bacche ko bimari se ladne ki kshamta dete hai, jisse unko bimariya ka khatra kam hota hai.

Shishu ke liye maa ka dudh amrat ke samaan hota hai. Doctor ke according 6 mahine tak ke bacche ko sirf maa ke dudh hi dena chahiye. Yeh dudh aasani se pachta hai. Jisse ki aapke bacche ke pet me koi bhi gadbadi nahi hoti hai. To hum bol sakte hai bacche ke liye maa ka dudh atyant jaruri hai.

Britten me dekha gaya hai ki, yeh bahut kam maa hoti hai jo ki apne bacche ko stanpan karvati hai. Jin bacche ko bachpan me pryapt matra me maa ka dudh nahi milta hai. Unhe bachpan me hi diabetes ki bimari hone ka khatra hota hai.

Lekin dekha gaya hai ki bahut si maa iske faydo ke bare me nahi janti hai. Jiske karan unka baccha kai bimari se grasit rahta hai. To chaliye aaj hum batate hai, Breastfeeding Benefits.

Breastfeeding Benefits: Stanpan Se Bacche Ko Hone Vale Fayde

• Ek saal se kam umar ke bacche me dairya se ladne ki kshamta kam hoti hai. Maa ka dudh inn rogo se ladne me help karta hai.
• Maa ke stan se pahli bar niklne vale dudh ke saath peele rang ka gada dravy nikalta hai. Jise colostrums kaha jata hai. Isse shishu ko jarur pilana chahiye kyoki yeh dravy aapke bacche ke liye bahut faydemand hota hai.
• Bacche ka immune system badta hai aur use infection se bachne me help milti hai.
• Maa ka dudh aasani se pach jata hai, jisse bacche ke sharir par charbi nahi jamti hai.
• Sahi stanpan hone se bacche ko aage chal kar high blood pressure, diabetes aur cancer jesi khatarnak bimariya ka khatra kam hota hai.
• Maa ka dudh bacche ke dimag ke vikaas ke liye bahut jaruri hota hai. Jisse baccho ki bodhikta badti hai.
Breastfeeding hone se bacche maa se bhavnatam roop se jud jata hai.
• Sabse acchi baat yeh hoti hai ki, bacche ko maa ka dudh usi temperature par milta hai, jo uske sharir ka hota hai. Jisse shishu ko sardi nahi lagti hai.
• Ek mahine se lekar ek saal ke bacche ko SIDS ka khatra hota hai, jo ki maa ke dudh ke sevan se talta hai. Kahne ka matlab hai ki, agar maa ka dudh baache ko SIDS bimari se chutkara dilvata hai.
• Jin baccho ko vaccination se theek pahle aur baad me breastfeeding kari jati hai. Unhe taklif ke lakshan kam dikhai dete hai.

You may also like: Healthy Benefits of Breastfeeding: Essential for Every Lady

Kya aap yeh baat jante hai stanpan se na keval bacche ke liye balki maa ko bhi bahut fayda pahuchta hai. Yeh dono ke liye bahut laabhkari hota hai

Breastfeeding Benefits: Stanpan Maa Ke liye Bhi Laabhkari Hai

Breastfeeding se garbhshay me huye sharirk badlav ko theek hone me help milti hai.
• Saath hi maa ko prasv ke douran hone vali probelm ko bhulane me aasani hoti hai.
• Stanpan se garbhashay ke aakar ke kam hone me help milti hai.
• Stanpan, postpartum khoon ki kami ko control karta hai. Jisse postpartum bleeding ka khatra kam hota hai. Saath hi aapke sharir me hemoglobin ka level control rahta hai.
• Stanpan se postpartum ovulation ki avdhi badti hai. Maltab prasv ke baad masik dhar ki avdhi late start hoti hai.

Breastfeeding Benefits

• Khoon me kami hone vale anemia rog nahi hota hai.
• Stanpan me adhiki calorie ki jarurat hoti hai, jisse natural tarike se maa ka weight kam hota hai.
• Stanpan se maa aur bacche ka rishta gehra ho jata hai, jisse bina kisi prayas ke baccha aur maa ek dusre ke kareeb aa jate hai.
• Isse maa ka self-esteem skaratmak tarike se badta hai.
• Stanpan se maa ko bacche ko bottle se dudh nahi pilana padta hai.
• Isse maa ko breast cancer ka khatra nahi rahta hai. Saath hi unhe grabhashay se related bhi koi bimari nahi hoti hai.
Breastfeeding se mahilo ka weight bina kisi exercise kiye natural tarike se kam hota hai.

Breastfeeding Maa Aur Shishu Dono Ke Liye Amrat Hota Hai

Vese Breastfeeding ka sabse bada fayda yeh bhi hai ki bazar me poshak tatvo ke naam par milne vale costly product jo ki kisi kaam ke nahi hote hai. Unse aasani se bacha ja sakta hai.

Kai mahilaye apne figure ke kharab ho jane ke darr se apne bacche ko dudh nahi pilati hai aur ulta vo bahut si bimariyo se grasit ho jaati hai. Saath hi ve apne bacche se bhi duur ho jati hai. Expert ke according stanpan vo mukhaye kadi hoti hai, jo ki maa aur bacche ke rishte ko bahut gahra banati hai.

To is baat ka hamesha dhyan rahe ki apne bacche ko 6 mahine tak apna dudh hi pilaye jisse ki vo ek swasth jeevan jee sake. Kyoki jo bacche bhapan me maa ka dudh nahi peete hai unhe aage chal kar bahut si bimariyo se pareshan rahna padta hai.

Ta bas apne aur apne bacche ke jeevan ko hamesha swasth banaye rakhne ke liye apne bacche ko maa ka dudh hi pilaye saath hi unke ek aisi life de jisse ve hamesha healthy rahe.

Upar humne aapko Breastfeeding Benefits ke bare me bataya hai. To bas in faydo ko pad kar apne rishte ko aur bhi khubsoorat banaiye aur hamesha swasth rahe.

Get more details of Health Benefits from Diet and Fitness.