Subscribe Whatsapp

Weight Gain Tips in Hindi – Aasani Se Bdhaye Apna Vajan

Jaisa ki ham sabhi jante hai ki aaj ke wakt mai adhiktar log motape ko lekar pareshan hai. Aapko internet par vajan ko kam karne ko lekar dhero articles bhi mil jayege. Wahi kai log to aapko yu hi advice de dete hai.

Lekin kya aap jante hai jitney log iss dunia mai apne badhe huye vajan ko lekar pareshan hai utne hi apne kam vajan ko lekar bhi hai. Aese bahut se log hai jo apne vajan ko badhana chahte hai. Jitna mushkil vajan ko kam karna hai utna hi mushkil ise badhana bhi hai.

Atyadhik dubla hona bhi swasthya ki dhrsti se theek nahi hai. Aese log bahut jaldi thakan mehsus karte hai. Itna hi nahi kai bar to had se jyada patle log dusro ke bich uthne baithne mai bhi asuvidha mehsus karte hai. Kya aapke sath bhi aesi hi kuch pareshani hai? To chinta mat kariye ham aapko bata rahe hai Weight Gain Tips in Hindi.
 

Weight Gain Tips in Hindi – Vajan Ko Kaise Badhaye?

 

Food for Weight Gain

 
Bahut se log apne vajan ko badhane ke liye dawao ka istemal karte hai. Lekin yeh sahi nahi hai, in dawao ke sevan se kai bar aapko side effects dekhne ko milte hai. isliye behtar hoga yadi aap prakratik tariko se hi apne vajan ko badhaye. Aaiye jante hai How to Gain Weight Fast:-
 

Acchi Nind Le:-

  • Yadi aap apne vajan ko badhana chahte hai to acchi nind le. Kyoki jab aap acchi nind lete hai to aapke sharir ko recover hone ke liye accha wakt mil jaata hai.
  • Jab aap sote hai to utne wakt aapka dimag tension free rehta hai aur aapko relax hone mai madad milti hai. Iske sath hi yadi aapko sirdard jaisi samasya hai to wo bhi thik ho jayegi.

 

Khanpan:-

Roj 2 Glass Dudh
  1. Yadi aap apne vajan ko badhana chahte hai to aapko rojana do glass dudh jarur pina chahiye. Kyoki dudh mai kai tarah ke poshak tatva moujud hote hai.
  2. Isme calcium ki bhi bharpur matra hoti hai jo aapki haddiyo ko majboot karne mai madad karti hai.

 

Aalu Ka Sevan
  1. Yadi aap jald se jald vajan badhana chahte hai to aapko aalu se bani chize jaise aalu ka paratha, fry aalu, aalu ki sabji khana chahiye.
  2. Isme vajan badhane ke gun hote hai, isliye duble logo ko ise khane ke liye kaha jata hai. Yeh prabhavi Weight Gain Foods mai se ek hai.
  3. Ham aapko yeh bhi batade ki aalu me keval calories nahi hai balki isse aapko vitamin c, protein aur fiber bhi milta hai.

 

Sehat Ke Liye Faydemand Sukhe Meve
  1. Sukhe meve jaise ki kaju, badam, kishmish, kharik, mungpahli aadi bhi vajan badhane mai madad karte hai.
  2. Ise khane se sharir ki rogo se ladne ki kshamta bhi badhti hai. Thand mai to yeh bahut hi sahayak hai.

 

Roj Khaye Ande
  1. Mashpesiyo ka nirman karne aur tuti phuti mashpesiyo ki marammat karne mai ande bahut jyada faydemand hai. Ande mai bharpur matra mai protein moujud hota hai.
  2. Protein ke liye aap rajma, soybean va kai prakar ke dalo ko bhi apne aahar mai shamil kar sakti hai.

 
Tips for Weight Gain
 

Vyayam:-

Aerobics
  1. Yadi aap apne vajan ko badhane ke liye experts se salah lenge to wo aap aerobics karne ke liye kahenge.
  2. Iss exercise ko karne se mashpesio ko jyada se jyada oxygen milta hai.
  3. Iske liye aap gym mai vajan badhane wale vyayam kar sakte hai. Pushups bhi accha vikalp hai.

 

Bench Press
  1. Apni Chati ki mashpesiyo ko majboot banane ke liye aap bench press ka chunav kar sakte hai.
  2. Ise karne ke liye sabse pehle to peeth ke bal laitte hai aur hatho se rod ko pakadte hai. Rod ki jagah dumbbells ka istemal bhi kar sakte hai.
  3. Kam se kam 10 se 15 baar ise upar uthaye aur niche le aaye.
  4. Isse aapke sine ki mashpesiya majboot hoti hai aur sina chouda hota hai.

 

Tanav Se Bache:-

  • Yadi aapko tanav lene ki bahut jyada aadat hai to isse aapka vajan badhna na munkin hai.
  • Tanav aur chinta aapke sharir ko jala deti hai.
  • Yadi aap bahut jyada tension lete hai to isse aapka vajan aur jyada girta jata hai.

 

Niyamit Malish:-

  • Aapko bhale hi sunkar aascharya ho raha hoga lekin malish karne se bhi aapka vajan badhne lagta hai.
  • Darahsal niyamit malish karne se rakt ka sanchar acche se hota hai aur sharir ke har hisse tak rakt pahuchta hai.
  • Tel ka chayan aap mousam ke anusar kar sakte hai. Aap badam, nariyal, sarso aadi tel le sakte hai.

 
Upar aapne jana Weight Gain Tips in Hindi. Vajan ko badhane ke liye vyayam ke sath sath diet ka bhi sahi hona jaruri hai. Aapko din mai 3 se 4 bar khana khana chahiye. Sath hi ande, kele jaisi chizo ko bhi apne aahar mai shamil karna chahiye.