Subscribe Whatsapp

Benefits of Crying: Aankho ke Aansu ke Laabh

Bahut se log aansu ko bhavnatmak kamjori ki nishani mante hai, par ve yeh nahi jante hai ki rona humare sharir ke liye tanav ko bahar nikalne ka ek tarika hai, aur rone se dher sari bimariya dur hoti hai. Isse aapka dil hi halka nahi hota hai balki swasth ke liye Benefits of Crying ek aham part hai.

Lamentation humare mann me dabi bhavnao ko bahar nikalne me madad karta hai chahe vah nirasha ki ho ya khushi ki. Itna hi nhi theek isi tarah isse dhero swasth laabh hai.

Psychologists ka kahna hai ki jab insaan ko rona aaye use usi samay ro lena chaiye, use rokna nahi chaiye. Rone se aapki koi haani nahi hogi balki fayda hi hoga. Chaliye hum rone ke vibhinn prakaro aur kuch swasth laabho ke bare me jante hai.

Types of Crying: Aaiye Jane Rone ke Prakar

Rudan ko 3 parts me divide kiya gaya hai. Aaiye unhe jane aur dekhe kya antar hai inn sab me:

• Emotional Cry: Jab kabhi aap bhavnatmak roop se sensitive mahsoos karte hai tab aapki aankho se aansu bahane lagte hai. Ye aansu dukh ke, nirasha ke, tanav ke aur Kkbhi-kabhi to khushi ke bhi hote hai.
• Basal Tears: Yeh vo taral hai jo Lacrimal (Tear Drop) granthi se nikalta hai aur jo aankho ko bacteria ke akramann se surakshit rakhne ke liye avashyak hai.
• Aankh me Pani: Yeh videshi particles aur jalan se khud ko bachane ke liye aankh ki ek reflex kriya hai.

You may also like: Benefits of Smiling: Surprising Reasons for Stay Happy

Ab aapko aansuo ke vibhinn prakaro ke bare me acchi tarah se jankari ho gayi hai ab aage jante hai Benefits of Crying, jo aapke swasth ke liye kese faydemand hai.

Benefits of Crying: Rone se Hone Wale Swasth Laabh

Benefits of Crying

1) Aankho ki Roshni Badaye

Rone se aankho ki roshni badti hai. Aankho me aansu aane se pupil aur eyelids ko name milti hai, jisse aankhe sukhti nahi hai. Agar aapki aankho me nami ki kami ho jaye to aapko dekhne me samasya ho sakti hai.

2) Aankho ko Saaf Kare

Sharir ke anya hisso ki tarah aapki aankho me bhi bacteria paye jate hai. Par aansuo me kuch khaas jivanurodhi gun hote hai. Aansuo me “Lysosome” namak dravya hota hai jo 5 minutes me aankh ke 90-95% bacteria ko khatam kar sakta hai.

3) Tanav se Rahat

Jab aap pareshan ya tanav me hote hai tab aap rote hai jisse aapka tanav kam ho jata hai. Rone ke vakt sharir me Prolactin ka star kam hota hai jisse tanav kam hota hai.

4) Toxic Substance Bahar Nikale

Yeh paya gaya hai ki samanya aansuo me 98% pani hota hai par bhavnatmak aansuo me tanav ke hormones hote hai jo aapke sharir ke dwara aapko tanav se rahat dene ke liye mukt kiye jate hai. Yeh bhi pata chala hai ki inn aansuo me kai toxic substance hote hai jo humare sharir me bhavnatmak dabav ke karan ban jate hai.

5) Jalan se Suraksha

Pyaaz me kuch Enzyme hote hai jo aankho me jalan paida karte hai. Isi tarah dhul ke kann bhu humari aankho me jate hai to pani aane lagta hai. Iss tarah ka rudan aapki aankho ko suraksha deta hai aur yeh sunischit karta hai ki particles aansuo ke saath aankh se bahar nikal jaye.

Rone ke kai swasth laabh hai, lekin bahut adhik rona swasth ke lihaj se nuksaandayak ho sakta hai. Aaj aapne jane Benefits of Crying, jo ki aapke swasth ke liye kese faydemand hota hai.

See more details of Crying from Diet and Fitness.