Subscribe Whatsapp

Sundar Twacha aur Baalo ke Liye Dadi Maa ke Nuskhe

Har mahila ka sapna hota hai ki uski twacha daag dhabbo se mukt, chamakti hui aur naram ho. Aisi hi sundar twacha ke liye apnaiye Dadi Maa ke Nuskhe aur dikhiye sundar.

Hum sabhi twacha aur baalo ki samasyao se pareshan rehte hai aur kai log isse ghabrakar bazaar ki cream use kar lete hai. Wese Bazaar me kai tarah ke sondraya utpad upladbh hai jo aapko ek sundar twacha pradan karne ka vada karte hai, phir bhi unhe kharidne se pehle aapke mann me kai doubt hote hai. Uska karan yeh hai ki inn utpado me bahut adhik matra me chemicals hote hai jo twacha ko nuksaan pahucha sakte hai.

Ghabrakar galat cream ka upyog karne ke bajay kyu na hum Dadi Maa ke dwara banaye gharelu upchar ka upyog kare aur apni twacha ko kare sundar. Apnaiye aasan Beauty Tips aur rakhiye apne aap ko sundar.

You may also like: Beauty Tips in Hindi: Vyayam jo Chehre ko Rakhe Bright

Sundar Dikhne Ka Ek Solution Dadi Maa ke Nuskhe

1) Haldi ka powder le tatha isme kuch bunde nimbu ke ras ki milaye. Ise pimples par lagaye tatha 15 minutes ke liye sukhne de aur phir dho le. Isse apka chehra bahut chamkega aur aap sundar dikhege.
Fuller Earth (Multani Mitti) ki sahayta se bhi chehre ke pimples, dhool tatha oil se aasani se chutkara paya ja sakta hai. Multani mitti me gulab jal milaye tatha isse chehre par lagaye. Isse sukhne de tatha baad me chehre ko dho le aur dekhe aapke chehre se pimples kese gayab ho jate hai.

2) Dadi Maa ke Nuskhe me ek aur aasan tarika yeh bhi hai ki aap besan, haldi, nimbu ka ras tatha milk ki malai ka mishran banaye aur isse chehre par lagaye. Isse aapke chehre par chamak aati hai aur iske anya kai fayde bhi hote hai.
Chehre par chamak lane ka ek anya upay yeh hai ki santre ke chilke ko pisi hui masur ki daal me milaye tatha isme kuch matra me Shahad ya dahi milaye. Isse aapke chehre par na keval chamak aaegi balki twacha ki parat bhi utar jaegi.

Dadi Maa ke Nuskhe

3) Yadi aapko roosi ki samasya hai to methi dana ko raat bhar paani me bhigokar rakhe aur phir unhe pisskar uska paste bana le. Iss paste ko apne sir ki twacha par ek ghante tak lagakar rakhe. Iske baad baalo ko shampoo se dho le.
Ek anya upchar yeh hai ki dahi ke saath white peper (Safed Mirch) ka powder milaye tatha isse sir ki twacha par lagaye.

4) Shahad ki kuch bunde ko jaitun ke tel se saath milaye aur phir isse apne baalo me lagaye. Isse aadha ghante tak lage rehne de aur phir shampoo se baal dho le.
Dahi me ande ki jardi acche se milaye tatha iss mishran ko baalo me lagaye. Isse aapke baal reshami aur naram ho jaege aur baalo ki conditioning bhi ho jayegi. Shikakai ka upyog karne se baalo me chamak aati hai. Apnaiye Dadi Maa ke Nuskhe aur rakhiye apne baalo ko majboot aur silky.

5) Raat me sone se pehle haato aur pairo par petroleum jelly lagaye aur socks pehan kar so jaye aur subah uthkar do dale. Shahad ke saath sugar milakar scrub ki tarah upyog me laya ja sakte hai.

Aaj aapne dekha aur sikha kese aap apne chehre ko sundar bana sakte hai aur baalo ko majboot bana sakte hai. Apnaiye humare Beauty Tips aur paiye sundar twacha.

Get more details about Dadi Maa ke Nuskhe from Beauty.