Subscribe Whatsapp

Swimming Benefits in Hindi: Jane Tairaki Ke Fayde

Tairaki vyayaym karne ka bahut accha tarika hai, isse aapke sharir ki sari manspeshiyo ki acche se kasrat ho jati hai. Isko karne se aapke sharir ko aaram milta hai tatha aap ise enjoy bhi karte hai. Ise subah ya sham kisi bhi samay kiya ja sakta hai.

Adhiktar vyayam ko karte wakt chhot lagne ka khatra rehta hai, lekin tairaki ke sath aesa kuch nahi hai, ise karne se aapko koi nuksan nahi hoga.

Tairaki sharir ko sheetalta pahuchati hai isliye log ise garmi ke dino mai karna jyada pasand karte hai, iske alawa yeh sharir ko aakarshak banane ke liye bahut accha vyayam hai.

Isliye ladkiya figure banane ke liye swimming karna jyada pasand karti hai. Jab aap pani mai tairte ho to charo taraf ka pani uchal marta hai aur aapke man ko kaafi shanti mehsus hoti hai. Tairaki ko kai tarike se kiya ja sakta hai, aur iske kai fayde bhi hai janne ke liye padhe  Swimming Benefits in Hindi.
 

Swimming Benefits in Hindi – Sharir Ke Liye Faydemand

 
Swimming Benefits in Hindi
 

Tanav Dur Bhagaye

Tanav aajkal ki kai badi samasyao mai se ek hai. Iske kai karan ho sakte hai lekin aajkal ki kharab jeevansheli tanav ka sabse mukhya karan hai. Jiske chalte aap har samay kisi na kisi karan avsad se ghire rehte hai. Tanav kam karne ke liye log kai sare jatan karte hai fir bhi koi fayda nahi milta hai isliye tanav kam karne ke liye tairaki sabse accha vikalp hai.

  • Swimming Workouts karne se aapke sharir par tanav ka prabhav kam hota hai sath hi yeh dil ki bimariyo se bhi bachata hai.
  • Yadi aapko kaam karte huye ya kisi aur karan se tanav ho raha hai to swimming pool par jakar swimming kare aapko accha mehsus hoga.

 

Sharirik Shamata Badaye

Tairaki karkar aap apni sharirik shamta ko bada sakte hai. Kyoki tairte samay sharir ko ek sthan se dusre sthan tak jana padta hai tatha pani ke gati hone ke karan sharir ki gati badti hai. Jisse sharir ki kaam karne ki shamata badti hai. Iske alawa tairne se hath pair ki manspeshiya bhi majboot banti hai.

  • Swimming cardio vascular vyayam hai, isliye jab aap swimming karte hai to aapki sharirik shmata badti hai.
  • Yadi aap sharir ka stamina badana chahte hai to niyamit rup se swimming kare.

 

Vajan Kam Karne mai Sahayak

Motapa aajkal ki sabse badi samasya hai aur ise kam karne ke liye log kai tarah ka prayas karte hai taki unke sharir par jami atirikt charbi ghat jaye. Lekin bahut kam hi log apna vajan kam kar pate hai baaki log rojana gym jane mai boriyat mehsus karne lagte hai aur kuch dino mai hi jana chhod dete hai. Swimming Exercises ko aap kisi bhi samay jab aap free ho tab kar sakte hai.

  • Rojana tairne se sharir ka vajan kam hota hai tatha pet par jami hui atirikt charbi kam ho jati hai.
  • Jab aap tairte hai to hath pairo ka motapa kam hota hai aur sharir toned hota hai.

 

Dil aur Fefde Majboot Kare

Sodh ke dwara pata chala hai ki rojana swimming karne se rakt sanchaar sahi hota hai, cholesterol ka star samanya bana rehta hai, dil tatha fefde majboot tatha swasth bane rehte hai. Iske karan hriday sambandhit bimariya nahi hoti hai.

  • Swimming ek aisa vyayam hai jisko karne se saans ko andar bahar khichna padta hai, isliye yeh dil aur fefde ke liye acchi mani jati hai.
  • Tairaki ko pratidin karne se dil acche se kaam karta hai.
  • Iske alawa fefde bhi majboot bante hai aur asthma ke rogiyo ko shwaas sambandhi samasya nahi hoti hai.

 

Sharir Ko Lachila Banaye

Jab aap tairte hai to sharir ka har hissa iss kriya mai bhag leta hai jisse manspeshiya mai khichav banta hai. Jab aap ise rojana karte hai to sharir mai khichav ke karan lachilapan aane lagta hai. Yadi aap ise kuch samay bad chhod dete hai fir bhi sharir mai kuch samay tak lachilapan bana rehta hai.

  • Swimming ko pratidin karne par sharir ke sare ang mai lachilapan aata hai.
  • Swimming for Muscle Building bhi hai. Isse manspeshiyo mai majbooti aati hai.

 

Benefits of Swimming- Jane Kuch anya Fayde

  1. Rojana tairne se sharir ka santulan banta hai tatha sharirik shamta badti hai.
  2. Isse gathiya rog ke dard mai rahat milti hai.
  3. Madhumeh ke rogiyo mai insulin ki matra bani rehti hai.
  4. Pratidin tairaki karne se haddiya majboot banti hai.
  5. Yeh sharir mai ho rahe dard ko bhi kam karne mai sahayak hai.

 
Upar aapne jana Swimming Benefits in Hindi. Yadi aap bhi apne sharir ko lachila banane ke liye koi vyayam dhund rahe hai to tairaki ko jarur apnaye. Yadi aapko tairaki nahi aati hai to akele tairne naa jaye pehle trainer ki madad se ise sikhe.