Subscribe Whatsapp

Soan Papdi Recipe in Hindi: Mitha Pasand Karne Walo Ke Liye

Mitha khana adhikatar logo ko pasand hota hai aur jo log mithe ke shokin hote hai wo to mithai ko dekh kar ruk hi nahi pate. Lekin aajkal bajar mai mithai ke bahv bahut jyada hone ke sath sath quality bhi itni acchi nahi aati hai.

Isliye ghar ki mahilaye mithai ko ghar mai banana jyada pasand karti hai, kyonki ghar par mithai banane mai jyada kharch bhi hota aur kam paise mai quantity aur quality dono mil jati hai. Aaj hum aapko soan papdi banane ki vidhi batane ja rahe hai.

Soan papdi delhi aur uske aaspas ke rajyo mai bahut prasiddha hai lekin ise pure desh mai bhi utha hi pasand kiya jata hai. Aap soan papdi ko ghar walo ke sath mehmano ko nashte mai rakh sakte hai. Soan papdi banana bahut hi aasan hai aur ise banane mai jyada samay bhi nahi lagta hai. Jane Soan Papdi Recipe in Hindi.
 

Soan Papdi Recipe in Hindi: Janiye Ise Banane Ki Vidhi

 
Soan Papdi Recipe in Hindi
 

Banne mai lagane wala samay 25 Minutes
Mithai ki quantity 15 pieces
Swad Mitha
Origin North India

 

Soan Papdi Ingredients: Aavshyak Samagri

  • 1 ½ cup Besan
  • 1 ½ cup Maida
  • 2 cup Dudh
  • 2 ½ cup Chini
  • 1 Chhoti chammach Elaichi powder
  • 1 ½ cup Pani
  • 250gm Desi Ghee
  • 2 Chhoti chammach Pista
  • 2 Chhoti chammach Badam
  • Polythene sheet

 

Jane Soan Papdi Banane Ki Vidhi

Sabse pehle ek bartan le aur usme maide aur besan ko chhan le. Ab ek fry pain mai ghee dale aur use garam karne rakhe. Yadi aap besan se bane aur vyanjan ko dekhna chahte hai to yaha padhe Motichoor ke Ladoo banane ki vidhi.

  1. Soan Papdi Preparation ke liye sabse pehle ghee garam kare. Jab ghee acche se garam ho jaye to usme maida aur besan dalkar use tab tak acche se senke jab tak aata halka bhura na ho jaye.
  2. Isme elaichi powder dale tatha ise lagatar chalaye, taki yeh chipke nahi. Jab aata acche se sik jaye to use ek bartan mai nikal le.
  3. Ab ek ghehre pain mai pani ko dale aur use ubalne de. Jab pani acche se ubal jaye to usme dudh aur chini ko dal de.
  4. Ab gas ki aanch ko maddhi kar de aur iss chashni ko maddhi aanch par pakne de. Jab chashni gadhi ban jaye to use dekhe ki wah 2 tar ki ban rahi hai ya nahi.
  5. Ek chhoti chammach chasni ko pani mai dalkar dekhe yadi aapki chashni pani mai gol banti hai to aapki chashni taiyar hai. Ab gas band kar de aur ise thandi hone ke liye rakh de.
  6. Ab sike huye aate ko ek thali mai faila kar rakh le taaki aata bhi thanda ho jaye. Ab ek thali aur ljiye aur usme ghee laga le.
  7. Jab aapka aata thanda ho jaye to aate ke upar bani hui chashni ko dhire dhire dale aura aate ko milaye. Jab aata aur chashni puri tarah se mil jaye.
  8. Fir ise ghee lagi thali mai dale aur dhyan rakhe ki mithai ki 1 inch ki uchai hona chahiye. Ab iss par barik kata hua pista aur badam mithai ke upar dale.
  9. Piste ko puri mithai par acche se faila le. Ab chaku ki sahayata se mithai ko aakar dekar kat le aur ek plate mai nikal.
  10. Ise serve karne ke liye Soan papdi par polythene sheet ko chipka de aur aapke ghar aaye mehmano ko parose aur khud bhi khaye.

 

Flavored Soan Papdi

Yadi aap flavored wali Soan Papdi Sweet banana chahte hai to aap jab maide aur aate ko senke tab usme aapka pasandita flavor dal sakte hai. Jisse aapki soan papdi aur bhi jyada swadisht ho jayegi.
 
Upar aapne jana Soan Papdi Recipe in Hindi. Uprokt di gai jankari mai bataya gaya hai ki aap ghar par soan papdi kaise bana sakte hai. Iss swadisht mithai ko ghar par banaye aur ghar ke sadasyo ke sath mehmano ko bhi khilaye.