Subscribe Whatsapp

Saunf Ke Fayde in Hindi – Faydo Se Bharpur hai Iska Sevan

Saunf ko aapne mouth freshener ke roop mai jarur khaya hoga. Jab bhi kabhi aap bahar khana khane jate hai to uske bad aap saunf serve ki jaati hai. Yaha tak ki aapke ghar bhi jab mehman aate hai to aap khane ya nashte ke baad unhe saunf paroste hai.

Khane ke bad muh ka swad accha banane ke liye saunf khai jaati hai. Bhartiya gharo mai iska istemal jarur hota hai. Iske prayog se tadka diya jata hai, yaha tak ki achar ke masalo mai bhi iska prayog kiya jaata hai.

Garmiyo ke dino mai iska istemal badh jata hai. Kyoki iski tasir thandi hoti hai. Log garmiyo ke dino mai iska sharbat banakar peena pasand karte hai to kuch log ise kaju, badam se bane drink mai bhi milakar peete hai.

Saunf ek behad hi sugandhit aur aushdhiya guno se bharpur aushdhi hai. Isme sehat ko durust rakhne ke liye kai sare poshak tatva moujud hai. Isme iron, calcium, potassium, zink, magnesium aadi minerals paye jate hai. Aaiye aaj ke lekh mai jante hai Saunf Ke Fayde in Hindi.
 

Saunf Ke Fayde in Hindi – Fennel Ke Swasthya Labh

 
Benefits of Fennel
 

Pet ke Liye Labhkari

Saunf ke niyamit sevan se pet mai kabj ki samasya nahi hoti hai. Iske prayog ke liye saunf ko mishri ke saath peeskar churn banale aur lagbhag 5 gm churn ko sote samay gungune paani ke saath le. Isse kabj aur gas ki samasya ke saath pet ki saari samasyao se bhi nijaat milega.
 

You May Also Like:- Anjeer Benefits: Jane Common Fig Khane Ke Swasth Labh

 

Aankho Ki Roshni Badhaye

Saunf ka sevan aankho ki roshni ko badhata hai. Niyamit bhojan ke baad ek chammach saunf khaye ya fir aadha chammach saunf ka churna mishri mai milakar raat ko sote samay dudh ke saath le. Dudh ki jagah paani ka bhi istemal kar sakte hai.
 

Vajan Ghatane mai Madadgar

Jo log Weight Loss ki chahat rakhte hai unke liye to saunf bahut hi faydemand hai. Isme mutravardhak gun hota hai. Isliye yadi aap ise apni diet mai shamil karte hai to yeh aapki hajam shakti ko sudharne ke sath sath chayapachay rate ko badhakar vajan ko ghataane ka kaam karti hai.
 

Twacha mai Chamak Laye

Swasth ke sath sath Fennel Benefits twacha ke liye bhi faydemand hai. Rojana subah sham saunf khane se khoon saaf hota hai jo ki twacha ke liye bahut faydemand hota hai. Iske niyamit sevan se twacha mai chamak aati hai.

Isme moujud antioxidant gun aapke chehre se muhase dur karne mai bhi labhdayak hai. Isse aapki twacha toned hoti hai jhurriya nahi padhti hai.
 

Khansi ko Kare Chhumantar

10 gm saunf ke ark ko shahad mai milakar din mai 2, 3 baar sevan karne se khansi dur ho jaati hai. Yaa fir ek chammach saunf aur 2 chammach ajwain ko aadha liter paani mai ubaal le fir isme 2 chammach shahad milakar chhan le. Iss kadhe ki 3 chammach ko 1-1 ghante ke antar par pine se khansi mai laabh milta hai. Saunf ko muh mai rakhkar chabane se sukhi khasi shant ho jaati hai.
 

Nind Naa Aane Par

Saunf neend ki samasya ko bhi kaafi had tak dur karti hai. Saunf ka kadha banakar usme 10-15 gm ghee aur thodi mishri milaye. Iska niyamit sevan karne se aapki neend ki bimari dur ho jayegi.
 

Saans Ki Badbu Ko Dur Kare

Saunf mouth freshnar ki tarah kaam karti hai. Isme kai tarah ke sugandhit tel moujud hote hai, jo muh ki badbu dur bhagaane mai sahayak hai. Jab aap isko chabaate hai to muh mai laar utpanna hoti hai. Jo muh mai chhipe huye khadya padhartho ko nikalkar hajam karne ki kriya ko shuru karwati hai. Antibacterial guno se bharpur hone ke karan yeh saanso ki badbu aur masudo ko sankramit hone se bachaati hai.
 

You May Also Like:- Cloves Benefits in Hindi: Anmol Guno Se Bharpur Hai Laung

 

Cancer se Rahat

Aapko shayad iss bare mai jankari nahi hogi lekin saunf ka sevan cancer jaise bimariyo mai bhi faydemand hai. Darahsal saunf manganese ke acche stroto mai se ek hai. Aur sharir jab iss minerals ka prayog karta hai. Tab ek shaktishali antioxidant enzyme superoxide dismutase ka utpadan hota hai. Yeh cancer ki sambhavanao ko kaafi had tak kam karta hai.
 

Stan Ka Aakar Badhaye

Saunf ki beejo mai flavoniods moujud hota hai. Isliye iska sevan karne se sharir mai estrogen ka star badhta hai. Isliye jo log apne stan ka aakar badhana chahte hai we iska sevan kare, kyonki yeh stano mai naye cells banata hai.
 

Mastishk Ke Karya Ko Sucharu Kare

Saunf mai acchi matra mai potassium paya jata hai. Yeh ek tarah ka electrolyte hai aur iski madad se pure sharir mai electrical conduction hota hai. Potassium ki madad se aapka dimag acche se karya karta hai. Sath hi saunf mai vasodilator gun (chhoti koshikao ko bada karna) hota hai, jiske chalte aapke dimga ko bahut sari matra mai oxygen milta hai.
 

Rog Pratirodhak Kshamta Badhaye

Yadi ham ek cup saunf ki baat kare to isme aapki niyamit aavyashakta ka 20% vitamin C pradan karta hai. Jiske chalte saunf ko hamari diet ka ek aham hissa hona chahiye. Vitamin c hamari rog pratirodhak kshamta badhata hai, isse koshikaye thik hoti hai, sath hi yeh hanikarak free radicals se bhi bachata hai aur dil ki bimariyo se hamari raksha karta hai.
 


Fayde Aankho ke liye, Pet ke liye, Muh ki badbu
Prayog Mouthwash ki tarah, Khane ka swad badhane ke liye
Medicinal use Bone health, Uccha raktchaap, Cancer, Inflammation
Nutrients Protein 2%, Calories 2%, Carbohydrate 2%
Vitamins Vitamin C 20%, Vitamin A 3%, Niacin 3%

 

Anya Fayde inhe Bhi Janiye:-

  1. Diarrhea hone par saunf khana chahiye. Saunf ko bel ke gude ke sath subah sham chabaane se arjin samapt hota hai aur atisar mai fayda hota hai.
  2. Yadi aap chahte hai ki aapka cholesterol star naa badhe to khane ke lagbhag 30 minute baad ek chammach saunf kha le.
  3. Garmiyo mai saunf ko gala kar sevan karne se thandak milti hai. Saunf ko powder ko shakkar ke sath barabar milakar lene se hatho aur pairo ki jalan dur hoti hai.
  4. Do cup pani mai ubali hui ek chammach saunf ko do ya teen bar lene se cough ki samasya samapt hoti hai. Asthama aur khansi mai saunf bahut sahayak hai.

 
Upar aapne jana Saunf Ke Fayde in Hindi. Iska sevan aap kisi bhi roop mai jaise pratyax roop mai ya fir sharbat ke roop mai kar sakte hai.