Subscribe Whatsapp

Janiye Turai Ki Sabji (Ridge) Se Milne Wale Swasth Laabh

Sabjiya hamare swasth ke liye bahut hi labhkari hoti hai. Turai bhi ek prakar ki sabji hai lekin ise jyada log khana pasand nahi karte hai. Shayad aap nahi jante hai ki baki sabjiyo ki tarah hi turai ki sabji mai bhi kai prakar ke vitamins aur protein hote hai jo ki hamare swasth ke liye bahut hi faydemand hote hai.

Turai mai fiber, vitamins aur minerals bharpur matra mai hote hai jo ki hame madhumeh, netra rog, peelia, sankraman, twacha rog jaise kai bimariyo se bachane mai sahayak hai. Turai ki sabji hamare liver ko sahi karne mai madad karti hai. Iske alava yeh balo se judi sabhi samasyao ko bhi faydemand hai.

Turai ka vanaspatik naam luffa acutangula hai. Iska prayog aadivasi log kai prakar ke rogo ke upchar ke liye karte hai. Kuch log is sabji ko khana pasand nahi karte hai lekin iske faydo ki list badi lambi hai. Aaj ham aapko Turai Ki Sabji Ke Fayde bata rahe hai, taki inhe janne ke baad aap bhi ise khana shuru kar de.
 

Turai Ki Sabji Ke Fayde: Inn Bimariyo Ko Dur Kare

 
Turai Ki Sabji Ke Fayde
 

Madhumeh Mai Faydemand

Madhumeh rog se pidit vyaktiyo ke liye turai ki sabji bahut hi faydemand hoti hai.  Yeh insulin ki matra badhati hai sath hi yeh rakt mai se sharkara ki matra ko kam karti hai jisse madhumeh rog se pidit vyaktiyo ko aaram pahuchta hai.
 

Liver Ko Sahi Rakhe

Bahar ke aur aniymit khan-pan ki wajeh se liver ki samasya ho jati hai. Shodho se pata chala hai ki turai ka lagatar sevan karne se pet ki samasyao se nijad paya ja sakta hai. Yeh hamare sharir ke rakt ko shuddh karti hai sath hi liver se judi samasyao ko bhi dur karti hai.
 

Masso Se Paye Nijad

Kuch logo ke sharir mai bahut masse hote hai. Turai ki sahayta se masso ko aasani se khatam kiya ja sakta hai. Masso ko khatam karne ke liye aadha kilo turai ko barik katkar 2 liter pani mai ubaal le aur fir ise chaan le. Iss prakar turai ke pani ko alag nikalkar isme bengan ko paka le. Ab pake huye began ko ghee mai bhunkar gud ke sath kha le, isse bavasir mai bane dard aur peeda yukt masse jhad jate hai.
 

Baal Kale Karne Ke Liye

Yeh baalo ko kala karne mai bhi madad karti hai. Aadivasiyo ke anusar turai ke chote-chote tukado ko katkar thandi chhanv mai sukha le, fir inn sukhe tukado ko nariyal ke tel mai milakar 5 din tak aese hi rakhe. Iske bad ise garm kar le. Ab iss tel ko chankar ek dibbe mai bhar le aur rojana ise apne baalo par lagaye. Aesa karne se aapke bal kale ho jayenge.
 

You may also like:- Dill Benefits in Hindi: Jane Soa Ke Adbhut Swasth Laabh

 

Jaundice Thik Kare

Ve log jo piliya se grasit hai unki naak mai 2 bund turai ke phal ke ras ko dalne se naak se pile rang ka drav nikalta hai. Aesa hone par piliya ko jald se thik kiya ja sakta hai.
 

Dad, Khaj aur Khujali Ko Dur Kare

Yadi aap dad, khaj aur khujali se pareshan hai to turai ke patto ko piskar khujali wale sthan par rakhe. Aesa karne se khujali mai aaram milta hai sath hi kushth rog bhi dur ho jata hai.
 

Turai Ki Sabji Ke Fayde: Anya Fayde Inhe Bhi Padhe

  1. Pet se judi sabhi samasyao ke liye turai bahut hi faydemand hota hai. Iske sevan se apachan aur pet ki aethan mai jald hi aaram milta hai.
  2. Turai ki sabji ka sevan bavasir ke ilaj mai bhi kiya jata hai.
  3. Pet ki pathri ko dur karne ke liye turai ke bel ko dudh ya fir pani ke sath pis le. Aur ise 5 se 6 dino tak rojana piye , aesa karne se pet ki pathri ghulkar sharir se bahar nikal jayegi.
  4. Turai ki sabji ke lagatar sevan se sharir mai khun ki kami nahi rehti, sath hi yeh khun ko saaf karne mai madad karta hai.
  5. Isme cholesterol, calorie aur saturated fat bahut kam matra mai hota hai. Jisse yeh sharir ke vajan ko kam karne mai sahayak hota hai.
  6. Turai ki sbji ka sevan karne se twacha sambandhit samasyaye jaise muhase, psoriasis, eczema aadi samasyao se chutkara milta hai.
  7. Isme upasthit beta-carotein hamari aankho ki roshani ko badhane mai sahayak hota hai.
  8. Torai ka sevan hamare sharir ki rog-pratirodhak kshamta ko banaye rakhne mai madad karta hai. Sath hi sharir ko kisi bhi bahya aur antraik sankraman ke khilaaf ladne mai madad karta hai.

Upar aapne padha Turai Ki Sabji Ke Fayde. Yadi aap upar diye gaye bimariyo se pareshan hai to aaj se apne aahar mai turai ki sabji ka sevan karna prarambh kare aur rahe inn bimariyo se dur.