Ham sabhi jante hai ki acche baalo ke liye tel ka kya mahatva hota hai. Yadi aap sundar baal chahte hai to aapko baalo mai tel lagana jaruri hota hai. Aur yadi aapke baal pehle se bhi sundar hai tab bhi iski khubsurti ko barkarar rakhne ke liye aapko sar mai tel ki malish karna jaruri hai.

Tel hamare baalo ko healthy rakhte hai, jhadne se bachate hai, sath hi tel lagane se baalo ki lambai aur ghanatva badhta hai. Yadi aap baalo mai tel nahi lagate hai to isse aapke baal rukhe aur bejan ho jate hai.  Sath hi unki chamak khatam ho jati hai.

Hamne tel ka baalo ke liye mahatva to jaan liya. Lekin bahut se log iss baat ko lekar confusion mai rehte hai ki baalo par kaunsa tel istemal kiya jaye. Kyoki tel to kai prakar ke hote hai. Jaise nariyal ka, badam ka, jaitun ka aadi.

Aapko tel chunne ke vishay mai jyada pareshan hone ki jarurat nahi hai kyoki aaj ke lekh mai ham aapko bata rahe hai Best Oil for Hair, jisse uske liye aap kuch accha chun sakte hai.

Best Oil for Hair – Chune Apne Baalo Ke Liye Behtar Tel
best oil for your hair

Nariyal Ka Tel

  • Nariyal ka tel bahut purane samay se sabka pasandida hai aur rahega. Yeh hanikarak ultraviolet radiation se baalo ki raksha karta hai.
  • Yeh baalo ko kharab hone tatha tutne se bachata hai. Isse baalo ka jhadna bhi band ho jata hai.
  • Yadi aap baalo ko mulayam banana chahte hai to jis din baal dhone wale hai uske pehle raat mai aur ek ghanta pehle baalo mai tel ki malish kare. Fir baal dho le, aapke baal ekdum mulayam ho jayenge.
  • Aapke baal mulaym rehte hai to kam tutte hai. Yeh tel aapke baalo ko badhane mai bhi sahayak hai.

Badam Ka Tel

  • Yadi aapko nariyal tel se bhi jyada light tel ki talash hai to aap badam ka tel istemal kar sakte hai.
  • Bharat mai Bajaj Almond Drops Hair Oil bahut prachalit hai. Yeh bahut hi non sticky tel hai.
  • Badam ka tel aapke baal badhne mai madad karta hai, yeh aapke baalo ko acche se nourishment deta hai.
  • Badam ke tel mai nariyal tel se 300% jyada Vitamin E hota hai. Yeh aapke jado tak jakar baalo ko majboot banata hai.
  • Bajaj almond tel mai badam ke tel ke alawa mineral oil, vegetable oil bhi hota hai jo aapke baalo ka jhadna rokne mai madadgar hai. Isliye yeh Best Oil for Hair Growth hai.

Arandi Ka Tel

  • Arandi ka tel bahut hi chipchipa rehta hai isliye iska naam sunkar hi aapko ise lagane ka man nahi karta hoga. Lekin iske fayde sunne ke baad aap ise jarur lagana chahenge.
  • Arandi ka tel arandi ke beejo se banta hai. Iss tel mai kai pramukh tatva jaise ki vitamin e, minerals aur protein hota hai.
  • Inn sabhi tatvo ke chalte yeh aapke baalo ko jaldi jaldi badhane mai bahut sahayak hai. Baalo ke istemal ke liye aap cold presses oil ka hi istemal kare.
  • Baalo ke badhne ke alawa isse aur bhi kai anya fayde jaise scalp ke infection dur hona, rusi ki samasya se nijat aadi fayde milte hai.
  • Jin logo ko do muhe baalo ki samasya hai wo iska istemal jarur kare. Isse baal ko jhadna bhi band hota hai.

Jaitun Ka Tel

  • Aapne iss tel ke bare mai to suna hi hoga. Jaitun ke tel ke aapke swasthya ko lekar kai fayde hai. Cholesterol ke marijo ko bhi ise lene ke liye kaha jata hai.
  • To ham aapko batana chahte hai ki Olive Oil Beauty Benefits bhi hai. Yeh aapke baalo ke liye bhi behad faydemand hai.
  • Jaitun ke tel mai bahut jyada moisturizer property hoti hai jo aapke baalo ko accha banane mai madad karti hai.
  • Isse aapke baal majboot to hote hi hai sath hi inme chamak aati hai, yeh silky aur soft bante hai.
  • Prayog ke liye 2 bade chammach jaitun ka tel apne dry scalp aur baalo par lagaye. Iske bad shower cap lagakar ise ek ghante ke liye chod de.
  • Ab shampoo lagakar thande pani se dho le. Aapko baal dhone ke bad conditioner lagane ki jarurat nahi padhegi.

Jojoba Ka Tel

  • Jojoba tel, jojoba plant se banta hai. Yeh tel aapke baalo ke liye isliye khas hai kyoki yeh aesa yeh aesa tel hai jaisa aapka scalp khud banata hai, jise sebum kehte hai.
  • Iska matlab aap sari se bahut hi aasani se le lega wo bhi bina kisi side effects ke.
  • Nariyal tel ki tarah aap jojoba ke tel se bhi acchi champi kar le. Yeh aapke dry scalp ki samasya ko dur karega.
  • Tel lagane ka tarika aap link par click karke dekh sakte hai. Isse aapke baal soft aur shiner ho jayenge.

Upar aapne jana Best Oil for Hair. Ab aap apne baalo ke liye sahi tel ka chunav kar sakti hai. Aapko bus yeh janna hoga ki aapke baalo ki jarurat kya hai aur upar bataye gaye tel mai se kaunsa aapke baalo ki jarurat ke hisab se fit baithta hai.